Свет
„Гугл“ казнет со 391,5 милион долари поради тајно следење на корисниците
Интернет-гигантот „Гугл“ се согласи да плати рекордни 391,5 милион долари за да ја реши тужбата што заеднички ја поднесоа јавните обвинители на 40 американски држави дека компанијата ги довела во заблуда своите корисници за собирање лични податоци за локацијата.
„’Гугл’ ги доведе во заблуда своите корисници да мислат дека го исклучиле следењето локација во поставките на нивната сметка, а всушност продолжи да собира информации за нивната локација“, рече во понеделникот јавниот обвинител на Орегон, Елен Розенблум.
„’Гугл’ со години дава приоритет на профитот пред приватноста на своите корисници. Беа лукави и мамеа“, изјави Розенблум.
Истрагата беше поттикната од извештајот на „Аосшиетед прес“ од 2018 година, според кој „Гугл“ продолжил да ги следи локациите на корисниците на „Андроид“ и на „Иос“, дури и кога корисниците ја исклучиле „Историјата на локација“ во поставките на нивната сметка, поткопувајќи ги контролите за приватност.
Корисниците беа заведени дека мислеа дека оневозможувањето на „Историјата на локација“ во „Поставки“ го оневозможува следењето локација, но друга поставка на сметката наречена „Активност на веб и апликации“, вклучена стандардно, ѝ дозволува на компанијата да собира, складира и да користи лични податоци за локацијата на корисниците.
Розенблум рече дека податоците за локацијата собрани од „Гугл“ се комбинирани со други лични информации и информации за однесувањето собрани за попрецизно профилирање на корисниците за целни рекламни цели додавајќи дека дури и ограничена количина податоци за локацијата може да открие нечиј идентитет и рутини.
Како дел од договорот од компанијата се бара да спроведе повеќе кориснички контроли на сметката и да го ограничи користењето и складирањето одредени видови податоци за локација.
„Гугл“ исто така ќе мора да биде транспарентен за практиките за следење и собирање податоци за локација и ќе мора да прикаже дополнителни информации кога поставките на сметката поврзани со локацијата се преклопуваат и да прикажува детаљни информации за тоа кои податоци ги собира и како се користат.
Пред три месеци Австралиската комисија за конкуренција и потрошувачи (ACCC) го казни „Гугл“ со 60 милиони австралиски долари за заблуда на корисниците за „собирање и користење на нивните лични податоци за локацијата на телефоните со ‘Андроид’ помеѓу јануари 2017 и декември 2018 година“.
Минатиот месец компанијата се согласи да ѝ плати на американската сојузна држава Аризона 85 милиони долари за да реши посебна тужба во која се тврди дека незаконски ги следела корисниците со снимање на податоците за локацијата без нивна согласност. „Гугл“ во моментот се соочува со слични тужби во неколку други американски држави.
Во јануари 2022 година француската Агенција за заштита на приватноста и податоците (CNIL) исто така го казни „Гугл“ со 150 милиони евра затоа што ѝ го отежна на компанијата да отфрли колачиња за следење веб-локации со опција скриена зад повеќекратни кликања.
Иако се големи, казните можеби не се доволни за компанијата, која објави вкупен приход од 69,09 милијарди долари и нето-приход од 13,9 милијарди долари за третиот квартал.
Вкупниот приход од рекламирање беше 54,48 милијарди долари за тримесечниот период.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.