Пропадна договорениот привремен прекин на огнот во двата украински града Мариупол и Волноваха.

Цивилите имаа пет часа да ги напуштат своите домови, но украинските власти јавија дека Русите продолжиле со гранатирање и ги повикаа украинските граѓани да се вратат дома. Од друга страна, Русите тврдат дека Украинците ги нападнале први, и ја спречиле евакуацијата.  Путин порача дека сите задачи за уништување на воената инфраструктура во Украина се речиси завршени.

Клучни настани:

• Евакуацијата во Мариупол е времено стопирана, Украинците и Русите меѓусебно се обвинуваат за непочитување на прекинот на огнот
• Меѓународниот комитет на Црвениот крст дознал дека евакуацијата на цивилите од Мариупол и Волноваха нема да се случи денеска
• САД и Велика Британија ги повикаа граѓаните да ја напуштат Русија
• Убиен украински преговарач во Киев, наводно шпионирал за Русите
• Градоначалникот на Херсон, Ихор Колихајев, изјави дека градот повеќе нема оружје за да им се спротивстави на руските сили кои ги опколиле
• Русите велат дека Украинците избегале од воената база во Херсон, оставајќи зад себе тони муниција и тенкови
• Во понеделник трета рунда разговори меѓу Русија и Украина
• Путин порача дека сите задачи за уништување на воената инфраструктура во Украина се речиси завршени.Предупреди дека секој што ќе го затвори небото над Украина ќе се смета за учесник во конфликтот
• Украинците излегоа на протест во Херсон против руската инвазија
• Обединетите Нации тврдат дека во Украина од почетокот на инвазијата убиени се најмалку 351 цивил

Најнови вести:

21:55 Жена која ја преживеа опсадата на Сараево напиша писмо до Украинците

„Немаше вода, храна, струја, греење и комуникација со надворешниот свет. Ја облеков таа маица и ја читав пораката напишана на неа додека ни паѓаа повеќе од два милиони гранати на главите и додека избегнував безброј куршуми. На маичката пишуваше: ‘Сараево ќе биде, се’ друго ќе помине’“.

21:34 Повеќе од 1,2 милиони бегалци веќе се во ЕУ

Повеќе од 1,2 милиони бегалци од Украина веќе пристигнаа во ЕУ, а тој број веројатно ќе се зголеми повеќекратно, изјави денеска шефицата на Европската комисија, Урсула фон дер Лајен.

Таа на прес-конференцијата во Мадрид потсети дека ЕУ од буџетот издвоила 500 милиони евра за помош на бегалците.

21:32 Зеленски: Русите напредуваат кон третата нуклеарна централа

Руските сили досега окупираа две украински нуклеарни централи и напредуваат кон третата, изјавил украинскиот претседател Володимир Зеленски за време на разговорите со американските сенатори.

Зеленски истакнал дека во моментов е загрозен третиот објект, јужноукраинската нуклеарна централа, која се наоѓа на 120 километри северно од Миколајив, еден од ретките градови што Русите ги опколиле во текот на денот, пренесува АП.

21:20 18-месечно бебе загина при гранатирање во Мариупол

Марина Јацко и нејзиното момче Федор бараат утеха откако нивниот 18-месечен син Кирил бил убиен со гранатирање во Мариупол, Украина, во петокот, на 4 март, пишува Си-ен-ен.

21:11 Во Хрватска се одржаа собири за поддршка на Украина

Во повеќе хрватски градови денеска се одржаа собири за поддршка и солидарност со украинскиот народ изложен на рускиот напад.

Стотици граѓани присуствуваа на собирот на главниот плоштад во Загреб, организиран од Хрватскиот Хелсиншки комитет и Здружението на Украинците на градот Загреб.

Sa skupa podrške Ukrajini u Zagrebu poručeno: Danas krvari Ukrajina, sutra će iskrvariti Putinov režim https://t.co/W5m2AgJH1K #Hrvatska #Zagreb #Ukrajina #podrška pic.twitter.com/qMC6HbhwGX

— ANADOLU AGENCY (BHS) (@aa_balkans) March 5, 2022

21:05 Улица во Тирана ќе се вика „Слободна Украина“, во неа се сместени амбасади

Дел од улицата во Тирана, која опфаќа голем број амбасади, меѓу кои и амбасадите на Србија, Украина и Русија, Косово, ќе биде преименувана во улица „Слободна Украина“, изјави градоначалникот на Тирана, Ерион Вељај. .

