Европа
14-годишно девојче од Црна Гора планирало исламистички напад во Австрија, познати деталите

Како што објавија австриските медиуми, Обвинителството во Грац поднело обвинение против 14-годишно девојче по потекло од Црна Гора, кое на 17 мај беше уапсено под сомнение дека планирало терористички напад во центарот на тој австриски град, на Јакоминиплац.
Дојавата за терористичката закана дошла од разузнавачката служба на пријателска европска земја, која истражувала исламистичка ќелија во Германија и на тој начин дознала за онлајн-активностите на девојчето во Грац.
Како што пренесува „Клајн цајтунг“, Обвинителството и судот сега за медиумите изјавиле дека обвинението е потврдено. Девојката, чие име не се соопштува, е обвинета дека е членка на Исламската држава, која во Австрија е класифицирана како терористичка и криминална организација.
Од нејзините онлајн-активности се чини дека таа и уште две лица планирале напади во име на Исламската држава. Едно од овие лица е уапсено во Германија. Таа добила и нож и соодветна црна облека на ИД за да изврши терористички напад врз „неверниците“ во Јакоминиплац во Грац.
Не само што се запленети ножот и облеката, туку иследниците пронашле и онлајн-комуникации во кои таа испраќала слики од можни цели на напади на истомисленици во странство, вклучително и Јакоминиплац. Токму овие активности и врски доведоа до дојавата за истражителите на Државниот завод за државна безбедност и борба против екстремизмот во Штаерска (ЛСЕ).
При претресот на куќата пронајден е и пропаганден материјал на Исламската држава. Според Обвинителството, во видеото таа се колне на лојалност кон ИД на арапски јазик.
Според „Клајн цајтунг“, судскиот вештак смета дека девојчето било здраворазумно, а датумот на првото рочиште сѐ уште не е одреден. Девојката се изјаснила за невина. Откога била приведена и спроведена во затвор, одредена ѝ е мерка притвор поради опасност од извршување кривично дело и опасност од прикривање докази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Запечатена резиденција на папата, во Ватикан владее седисвакација

Ватикан ја запечати официјалната резиденција на папата Франциско, симболично започнувајќи период на жалост.
На снимката објавена од Ватикан се гледа кардиналот Кевин Џозеф Фарел, камерленгото, како гледа како службеник на Ватикан става црвена лента на вратата од резиденцијата на папата, ја врзува, а потоа става восочен печат на лентата. После тоа, Фарел ја проверува пломбата и се уверува дека вратата е цврсто затворена.
The papal apartments in the Apostolic Palace — unused during Pope Francis’ pontificate — have been officially sealed by Cardinal camerlengo Kevin Farrell following the Pope’s death. This act marks the beginning of the “sede vacante” period, during which the See of Peter remains… pic.twitter.com/p3PcYqN050
— EWTN Vatican (@EWTNVatican) April 21, 2025
Запечатувањето на папската резиденција е традиционален обред што го изведува камерленго, привремениот управител на Ватикан, а историски служел за да се спречи ограбувањето на папските одаи.
Овој чин го симболизира официјалниот крај на понтификатот на папата Франциско и почетокот на периодот на седисвакација – период без папа.
Европа
„Гробот нека биде едноставен, без украси, на плочата нека стои еден збор“: Ватикан го објави тестаментот на Папата

Папата Франциско во својот последен тестамент потврди дека сака да биде погребан во базиликата Света Марија Велика во Рим, наместо во базиликата Свети Петар во Ватикан, каде што многу од неговите претходници го најдоа своето последно почивалиште.
Во тестаментот објавен од Ватикан, Франциско јасно ја изразил својата желба да биде погребан „во земја, без посебни украси“, а над неговиот гроб треба да стои едноставна плоча со неговото папско име на латински: Franciscus.
Папата исто така напишал дека договорил неименуван добротвор да ги покрие трошоците за неговиот погреб.
„Трошоците за подготовка на погребот ќе бидат покриени од сумата што ја обезбеди добродетелот, кој договорив да биде префрлен во базиликата Света Марија Велика“, стои во тестаментот.
Европа
Ватикан: Папата почина од мозочен удар и срцево затајување

Ватикан објави дека папата Франциско починал од мозочен удар кој предизвикал кома и неповратно срцево затајување. „Смртта е констатирана со електрокардиограм“, пишува во изводот на смртта потпишан од директорот на Одделот за здравје и хигиена на Ватикан, професор Андреа Аркангели.
„Потврдувам дека Неговата Светост Франциско (Хорхе Марио Бергољо), роден во Буенос Аирес (Аргентина) на 17 декември 1936 година, жител на Ватикан, државјанин на Ватикан, почина во 7:35 часот на 21 април 2025 година, во неговиот стан во резиденцијата Санта Марта“, напиша тој.
Аркангели наведува дека папата по мозочниот удар прво паднал во кома, а потоа починал. Причините за смртта се „мозочен удар“, „кома“ и „неповратна кардиоциркулаторна инсуфициенција“, се вели во соопштението. Во документот се додаваат и претходните здравствени проблеми на папата, „епизоди на акутна респираторна инсуфициенција со билатерална мултимикробна пневмонија, хипертензија и дијабетес тип II“.
Папата Франциско почина околу 90 минути откако утрово го разбудил будилникот, јавија италијанските медиуми. Тој наводно се разбудил кога алармот му се вклучил во 6 часот, му се слошило во 7 часот наутро, а починал од мозочен удар во 7:35 часот, пишува „Кориере дела Сера“. Лекарите претходно објавија дека тој „починал мирно“.