Европа
Зеленски: Денес се случи исклучително опасен преседан за Европа

Украинскиот претседател Володимир Зеленски го опиша најновиот напад на Русија врз Украина, во кој беспилотни летала влегоа во полскиот воздушен простор, како „уште еден чекор на ескалација“ и „исклучително опасен преседан за Европа“.
Зеленски рече дека најмалку осум беспилотни летала ја погодиле Полска. Русите ја нападнаа Украина преку ноќ со речиси 415 беспилотни летала и повеќе од 40 ракети. Украинскиот лидер повика на посилен одговор од сојузниците и предупреди дека „одложувањето на ограничувањата за Русија и нејзините соучесници само значи зголемување на бруталноста на нападите“.
„Спасувачите моментно работат во Волочиск, Хмелницкаја област, каде што Русите со ракета погодија обична шивачка работилница. Досега се пријавени три повредени лица. Ова е само едно од местата на денешниот масовен руски напад: речиси 415 дрона од разни видови и повеќе од 40 крстосувачки и балистички ракети.
15 од нашите области беа нападнати. За жал, едно лице беше убиено во гранатирање во Житомирската област. Моето сочувство до семејството и најблиските. Москва секогаш ги поместува границите и ако не наиде на силна реакција, ќе остане на ново ниво на ескалација“, рече Зеленски.
„Денес се случи уште еден чекор на ескалација. Руско-иранските ‘Шахеди’ дејствуваа во полскиот воздушен простор, во воздушниот простор на НАТО. Не само еден ‘Шахед’, што би можело да се нарече грешка, туку најмалку осум напаѓачки дрона насочени кон Полска.
Исклучително опасен преседан за Европа. Дали ќе има понатамошни чекори зависи исклучиво од координацијата и од силата на одговорот. Русите мора да ги почувствуваат последиците. Русија мора да почувствува дека војната не може да се прошири и дека ќе мора да се запре. Паузата во санкциите траеше предолго.
Одложувањето на ограничувањата за Русија и нејзините соучесници значи само зголемување на бруталноста на ударот. Потребно е доволно оружје за да се уништи Русија. Потребен е силен одговор. А ова може да биде само заеднички одговор на сите партнери: Украина, Полска, сите Европејци, САД. Им благодарам на сите што помагаат“, нагласи тој.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија: Полјаците не ни доставија никакви докази дека дроновите се од наше потекло

Москва тврди дека Полска не доставила никакви докази што покажуваат дека беспилотните летала што биле соборени во Полска се од руско производство.
Вршителот на должноста амбасадор на Русија во Полска, Андреј Ордаш, потврди за новинската агенција „РИА новости“ дека бил повикан од полското Министерство за надворешни работи по инцидентот.
Ова е првиот коментар на Русија по инцидентот, кој се случи преку ноќ.
Европа
Објавена фотографија од руски дрон во Полска

Порталот Defence24 објавува дека руски дрон е пронајден во градот Чешники, во близина на Замошќ и на 40-ина километри од границата со Украина.
Читател ја испратил фотографијата од леталото до редакцијата, а според неофицијални информации, станува збор за дрон од типот „Гербер“, кој Русија го користи за преоптоварување на украинската воздушна одбрана.
Во текот на ноќта Русија изврши масовен напад врз Украина, а повеќе од десет дрона влегоа во полскиот воздушен простор. Полската војска потврди дека оние што претставуваа директна закана биле соборени. Бројот и начинот на движење на леталото, според Defence24, укажуваат на намерна руска провокација.
фото: принтскрин
Европа
Објавена мапа од синоќешниот руски напад врз Украина: прикажани и дроновите што влегле во Полска

Украинските медиуми објавија мапа на која се прикажани беспилотните летала што учествуваа во синоќешните руски напади врз Украина. Главни цели беа Донбас и регионите Ивано-Франкивск, Лавов, Луцк, Одеса, Виница и Житомир. Некои од беспилотните летала го напуштија украинскиот воздушен простор и влегоа во Полска. Според украински извори, дури 14 руски беспилотни летала влегоа во Полска.
Полска потврди дека повеќе од десетина беспилотни летала влегле во нејзиниот воздушен простор за време на нападот врз Украина. Оние што претставуваа непосредна закана беа соборени, а во акцијата учествуваа и неколку холандски борбени авиони „Ф-35“.
Во Полска, во регионот Лублин, беспилотно летало удри во куќа, но немаше повредени. Во источна Полска, во градот Вирики, беспилотно летало или објект сличен на беспилотно летало удри во станбена куќа – покривот беше оштетен, но исто така немаше повредени.
Полскиот премиер Доналд Туск го опиша инцидентот како чин на агресија и нагласи дека НАТО реагирал активно вклучувајќи распоредување холандски борбени авиони и привремено затворање на аеродромите, вклучувајќи го и тој во Варшава.
фото: принтскрин