Тој објави и карта на дел од градот на која се гледа дека дел од улицата Доника Кастриот ќе се преименува.

The @CityOfTirana will name a street segment on embassy row “Free Ukraine”

Coincidentally, the Ukranian, Russian, Serbian & Kosovar Embassies are on that row

The Serbia war on Kosovo & the Russian war on Ukraine have defined our generation

This street will define our city ???? pic.twitter.com/mWjBwnoWg0

— Erion Veliaj #EYC2022 ???? (@erionveliaj) March 5, 2022

21:00 Русија ги повика ЕУ и НАТО да престанат да ја вооружуваат Украина

Русија ги повика Европската унија и НАТО да престанат со непромисленото упатување напредно оружје кон Украина за да се избегнат ризици за меѓународната цивилна авијација, изјави денеска портпаролката на руското Министерство за надворешни работи, Марија Захаровa.

20:48 Зеленски очајнички барал авиони на состанокот со американскиот Сенат

Њујоршкиот демократ Чак Шумер, лидерот на мнозинството во американскиот Сенат рече дека Зеленски очајнички барал авиони.

Шумер нагласи дека ќе направи се’ што е во негова моќ да и помогне на американската администрација да префрли авиони во Украина.

20:40 Зазедовме неколку градови и срушивме 4 авиони

Руските сили спроведуваат широка офанзива во Украина и окупираа неколку градови и села, соопшти руското Министерство за одбрана, додавајќи дека офанзивата на Мариупол продолжува. Министерството за одбрана, според агенцијата Интерфакс, соопшти дека четири украински борбени авиони Су-27 биле соборени во воздушни борби кај Житомир, на околу 100 километри западно од Киев.

Новинската агенција ТАСС објави дека од почетокот на конфликтот со Украина на 24 февруари, руските сили уништиле 69 авиони на земја и 21 во воздух.

Руската војска ја продолжи офанзивата во два града  денеска, откако се одложи евакуацијата на цивилите, изјави портпаролот на руското Министерство за одбрана Игор Коначенков. „Поради неподготвеноста на украинската страна да влијае на националистите или да го продолжи прекинот на огнот, офанзивните операции продолжија од 18 часот по московско време“, рече тој во видео пораката.

20:20 Кулеба по средбата со Блинкен: Сакаме нови санкции против Русија и повеќе оружје

Украинскиот министер за надворешни работи Дмитриј Кулеба изјави дека очекува наскоро да бидат спроведени резултатите од неговите разговори со американскиот државен секретар Антони Блинкен, вклучително и нови санкции за Русија и повеќе оружје за Украина.

20:00 Велика Британија ги советува граѓаните да ја напуштат Русија

Британската влада ги советуваше сите граѓани на Обединетото Кралство во Русија, кои немаат добра причина да бидат таму, да размислат за заминување.

Не се достапни директни летови, но се’ уште е можно патување преку Истанбул и Доха.

19:40 Украина бара нова рунда санкции

Украинскиот министер за надворешни работи Дмитро Кулеба повика на нова рунда санкции кон Русија, јавува Ројтерс.

Тој, наводно, рекол дека имал продуктивен разговор со американскиот државен секретар Антони Блинкен и дека чекорите за кои се договориле најверојатно ќе бидат спроведени во следните неколку дена.

Тој рече и дека во Украина нема хуманитарни коридори бидејќи Русија ги прекршила договорите.

19:30 Прекинот на огнот во Мариупол не траел повеќе од 30 минути

Заменик-градоначалникот на Мариупол, Сергеј Орлов, за Би-Би-Си изјави дека договореното примирје за евакуација на цивилите од градот траело „не повеќе од 30 минути“. Прекинот на огнот, потсетуваме, требаше да трае пет часа.

Орлов рече дека неговиот град бил под континуирано гранатиран набргу по почетокот на прекинот на огнот, а биле нападнати училишта, градинки и автобуси наменети за евакуација на цивили.

