Свет
Коалицијата призна 173 цивилни жртви во воздушните удари во Ирак и Сирија

Коалицијата за борбата против ултрадикалната сунитска групација Исламска држава предводена од САД дошла до сознанијата дека во текот на спроведувањето на операциите во воздушните удари врз позициите на џихадистите од 2014 година настрадале 173 цивили, се наведува во соопштението на коалицијата од четвртокот.
„Во овој момент, според достапните информации, штабот на операцијата смета дека е веројатно оди од почетокот на операцијата ’Непоколеблива решителност’ во ударите на коалицијата ненамерно биле убиени 173 цивили. Жалиме за случајните жртви, кои се резултат на напорите на коалицијата за поразување на Исламската држава во Ирак и во Сирија, и изразуваме длабоко сочувство до семејствата погодени од овие напади“, се наведува во соопштението, кое го цитира Reuters.
Агенцијата притоа вели дека оваа бројка е „значително помала од процената на другите групи“ за бројот на цивилните жртви.
Во октомври годинава, на пример, Amnesty International наведе дека коалицијата предводена од САД против Исламската држава не спроведува доволно мерки за внимателност за да ги избегне цивилните жртви во Сирија. Amnesty International тогаш објави дека во коалициските напади се убиени најмалку 300 цивили во 11 напади од септември 2014 година во Сирија.
Во извештајот од четвртокот особено се опишуваат седум случаи во периодот од 21-ви март до 22-ри октомври октомври 2016 година, во кои биле убиени 54 цивили. На пример, на 18-ти јули во сирискиот град Манбиџ загинале 24 цивили, кои биле во исто место со џихадистите. Во овој напад, исто така, биле убиени околу 100 милитанти. Покрај тоа, на 28-ти јули во друг регион на Сирија биле убиени 15-цивили, при гаѓање на наводен автомобил на бунтовниците.
Опозициската Сириска опсерваторија за човекови права (SOHR, со седиште во Лондон, пак, тврди дека во нападот во Манби смртно настрадале 56 цивили.
Истовремено коалицијата истражувала уште 12 информации за загинувања на цивили и дошла до заклучок дека тие не се веродостојни, бидејќи во тие области или во тоа време немало напади на нејзината авијација., Уште три напади и натаму се истражуваат и засега нема конкретен заклучок.
Во коалицијата предводена од САД влегуваат 66 земји, но во воздушните удари во Ирак и во Сирија од септември 2014 година, учествуваат само неколку претежно западни држави./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
На 11 мај САД ќе ја укинат вонредната состојба воведена за борба против коронавирусот

Администрацијата на американскиот претседател Џозеф Бајден денеска соопшти дека на 11 мај ќе ја укине вонредната состојба прогласена поради епидемијата на Ковид-19, речиси три години откако земјата воведе сеопфатни мерки за борба и сузбивање на коронавирусот.
Во 2020 година, претходната администрација на претседателот Доналд Трамп воведе национална вонредна состојба поради корона вирусот и вонредна состојба во јавното здравство, потсетува Ројтерс.
Бајден постојано ги продолжуваше тие мерки,пренесе Танјуг.
Свет
(Видео) Уште еден кит заринка на источниот брег на САД

Од минатиот месец, 15 китови се насукаа на источниот брег на САД, а 7,6 метарски грбав кит се насука на бреговите на американската сојузна држава Њујорк. Научниците сè уште не знаат од што е ова предизвикано.
„Станува збор за машки грбав кит. Ова е прв таков случај на оваа област во последните пет години. Ова е најголемото насукување на кит на овие брегови во повеќе од една деценија“, рече Дон Клавим, управител на градот Хемпстед, објави Би-Би-Си.
Експертите наведуваат дека засега не гледаат причина за вакви инциденти, а локални активисти и научници се обидуваат да ја откријат причината за проблемот. Некои сметаат дека вината за насукувањето на китовите е поставувањето на ветерни електрани долж брегот, но локалните власти наведуваат дека нема докази за такво нешто.
„Засега не гледаме ништо што би можело да им наштети на китовите“, рече Синди Зиф, директорка на Clean Ocean Action.
Свет
(Видео) Во пукање во Флорида најмалку десет лица се ранети

Најмалку десет лица се ранети во пукотница во Лејкленд, Флорида, соопшти градската полиција.
Пукањето се случило вчера околу пладне, а две лица се во критична состојба, соопшти полицијата, пренесува АП.
Се наведува дека напаѓачите во еден момент ги симнале сите четири стакла од темносините возила и отвориле оган врз нив, а во престрелката биле ранети лица од двете страни на улицата.
Police say 10 people were shot in a "targeted attack" in #Lakeland #Florida They're seeking a blue Nissan in connection with the shooting.#shooting #GunControlNow #guncontrol pic.twitter.com/P29mWebMeq
— Breaking News Worldwide (@FelizKarenP1) January 31, 2023
Полицијата во Лејкленд сè уште не идентификувала ниту еден осомничен и објавила на Фејсбук дека нуди награда од 5.000 долари за информации за напаѓачите.
Началникот на полицијата во Лејкленд, Сем Тејлор, рече дека истражителите веруваат дека нападот не бил случаен и дека жртвите биле цел.
Тој додава дека на местото на престрелката била пронајдена марихуана, а истражителите веруваат дека непосредно пред пукањето на местото на инцидентот се вршела продажба на дрога.