Европа
Советот на Европа: Присилното носење украински деца во Русија е геноцид
Присилното пренесување украински деца во Русија од страна на Москва претставува геноцид, заклучи Советот на Европа во четвртокот во резолуцијата усвоена од неговото парламентарно собрание, пренесува „Еурактив“.
Барајќи безбедно враќање на децата во Украина, ПССЕ истакна дека „документираните докази за оваа практика се совпаѓаат со меѓународната дефиниција за геноцид“.
Конвенцијата за геноцид од 1948 година, меѓу нејзините дефинирачки критериуми, го опфаќа и принудното преселување деца.
Резолуцијата во СЕ беше изгласана со 87 гласа „за“, еден „против“ и еден „воздржан“. Линда Хофштад Хелеланд од норвешката ЕПП гласала против, а Харалд Вејел од германската АфД бил воздржан.
Киев во средината на април алармира дека од почетокот на руската инвазија на 24 февруари минатата година повеќе од 19.000 украински деца биле киднапирани и однесени во Русија. Се вели дека многу од нив биле сместени во згрижувачки домови.
Во резолуцијата на СЕ од четвртокот се вели дека постојат докази оти „депортираните деца се соочиле со процес на русификација преку превоспитување на руски јазик, култура и историја“.
„Овие трансфери на украинските деца биле јасно планирани и организирани на системски начин како државна политика со цел да се уништат секоја врска и карактеристика на нивниот украински идентитет“, се вели во резолуцијата.
ПССЕ ги повика Обединетите нации и Црвениот крст да издејствуваат пристап за да може да соберат информации за засегнатите деца.
Украинскиот претседател Володимир Зеленски ја поздрави резолуцијата како важна одлука што ќе помогне да се бара одговорност од Русија и нејзините лидери.
An important political result in Strasbourg at @PACE_News session. Resolution recognising that Russia’s deportation of 🇺🇦 children has evidence of the crime of genocide. I welcome the 1st recognition of this fact by a statutory body of the @coe, organisation uniting all of Europe pic.twitter.com/rKXPD8Gx60
— Володимир Зеленський (@ZelenskyyUa) April 27, 2023
„Депортацијата на украинските деца е еден елемент од обидот на Русија да го избрише идентитетот на нашиот народ, да ја уништи самата суштина на украинскиот народ“, истакна Зеленски во вечерното обраќање.
На 17 март Меѓународниот кривичен суд (МКС) издаде налог за апсење на рускиот претседател Владимир Путин наведувајќи ја како причина незаконската депортација на деца. Судот издаде и потерница по Марија Лавова-Белова, рускиот претседателски комесар за правата на децата.
МКС го обвини Путин и за воени злосторства извршени во Украина.
Москва, од своја страна, го оправдува префрлањето на украинските деца во Русија како хуманитарна кампања за заштита на сираците и децата напуштени во воената зона иако во резолуцијата се истакнува дека Москва почнала со незаконската практика од сиропиталиштата и центрите за грижа уште пред инвазијата.
Децата што живееле под институционализирана грижа биле депортирани со правдање за евакуација од областите зафатени од војна. Други деца, пак, биле одвоени од своите семејства во филтрациски кампови.
Портпаролката на руското Министерство за надворешни работи, Марија Захарова, минатиот месец истакна дека налозите на МКС се бесмислени бидејќи Русија не соработува со судот.
По инвазијата на Украина, Русија го избегна и исфрлањето од Советот на Европа најавувајќи дека повеќе нема да учествува во неговата работа, и тоа неколку дена откако паневропското тело за човекови права ги суспендира правата на застапување на Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.