Европа
Протести во Будимпешта против новиот закон за работни односи

Демонстрантите се судрија со полицијата во унгарскиот главен град Будимпешта во текот на ноќта за време на протестите против новиот закон кој тие го нарекуваат „робовски“ поради тоа што им дозволува на работодавачите да бараат од своите вработени да работат и до 400 часа прекувремена работа годишно.
Досегагашниот закон дозволуваше 250 часа прекувремена работа, односно за некои работиници промената може да значи дополнителни осум часа неделно.
Синдикатите исто така ги разлути и амандманот со кој на работодавачите им се дозволува да го одложат плаќањето на дополнителните часови до три години, што е за две повеќе од претходно.
Законот беше донесен во парламентот од страна на владејачката партија Фидез на премиерот Виктор Орбан благодарение на нивното мнозинство. Пратениците од опозицијата се обидоа да го спречат гласањето, а некои од нив држеа и транспаренти со зборовите: „Година на робовите“.
Според Орбан, целта на овој закон е да им се помогне на семејствата.
Пред зградата на парламентот беа поставени стотици полицајци кои се судрија со демонстрантите кои извикуваа „предавници, предавници“ и „Орбан, оди по ѓаволите“.
Некои луѓе исто така беа разгневени и од новиот закон кој беше донесен истиот ден а со кој ќе се формираат судови кои ќе бидат под директна надлежност на министерот за правда. Судовите ќе се занимаваат со случаи поврзани со владини прашања, како што се оданочувањето и изборите, кои во моментов се дел од главниот правен систем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Фрлени „молотови коктели“ кај рускиот конзулат во Франција, се огласи Захарова

Рускиот конзулат во Марсеј, Франција, рано утринава бил нападнат со „молотов коктел“, а нема информации за жртви, јавува „Анадолија“.
Инцидентот се случил околу 8 часот по локално време на авенијата Амброаз-Паре, улица на која се наоѓаат многу странски конзулати, објави BFMTV.
‼️ ⚡️Une explosion a tonné à l’intérieur du consulat russe à Marseille — BFM TV
«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw
— Camille Moscow 🇷🇺 🌿 ☦️ (@camille_moscow) February 24, 2025
Два „молотови коктела“ биле фрлени во дворот на конзулатот, но, за среќа, не е забележана штета или повредени, јавуваат медиумите повикувајќи се на полициски извори.
Во тек е истрага за мотивите за нападот.
Портпаролката на руското Министерство за надворешни работи, Марија Захарова, потврди дека имало експлозија кај рускиот конзулат во Марсеј опишувајќи ја како потенцијален терористички напад.
Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.
Европа
Ватикан: Папата е во критична состојба, но имаше мирна ноќ

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи се, соопшти Ватикан.
88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.
Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.
Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.
„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.
Европа
Експлозија кај рускиот конзулат во Марсеј

Експлозија утрово го потресе француски Марсеј во близина на рускиот конзулат. Пожарникарите потврдија дека имало експлозија во 8-миот арондисман.
„Експлозијата се случи во близина на рускиот конзулат во Марсеј околу 8 часот наутро“, соопштија пожарникарите.
На терен се околу 30 пожарникари и бројни полицајци. Засега не е позната причината за експлозијата, ниту пак дали има повредени.