Европа
Премиерката на Финска е негативна, но таа повторно ќе се тестира
![](https://makfax.com.mk/wp-content/uploads/2020/10/8367091635f8d4f6719e68957128754_v4_big.jpg)
Премиерката на Финска, Сана Марин, е негативна на тестот за коронавирус, беше објавено денеска од нејзината канцеларија.
Марин го напушти самитот на Европската Унија во петокот затоа што беше во контакт со луѓе кои беа позитивни на коронавирусот.
„Премиерката ќе остане во самоизолација и повторно ќе биде тестирана денеска. Ако резултатот биде негативен и на вториот тест, Сана Марин ќе излезе од самоизолација”, додаваат од кабинетот на премиерката на Финска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Единственото природно езеро на Сицилија на работ на исчезнување поради сушата
![](https://makfax.com.mk/wp-content/uploads/2024/07/ezero-sicilija.jpg)
Поради сушата што ја погоди Сицилија, единственото природно езеро на тој медитерански остров, прибежиште за птиците на патот меѓу Африка и Европа, речиси исчезна.
На Сицилија со месеци има недостиг од врнежи поради што италијанската влада беше принудена да прогласи вонредна состојба таму.
Езерото Пергуза, дел од природниот резерват во близина на централниот сицилијански град Ене, драматично пресуши поради фаталната мешавина на високи температури и недостиг на дожд, соопштија научниците.
„Езерото веќе го нема. Делот од водата што беше видлив целосно исчезна, освен ова езерце“, изјави Џузепе Марија Амато од еколошката организација „Легамбиенте“ покажувајќи ја преостанатата вода.
Сицилија, остров со речиси пет милиони жители, веќе подолго време се справува со високите температури предизвикани од климатските промени. Пред три години таму беше забележан европски рекорд од 48,8 степени, а некои градови воведуваат рестрикции на вода.
Во последните години сушите ги погодија и другите делови на Европа, како Франција и Шпанија. Особено загрозен е Медитеранот, каде што просечната температура денес е 1,5 степен повисока отколку пред 150 години.
„Езерото Пергуза е показател за тоа како Сицилија страда од климатските промени“, рече Амато додавајќи дека лошото одржување и канализацискиот систем ја влошуваат вонредната состојба.
Езерото обично е со големина од 1,8 квадратен километар и не истекуваат реки во него.
Европа
Зеленски се огласи по бруталните напади врз Украина: „Светот не треба да молчи за она што го прават Русите“
![](https://makfax.com.mk/wp-content/uploads/2024/03/zelenski4.jpg)
Украинскиот претседател Володимир Зеленски се огласи на каналот „Телеграм“ по еден од најжестоките напади врз Киев од почетокот на војната во Украина.
„Светот не треба да молчи за руските напади во Украина, во кои загинаа најмалку 20 луѓе“, рече Зеленкси.
Тој исто така додаде дека детската болница, која беше погодена во нападот, е една од најважните медицински установи во земјата.
„Русија треба да одговара за сите злосторства врз луѓето, децата и човештвото. Многу е важно светот да не молчи за ова, сите да видат што прави Русија“, рече тој.
Да потсетиме, во нападот на Киев утринава загинаа најмалку седум лица, а неколкумина се повредени.
Во нападот беше погодена и најголемата детска болница во Украина, а евакуацијата на пациентите сè уште трае.
Европа
(Видео) Првите фотографии и снимки од детската болница по нападот врз Киев: 7 загинати, неколкумина повредени
![](https://makfax.com.mk/wp-content/uploads/2024/07/Screenshot-2024-07-08-122558.jpg)
Најмалку седум лица загинаа, а неколкумина се повредени во рускиот напад врз Киев, што се случи утринава.
Украинската војска соопшти дека Русија рано утринава лансирала неколку балистички и крстосувачки ракети кон главниот град Киев.
Russians attacked a children’s hospital in Kyiv. One building was destroyed
At least 3 civilians dead.
This is terrible.
Those who support Putin and continue to meet with him – support this pic.twitter.com/tvKMSMip8h
— Денис Казанський (@den_kazansky) July 8, 2024
Во нападот се користени и хиперсонични ракети, кои се десетпати побрзи од брзината на светлината.
Како што пренесуваат медиумите, во нападот била погодена и најголемата детска болница во Киев.
На видеата што се споделуваат на интернет се гледа дека внатрешноста на болницата е сериозно оштетена.
Градоначалникот на Киев, Виталиј Кличко, потврди дека во нападот била погодена детска болница, но не кажа дали има жртви.