Европа
Украинци вклучени во саботажата на Северен тек, покажува ново медиумско истражување
Најмалку двајца украински државјани се поврзани со јахтата што германските власти, наводно, ја истражуваат во врска со експлозиите од саботажата на гасоводот Северен ток минатиот септември, известуваат медиумите во Швајцарија и Германија.
Двата медиума – швајцарски „Тагес-Анцајгер” и германски „Зидојче цајтунг” – претходно објавија дека на бродот биле откриени траги од воен експлозив.
Во истражувањето кое, меѓу другите, заеднички го спровеле „Зидејче цајтунг“, германската медиумска групација НДР, шведскиот весник „Експресен“, полскиот онлајн магазин „Фронтстори.пл“ и данскиот дневен весник „Берлингске“, откриена е лажната туристичка агенција „Ферија Лвова“ со седиште во Варшава, која минатата есен го регистрирала бродот „Андромеда“.
Иако е регистрирана како туристичка агенција, компанијата нема телефонски број, веб-страница ниту вработени.
Seit den Explosionen an den Pipelines in der Ostsee gibt es Spekulationen um die Drahtzieher, doch bislang kein offizielles Ergebnis. Jetzt verdichten sich die Hinweise – und die bergen politische Sprengkraft. (Abo) https://t.co/MmTGvhHpZ6
— tagesanzeiger (@tagesanzeiger) May 22, 2023
Според пишувањата на „Тагес-Анцајгер”, компанијата е регистрирана на име на двајца Украинци, од кои едниот живее на Крим и има руско државјанство. На прашање од новинарите, лицето негирало каква било вмешаност со лажната туристичка агенција.
Второто лице е жена опишана во полските записи како претседател на компанијата. Во изјава зашвајцарскиот весник таа потврдила дека ја има таа позиција, но одбила да одговори на дополнителни прашања.
Во статијата се тврди дека во Полска и Украина постојат уште неколку фирми регистрирани на нејзино име.
„Тагес-Анцајгер” објави дека „Андромеда“ веќе некое време е во центарот на истрагата на германските власти. Иако неговата точна рута останува непозната, се верува дека бродот поминал низ областа каде што експлозиите подоцна ги уништија двата гасовода Северен тек.
Според весникот, иследниците на бродот пронашле траги од воен експлозив што може да се користи под вода, потврдувајќи ги тврдењата изнесени во „Њујорк тајмс“ во април.
Seit den Explosionen an den Pipelines in der Ostsee gibt es jede Menge Spekulationen um die Drahtzieher, doch bislang kein offizielles Ergebnis. Jetzt verdichten sich die Hinweise – und die bergen politische Sprengkraft. #SZPlus https://t.co/pb3bAVGEzA
— Süddeutsche Zeitung (@SZ) May 21, 2023
Покрај тоа, властите наводно идентификувале еден од шесте членови на екипажот, кој поседувал лажен романски и бугарски пасош, како 26-годишен Украинец по потекло од град југоисточно од Киев. Лицето наводно било припадник на украинските вооружени сили.
Неколку западни медиуми претходно објавија дека зад саботажата на гасоводот „Северен тек“ навјверојатно стои приватна компанија или дури и поединец од Украина.
Швајцарскиот весник сугерира дека германските истражители се наклонети кон верзијата дека во нападот била вмешана украинското државно разузнавање и дека се скептични околу тврдењата дека Русија стои зад експлозијата.
Претходно месецоц, високиот руски дипломат Константин Гаврилов откри дека САД не одговориле на барањето на Москва за информации околу случајот.
На почетокот на февруари, ветеранскиот американски новинар и добитник на Пулицеровата награда, Симор Херш, објави бомбастичен извештај во кој ги обвини САД за уништување на клучниот гасовод.
Според Херш, експлозивните направи биле поставени под рускиот гасовод во јуни 2022 година од американски нуркачи, а биле активирани три месеци подоцна од норвешките специјални сили.
Додека Вашингтон ги отфрли обвинувањата како ноторна лага, рускиот претседател Владимир Путин кон крајот на март рече дека целосно се согласува со наодите на Херш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Масовен хакерски напад врз руски државни медиуми; Украинците: Ние го изведовме
Извор од украинската влада соопшти дека украинските хакери се одговорни за големиот сајбер напад врз руската државна медиумска компанија ВГТРК што се случи денеска, што се совпадна со 72-от роденден на рускиот претседател Владимир Путин.
Портпаролот на Кремљ, Дмитриј Песков, претходно потврди дека ВГТРК била цел на сајбер напад без преседан, додавајќи дека експертите работат напорно за да откријат кој е одговорен и дека ВГТРК работи на надминување на последиците од нападот.
ВГТРК, која ги поседува и управува со главните национални ТВ канали и голем број регионални канали и радио станици, претходно во понеделникот објави дека нејзините интернет-сервиси станале цел на сајбер напад преку ноќ, но дека и покрај тоа, емитувањето на радиото и ТВ преносите функционирале.
„Нашиот државен медиумски холдинг, еден од најголемите, се соочи со невиден хакерски напад врз неговата дигитална инфраструктура. Експертите се обидуваат да ги утврдат сите околности со цел да разберат каде водат трагите што ги оставиле сторителите на овој хакерски напад“, рече тој.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.