Европа
Сите мобилни оператори престанаа да работат: хаос во Шпанија, по прекинот на електричната енергија, повторно проблем

Сите поголеми мобилни оператори престанаа да работат во цела Шпанија, само четири недели по претходниот прекин на електричната енергија во целата земја.
Ова ги вклучува водечките мрежи во земјата, како што се „Мовистар“, „Оринџ“, „Водафон“, „Дигимобил“ и „О2“, пишува „Метро“.
Според веб-страницата на „Даундетектор“, проблемите почнале околу 5 часот утрово.
Ова влијае на поголемиот дел од земјата, вклучувајќи ги и поголемите градови, како Мадрид, Малага, Барселона, Валенсија, Мурсија, Севилја и Билбао.
Главните проблеми на кои се жалат луѓето вклучуваат целосно губење на сигналот, целосно блокирање на мрежата и проблеми со интернетот. Исто така, беа погодени и 112 линии за итни случаи.
Подрачјата на Баскија, Арагон и Валенсија беа исто така погодени.
Шпанската телекомуникациска компанија „Телефоника“ потврди дека работи на обновување на услугите откога телефонските и интернет-врските беа прекинати. Во меѓувреме, телефонските линии за итни случаи се обновени во Арагон, но проблемите продолжуваат во другите делови од земјата. Според весникот „Ел Корео“, биле извршени некои работи за подобрување на мрежата, што влијаеле на одредени услуги.
Луѓето се жалат на социјалните мрежи за прекинот.
Пред четири недели во Шпанија иво Португалија се создаде паника и масовни купувања кога голем прекин на електричната енергија парализира големи делови од двете земји. Речиси 50 милиони луѓе беа погодени, метрото и возовите беа стопирани, а семафорите не работеа.
Телефонските услуги исто така беа во прекин, а банкоматите не работеа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Претставникот на Трамп: Нападот врз Киев е ескалација, очигледно е дека Русите не сакаат војната да заврши

Специјалниот претставник на американскиот претседател Доналд Трамп за Украина, Кит Келог, изјави дека нападот на Русија врз владината зграда во Киев не е сигнал дека Москва има намера дипломатски да ја заврши војната. „Нападот не беше сигнал дека Русија сака дипломатски да ја заврши оваа војна“, рече Келог преку социјалната мрежа Икс.
The danger in any war is escalation. Russia appears to be escalating with the largest attack of the war hitting offices of the UKR Cabinet in Kyiv. I was with their PM @Svyrydenko_Y two weeks ago in that building. History shows events can escalate out of control through actions… https://t.co/7ZskfAkh9e
— Keith Kellogg (@generalkellogg) September 7, 2025
Келог нагласи дека опасноста од каква било војна лежи во ескалацијата, а Русија, рече тој, „се чини дека ескалира“ со лансирањето на најголемиот воздушен напад во војната, кој прво ја погоди зградата на украинската влада.
Специјалниот пратеник, исто така, откри дека бил во истата зграда пред само две недели, каде што се сретнал со украинската премиерка Јулија Свириденко.
Тој предупреди дека ваквите потези би можеле да излезат од контрола. „Историјата покажува дека настаните можат да ескалираат надвор од контрола преку вакви акции. Затоа претседателот Трамп работи на запирање на оваа војна“, заклучи Келог.
фото: принтскрин
Европа
(Видео) Зеленски за најголемиот удар врз Украина досега: Путин го тестира светот

„Важно е што денес видовме широк одговор од партнерите на овој напад. Јасно е дека Русија се обидува да ѝ нанесе болка на Украина со уште подрски напади. Ова е јасен знак дека Путин го тестира светот, за да види дали ќе го прифати тоа или не“, објави Володимир Зеленски вчера вечер на платформата Икс, коментирајќи го најголемиот руски воздушен напад врз Украина досега.
„Затоа изјавите на државните лидери и институциите мора да бидат поткрепени со силни акции – санкции против Русија и поединци поврзани со Русија, високи тарифи и други ограничувања за трговија со Русија. Нивните загуби мора да се почувствуваат. Тоа е она што е навистина убедливо“, рече Зеленски.
It is important that today we saw a broad response from our partners to this strike. Clearly, Russia is trying to inflict pain on Ukraine with even more brazen attacks. This is a clear sign that Putin is testing the world – whether they will accept or tolerate this. pic.twitter.com/X2vGTgnDTX
— Volodymyr Zelenskyy / Володимир Зеленський (@ZelenskyyUa) September 7, 2025
„Друга работа е подеднакво важна – нашите долгорочни способности. Путин не сака преговори, тој очигледно се крие од нив, затоа недостигот на гориво во Русија и другите економски тешкотии се логичен одговор на одбивањето на прекин на огнот или состанок на ниво на лидери“, рече Зеленски.
Во саботата кон неделата, Русија го изврши најголемиот воздушен напад врз Украина од почетокот на војната. Беа испукани околу 800 беспилотни летала и ракети, а за прв пат беше оштетена и зградата на украинската влада во Киев. Во нападите беа убиени најмалку четири цивили, вклучувајќи и двомесечно бебе. Повеќе од 40 лица беа ранети.
фото: принтскрин
Европа
По протестот за железничката несреќа во Атина се фрлаа молотови коктели

Непознати лица фрлале молотови коктели кон полицијата пред грчкиот Парламент во центарот на Атина по завршувањето на официјалниот дел од протестот за железничката несреќа кај Темпи, на кој граѓаните уште еднаш побараа правда за жртвите.
Инцидентите се случиле на само неколку минути по завршувањето на протестот и додека сѐ уште имаше граѓани во делот пред Парламентот, па така полицијата не употребила солзавец.
Тензиите се пренесоа во долниот дел на плоштадот Синтагма, каде што побегнаа маскираните лица, а специјалните полициски сили употребија солзавец.