19:20 Украинците избегале од воената база во Херсон, оставајќи зад себе тони муниција и тенкови, тврдат Русите

Руски војници ја презедоа контролата врз воената база на вооружените сили на Украина кај селото Раденск, во областа Херсон, соопшти руското Министерство за одбрана.

„Украинската армија набрзина ги напушти позициите и ја напушти базата со опрема, оружје и муниција. Базата се наоѓаше на површина од шест до седум хектари. Меѓу трофеите пронајдени во неа беа и украинските тенкови Т-64 и Т-80, оклопни транспортери, борбени возила. На неколку метри од паркингот се наоѓа голем хангар. Во него има складиште за муниција, мини, противтенковски ракети, минофрлачи и тенковски гранати“, соопшти руското Министерство.

18:40 Блинкен вети американска помош од 2,75 милијарди долари за хуманитарните служби поради војната во Украина

Американскиот државен секретар Ентони Блинкен денеска во полскиот град Жешов, најави дополнителна помош за Украина, Полска и земјите каде бегалците од Украина бараат спас од војната. Помошта ќе биде во вредност од 2,75 милијарди долари, која американскиот претседател Џо Бајден веќе ја побара од Конгресот.

18:37 Во понеделник трета рунда од преговорите меѓу Русија и Украина

Русија и Украина в понеделник ќе ја одржат третата рунда преговори, јавува Ројтерс.

18:20 Мурал со ликот на Путин во Белград

18:00 Средба на израелскиот премиер и Путин

Израелскиот премиер Нафтали Бенет денеска во Москва се сретна со рускиот претседател Владимир Путин на разговори за украинската криза, јавува Ројтерс.

Израел претходно понуди посредување во преговорите меѓу Украина и Русија. Земјата иако ја поддржува Украина, не сакаше да го користи зборот војна.

17:30 САД ги повика граѓаните да не патуваат во Русија

Стејт департментот на САД ги повика Американците да не патуваат во Русија, наведувајќи го „неиспровоцираниот и неоправдан напад на руските воени сили во Украина“ и „можноста за вознемирување на американските граѓани од руски владини безбедносни службеници“.

17:15 Денеска ќе нема евакуација во Мариупол, градот е без струја и вода

Меѓународниот комитет на Црвениот крст дознал дека евакуацијата на цивилите од Мариупол и Волноваха нема да се случи денеска, како што беше планирано, откако украинските власти ги одложија операциите, повикувајќи се на континуираното руско гранатирање во областа.

„Разбираме дека операциите за безбеден премин од Мариупол и Волноваха нема да започнат денеска“, се вели во соопштението на Црвениот крст.

The scenes in Mariupol and other cities are heart-breaking.

Our priority is the safety and wellbeing of all civilians living through terrifying situations in #Ukraine.

There have been lots of reports of humanitarian corridors set to happen today.

This is our statement ? pic.twitter.com/vxXtZveAm1

— ICRC (@ICRC) March 5, 2022

16:54 Градоначалникот на Херсон: Немаме повеќе оружје, Русите не’ опколија

Градоначалникот на Херсон, Ихор Колихајев, изјави за Си-Ен-Ен дека градот повеќе нема оружје за да им се спротивстави на руските сили кои ги опколиле.

„Жителите на Херсон се невооружени. Ние веќе немаме оружје за да се спротивставиме, да пружиме вооружен отпор“, изјави тој за Си-Ен-Ен.

16:44 Путин: Западните санкции против Русија наликуваат на објава на војна

„Овие санкции што се воведуваат се слични на објавување војна, но фала богу тоа не се случи“, рече Путин.

16:30 ОН: Во Украина убиени најмалку 351 цивил

Најмалку 351 цивил се убиени во Украина од почетокот на руската инвазија, додека 707 лица се повредени, се вели во соопштението на набљудувачката мисија на ОН. Конечните бројки веројатно ќе бидат значително повисоки, забележуваат тие.

16:00 Состојбата во Мариупол е очајна: „Нема вода, луѓето топат снег“

Вработен во хуманитарната организација Лекари без граници ја опиша ситуацијата во опколениот Мариупол.

„Синоќа гранатирањето се приближуваше. Собиравме снег и дождовница за да имаме вода. Се обидовме да дојдеме до водата што ја делат властите, но редицата беше огромна“, напиша службеникот.

