Свет
Колумбиската влада и FARC потпишаа нов мировен договор
Колумбискиот претседател Хуан Мануел Сантос и челникот на герилското движење Револуционерни вооружени сили на Колумбија (Fuerzas Armadas Revolucionarias de Colombia – FARC), Родриго Лондонo Ечевери наречен Тимоченко (или Тимошенко) потпишаа во четвртокот во престолнината Богота нов мировен договор за запирање на полувековниот вооружен конфликт, кој претходно граѓаните го отфрлија на референдум.
Станува збор за изменет договор, откако на 2-ри октомври Колумбијците изненадувачки со 51,21 отсто „против“ и 49,78 отсто „за“ со слаба излезност од 62 отсто го отфрлија првиот потпишан по четиригодишни преговори и со меѓународно посредување со кој се сакаше да се стави крај 52-годишниот вооружен конфликт во кој загинале најмалку 260.000 луѓе, над 60.000 се водат како исчезнати, а 6,9 милиони лица се раселени, и покрај тоа што пред повеќе од еден месец Колумбијците на референдумот неочекувано не го прифатија нивниот мировен договор кој по четиригодишни преговарања го потпишаа кон крајот на септември. Противниците тогаш го оценија овој договор како преблаг кон герилците.
Новиот договор во кој се модификувани 56 од 57 одредби, ќе биде испратен на усвојување во Конгресот, каде што претседателот Хуна Мануел Сантос има мнозинство, наместо повторно да биде ставен на референдум.
Колумбиската влада и FARC пред десетина денови објавија дека постигнале изменет мировен договор за запирање на најдолгиот вооружен конфликт на северната хемисфера. Тогаш Сантос, кој за овој мировен договор ја доби годинешната Нобелова награда за мир, истакна дека се работи за „подобар договор“. „Прилагодивме и изменивме 56 од 57 поглавја со коишто се занимававме…, така што можеме да градиме потраен и постабилен мир“, рече Сантос.
Со новиот договор не се допираат клучните прашања, вклучително и разоружувањето на FARC кој ќе се трансформира во политичка партија којашто низ неколку фази и години ќе се вклучува во политичкиот живот на Колумбија. Меѓутоа, со него се воведуваа неколку „новини“ во клучните одредби од оригиналниот мировниот договор, соопшти главниот владин преговарач Умберто де ла Кале. „Измените и појаснувањата не ги менуваат клучните одредби околу кои се договоривме“, истакна Де ла Кале.
Сантос изјави дека не е усвоен предлогот да им се забрани учество на изборите на бунтовничките водачи одговорни за тешки злосторства. Истакна, исто така, дека во новиот договор ќе се задржи одредбата според којашто челниците на FARC ќе избегнат судски прогон доколку ги признаат своите недела и им платата отштета на жртвите. Но, додаде дека ќе бидат специфирани „некои ограничувања за нивната слобода“.
Главниот преговарач од страна на FARC, Иван Маркез, кусо изјави дека „сето она што сега треба да се стори е да се примени новиот план“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тоа не е повлекување на САД од Европа“: Американската војска за намалување на силите
Повлекувањето на американската бригада од Романија не значи „повлекување“ од европскиот континент, објави денес американската армија.
„Ова не е повлекување на САД од Европа, ниту е знак за намалена посветеност на НАТО и Член 5, кој предвидува дека секоја од 32-те земји на Алијансата мора да ѝ помогне на земја-членка во случај на напад“, нагласи американската војска во соопштение од нејзиното европско седиште.
„Напротив, тоа е позитивен знак за зголемени капацитети и одговорности во Европа“, соопшти американската војска.
Армијата појасни дека Втората борбена пешадиска бригада на 101-та воздушно-десантна дивизија, со седиште во Романија, ќе се врати во своето седиште во Кентаки и нема да биде заменета.
Во соопштението не е наведено колку војници биле вклучени, но бригадата обично брои помеѓу 3.000 и 5.000.
Романските власти објавија дека 1.000 војници ќе останат стационирани по прераспоредувањето.
