Свет
Mал авион се урна во фабрички комплекс во Германија

Мал авион се урна денеска во фабрички комплекс на фабрика за челик во северна Германија, при што загинаа пилотот и копилотот, соопшти полицијата.
Авионот полетал од аеродромот во Салцгитер-Дриет, а за кратко време се урнал на теренот на фабриката за челик Салцгитер, потврдил портпаролот на противпожарната служба.
Најпрвин не се знаеше точната причина за несреќата, но полицискиот портпарол нагласи дека се претпоставува дека станува збор за несреќен случај, јави ДПА.
Авионот се урнал на тесен простор меѓу две сали и се запалил, изјави менаџерот за пожарна интервенција Арно Зикс. Според него, низ густиот чад можеле да се видат само делови од крилата, а она што останало го опишал како „изгорена челична рамка“.
Зајкс рече дека околу 90 лица за брза помош биле на местото на несреќата, што е на околу 50 километри источно од Хановер, и дека двајцата мажи во авионот биле прогласени за мртви од болничарите откако пожарот бил изгаснат.
Портпаролот на Салцгитер рече дека објектите претрпеле само мала штета и дека производството не било засегнато.
Федералното биро за истраги на воздухопловни несреќи, со седиште во блискиот град Брауншвајг, започна истрага за причините за несреќата.
(Фото: илустрација)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Воз во Русија налета на експлозив поставен под шините

Во рускиот Белгородски регион воз налета на експлозивна направа, предизвикувајќи експлозија, објави гувернерот Вјачеслав Гладков на својот канал Телеграм.
„Според прелиминарните информации, возот налетал на експлозивна направа поставена под шините“, напиша тој.
Повредени нема, но оштетена е контактната мрежа на железничката пруга.
Железничкиот сообраќај е привремено во прекин. Сите служби за итни случаи се на терен.
Свет
Трамп бара имиња на странските студенти кои студираат на „Харвард“: Сакаме да знаеме од каде се

Американскиот претседател, Доналд Трамп, изјави дека неговата администрација сака имиња и земји на сите странци кои студираат на Харвард, сугерирајќи дека странските земји, особено оние кои се непријателски настроени кон САД, треба да придонесат за финансирање на образованието на нивните студенти.
„Зошто Харвард не соопшти дека речиси 31 отсто од нивните студенти се од странски земји, и додека некои од нив воопшто не се пријателски расположени кон Соединетите држави, тие не плаќаат ништо за образованието на своите студенти, ниту пак имаат намера да го направат тоа“, напиша Трамп на „Тру соушал“.
Тој истакна дека неговата администрација сака да знае кои се и од каде се странските студенти и додаде дека Харвард „не е многу отворен“.
„Ги сакаме тие имиња и земји“, рече Трамп.
Според податоците на Харвард, во оваа учебна година 27 отсто од студентите доаѓаат од странство, а најмногу се од Кина, Канада, Индија, Јужна Кореја и Велика Британија.
Во учебната 2024-2025 година на Харвард беа запишани 6.793 студенти на додипломски и магистерски студии од 147 земји.
Странските студенти немаат право на какво било федерално финансирање, според делот за финансиска помош на веб-страницата на Харвард, додавајќи дека колеџот има свои пари за стипендии, кои се достапни за странски студенти.
Свет
Малта ќе ја признае Палестина следниот месец

Премиерот на Малта, Роберт Абела, денеска најави дека Малта ќе ја признае државата Палестина следниот месец.
Соопштението дојде за време на политички настан на кој Абела ги покрена локалните и глобалните прашања, со посебен фокус на хуманитарната криза во Газа, пренесува „Малта тудеј“.
„Не можеме да ги затвориме очите пред оваа човечка трагедија која секој ден се влошува“, весникот го цитираше малтешкиот премиер Абела осврнувајќи се на израелското бомбардирање на Газа, во кое загинаа речиси 54.000 Палестинци.
Абела рече дека овој потег е морална одговорност и дека Палестина ќе биде признаена по конференцијата на 20 јуни.