Европа
Поранешен шеф на Европската комисија: Секој што има работа со Украина знае дека е корумпирана

Поранешниот претседател на Европската комисија, Жан-Клод Јункер, остро ја осуди можноста за Украина се приклучува кон ЕУ критикувајќи ја земјата како „масовно корумпирана“.
„Секој што имал каква било врска со Украина знае дека таа е земја што е корумпирана на сите нивоа во општеството. И покрај нејзините напори, таа не е подготвена за пристапување; им требаат обемни внатрешни реформски процеси“, рече Јункер за време на интервјуто за германското издание „Аугсбургер Алгемајне“ објавено вчера.
„Давањето лажни ветувања на Украинците за пристапување во ЕУ не би било добро ниту за ЕУ ниту за Украина“, додаде Јункер.
„Не треба да му давате лажни ветувања на народот на Украина, кој е до врат во страдањето“, рече Јункер. „Многу сум лут поради некои гласови во Европа, кои им кажуваат на Украинците дека може веднаш да станат членка“.
„Членството во ЕУ за земјите кандидати, како Украина и Молдавија, мора да биде поврзано со внатрешните реформи и мора да биде поддржано од квалификувано мнозинство“, тврди Јункер. Со години Украина се соочува со прашања за нејзиното искуство во борбата против корупцијата.
Сегашната шефица на Европската комисија, Урсула фон дер Лајен, и шефот на Европскиот совет, Шарл Мишел, се многу пооптимисти од Јункер за пристапот на Украина во блокот.
Во вторникот „Политико“ објави дека ЕУ се подготвува да отвори преговори со Украина за нејзиното идно пристапување, а официјалното соопштение се очекува во декември, според тројца дипломати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците објавија снимка: „Со беспилотно летало уништивме моќен руски дрон во лет“

Украинските сили соборија руски повеќенаменски дрон Zala Kub со помош на беспилотно летало FPV, а снимката од акцијата беше споделена на социјалните мрежи од украинскиот волонтер Серхи Стерненко, пренесува „Милитарњи“.
„Таквото летало можеше да предизвика голема штета, па затоа е одлично што беше уништен во воздух“, рече Стерненко.
Zala Kub е дизајниран за прецизни удари на копнени цели – кога ќе ги открие, вертикално навлегува и исфрла експлозивен товар на горниот дел од возилото, каде што тенковите и оклопните возила се најранливи поради нивниот потенок оклопен слој.
Ова беспилотно летало е развиено од рускиот концерн „Калашников“, а првпат беше прикажано во 2019 година на меѓународната воена изложба IDEX во Обединетите Арапски Емирати.
Украина долго време користи беспилотни летала FPV како пресретнувачи за уништување руски летала. Ваквите дронови, во зависност од опремата, како дневни и термални камери, чинат меѓу 1.600 и 2.500 долари. Тие може да летаат со брзина до 160 километри на час, да имаат дострел до 35 километри и да останат во воздухот до еден час.
Европа
Судот ќе ја изрече пресудата за Депардје во мај

Кривичниот суд во Париз во четвртокот објави дека на 13 мај ќе ја изрече пресудата за актерот Жерар Депардје за сексуално вознемирување две жени за време на снимањето филм во 2021 година.
Француското Обвинителство во четвртокот побара 18-месечна условна казна и глоба од 20.000 евра за Депардје, објави весникот „Ле Паризиен“ и другите медиуми.
Седумдесет и шестгодишниот Депардје, истакната личност во француската кинематографија, е обвинет за сексуално вознемирување две жени за време на снимањето филм од 2021 година. Ова е првпат актерот, кој се соочува со многубројни обвинувања за сексуално вознемирување во текот на годините, да биде изведен пред суд.
Депардје призна дека ја фатил една од жените за бутот, но негира дека тоа е напад. Неговиот адвокат рече дека наводите против клиентот се лажни и дека истражителите биле пристрасни.
Европа
(Видео) Нереални снимки од протестот: Пикачу ги поддржа граѓаните во Турција

Надреално видео од Покемон кој наводно бега од полицијата за време на протестите во Турција стана вирална. Имено, некој облечен како Пикачу е снимен како бега од полицијата која брка демонстранти. Снимката наводно е направена во Анталија.
Виралното видео, кое нашироко се споделува на социјалните мрежи, се чини дека потекнува од турскиот фоторепортер Исмаил Коцероглу.
Исмаил во четвртокот објави видео на својот Инстаграм профил, на кое се гледа како костимиран демонстрант бега со толпа граѓани.
Дали е автентична снимката на која Пикачу бега од полицијата не е потврдено.
Сепак, Исмаил продолжи да поставува видеа од овој маскиран демонстрант. Синоќа, тој повторно објави видео од Пикачу како шета низ улиците на Анталија, наведувајќи дека Пикачу „се приклучил на осмиот ден од демонстрациите“.