Фото: принтскрин
Свет
Специјалниот пратеник на Путин: Не сакаме конфликтот во Украина да ескалира во нешто поголемо
Специјалниот пратеник на рускиот претседател Владимир Путин, Кирил Дмитриев, на инвестициска конференција во Саудиска Арабија изјави дека војната во Украина би можела да заврши во рок од една година.
Дмитриев го изјави ова по состанокот со претставници на американската администрација во САД минатиот викенд.
„Сигурни сме дека сме на патот кон мир“
Неговата посета доаѓа по одлуката за одложување на самитот меѓу американскиот претседател Доналд Трамп и рускиот претседател Владимир Путин.
„Сигурни сме дека сме на патот кон мир и како миротворци мора да го оствариме тоа“, изјави Дмитриев, кој е и извршен директор на Рускиот фонд за директни инвестиции, на конференција во Ријад.
На прашањето дали мирот во Украина е можен во рок од една година, Дмитриев рече: „Верувам дека е“.
Дмитриев во САД рече дека САД и Русија се блиску до „дипломатско решение“ за војната.
Пофалби за соработката меѓу САД, Саудиска Арабија и Русија
Дмитриев ја пофали соработката меѓу САД, Саудиска Арабија и Русија како земји со најголеми резерви на природни ресурси во светот и рече дека таквата соработка ќе го направи светот побезбеден.
„Луѓето сега се фокусирани на регионалниот конфликт околу Русија, но не сакаме тој да ескалира во поголем конфликт. И за да се случи тоа, треба да направиме подобро отколку што правиме, а не полошо“, рече тој.
Свет
Русија успешно го тестираше нуклеарниот подводен дрон „Посејдон“
Русија спроведе успешен тест на подводниот дрон (торпедо) „Посејдон“ со нуклеарен погон, чија моќност ја надминува моќноста на интерконтиненталната ракета „Сармат“, објави денес претседателот на Руската Федерација Владимир Путин.
„Вчера спроведовме уште еден тест на нов перспективен комплекс, подводното беспилотно возило „Посејдон“, исто така со нуклеарна енергетска единица. За прв пат успеавме не само да го лансираме од подморница-носач со помош на стартер мотор, туку и да активираме нуклеарен реактор кој работеше одредено време“, рече Путин за време на посетата на Централната воена болница во Москва, пренесува РИА Новости.
Тој го оцени тестирањето како „огромен успех“, нагласувајќи дека „Посејдон“ нема пандан во светот ниту по длабочина ниту по брзина на движење.
„Моќта на „Посејдон“ значително го надминува „Сармат“. Нема начин да се пресретне, а веројатно нема ни да има во блиска иднина. Покрај сите предности, неговиот реактор е сто пати помал од оној на нуклеарна подморница, додека неговата моќ е поголема од моќта дури и на нашата најнапредна интерконтинентална ракета, „Сарма“. Такво оружје не постои во светот“, рече рускиот претседател.
„Посејдон“ е нуклеарно беспилотно возило развиено како дел од платформата за повеќенаменска одбрана на подморницата на Руската морнарица.
За прв пат беше претставено во 2018 година, кога тогашниот командант на Руската морнарица, Владимир Королев, изјави дека системот ќе овозможи извршување на широк спектар на задачи во оддалечени морски зони.
За време на посетата на болницата, Путин разговараше и со ранетите учесници во „Специјалната воена операција (СВО)“ и извести за напредокот на руската армија во регионите Купјанск и Красноармејск.
„Ситуацијата во зоната на „специјални операции“ се развива поволно во целина. „Противникот“ е блокиран во Купјанск и Красноармејск и е во близина“, рече Путин, додавајќи дека Украина треба да одлучи за судбината на своите војници во тие области.
Тој изјави дека руските вооружени сили се подготвени да обезбедат пристап на медиумите, вклучително и на украинските и странските новинари, до зоните на опколување, и дека борбените операции би можеле привремено да бидат прекинати во тој период.
Фото:

