Европа
Чешкиот министер за здравство: Пациентите се заложници на фармацевтската индустрија
Европската Унија мора да им наложи на фармацевтските компании задолжително складирање лекови бидејќи пациентите станаа заложници на фармацевтската индустрија, истакна во неделата чешкиот министер за здравство, Властимил Валек, во интервју за чешката телевизија.
Освен фактот дека некои компании имаат монопол во производството специфични лекови, како антибиотици, фармацевтската индустрија не создава резерви и веднаш ги дистрибуира производите, што претставува значителен ризик, додаде министерот.
„Едноставно, пациентите станаа заложници на фармацевтската индустрија во изминатата деценија“, предупреди Валек.
Чешкиот министер истакна дека се зголемува поддршката меѓу земјите членки на ЕУ за наметнување задолжителни резерви и дека, покрај Чешка, за идејата се залага и Белгија, па дури и Германија.
Чешката Република периодов подготвува закон со кој фармацевтските компании ќе се обврзат да чуваат резерви за да обезбедат снабдување со лекови во случај на недостиг на некој лек. Сепак, Валек е убеден дека ваков пристап не е потребен во цела Европа.
„Европската ситуација нема да се реши ако една, две или три земји го сменат тоа,. Потребно ни е производителите да почнат да се однесуваат многу посериозно и да размислат за тоа дека мора да имаат резерви за да го обезбедат снабдувањето во случај на недостиг“, истакна Валек.
Новиот фармацевтски пакет на ЕУ, претставен на крајот на април, предвидува можност за воведување резерви за вонредни состојби иако Европската комисија останува внимателна во врска со тоа.
Фармацевтските компании ја критикуваа идејата за создавање резерви. Според Филип Врубел, шеф на чешката Асоцијација на фармацевтските компании, задолжителните резерви може да доведат до повисоки цени на лековите и да ја загрозат нивната достапност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.