15:42 Илјадници луѓе на улиците на Запорожје

Според Гардијан, илјадници луѓе се собрале во градот Запорожје, во југоисточна Украина, за да им се приклучат на силите за територијална одбрана против Русија.

In Zaporizhia, the city of Cossack glory, thousands came to join territorial defence forces to protect Ukraine from Russian invaders. The only thing we ask our EU&US partners for is fighter jets and air defence, we`ll do the rest ourselves. #ProtectUАSky #UkrainianVictory pic.twitter.com/82VNRsFFab

— Daria Kaleniuk (@dkaleniuk) March 5, 2022

15:30 Путин: Секој што ќе го затвори небото над Украина ќе се смета за учесник во конфликтот

Путин се повика на барањата на Украина до Западот и НАТО да воведат зона на забранети летови над Украина, која ќе ја спроведуваат борбените авиони на НАТО.

НАТО соопшти дека воопшто не размислува за таква опција.

14:52 (Видео) Украина: Срушивме руски борбен авион кај Чернихив

Украинската служба за итни случаи соопшти дека руски авион бил соборен во предградието на градот Чернихив во северна Украина. Веќе една недела низ градот се водат жестоки борби.

A Russian aircraft was also shot down over Chernihiv today. It looks like a Su-30SM. https://t.co/pVGyQM1pPp pic.twitter.com/l8yoCupVhP

— Rob Lee (@RALee85) March 5, 2022

14:41 Путин: Сите задачи за уништување на воената инфраструктура во Украина се речиси завршени

Претседателот на Русија рече дека се обиделе да го решат конфликтот во Украина на мирен начин.

14:31 „Украинска правда“: Убиен украински преговарач во Киев, им откривал тајни на Русите

Според објавата, Киреев бил убиен додека украинските безбедносни сили се обидувале да го уапсат под сомнение за предавство.

14:18 Гранди: Бројот на бегалци до крајот на викендот може да биде 1,5 милиони

Ситуацијата во Украина се уште е тешка и бројот на бегалци кои бегаат од рускиот напад потенцијално може да се зголеми на 1,5 милиони до крајот на викендот од сегашните 1,3 милиони, изјави денеска високиот комесаријат на Обединетите нации за бегалци Филипо Гранди.

14:00 Руско Министерство за одбрана: Украинците спречија евакуација на цивили

Руското Министерство за одбрана ја обвини украинската страна дека ја стопира евакуацијата на цивилите од Мариупол.

13:38 Лавров: Киев сака да предизвика конфликт меѓу НАТО и Русија

„Зеленски беше малку груб кон своите ментори, обвинувајќи ги за неактивност. И се прашувам: ако беше толку изнервиран што НАТО не застана за него како што се надеваше, тоа значи дека тој сè уште се надева оти конфликтот ќе се реши со вовлекување на НАТО во целата оваа приказна, а не со преговори“, рече Лавров, пренесе „Спутник“.

13:30 (Видео) Протест во Херсон

Украинците во градот Херсон, кој оваа недела беше окупиран од Русија, одржаа демонстрации против окупацијата, пренесува „Гардијан“.

Huge turnout at a protest against the Russian occupation in Russian-occupied Kherson.
pic.twitter.com/nJKkiD7U8i

— Valerie Hopkins (@VALERIEinNYT) March 5, 2022

13:20 Рама телефонски разговарал со Зеленски

Албанскиот премиер Еди Рама објави дека остварил телефонскиот разговор со претседателот на Украина, Володимир Зеленски.

Денеска добив повик од претседателот Зеленски, кој ми се заблагодари за сè што Албанија прави во овие трагични денови за неговиот народ, за Европа и за целиот свет, почнувајќи од нашата улога на кодомаќин со САД во Советот за безбедност на ОН, до помош дадена за украинската армија, како и интензивното ангажирање на дипломатски канали со важни партнери за поддршка на Украина, напиша Рама.

12:43 Зеленски никогаш поостар кон НАТО: Од вас добивме само 50 тони дизел

„Сè што направи досега алијансата беше да испрати 50 тони дизел гориво во Украина преку системот за снабдување. Веројатно ќе го запалиме Меморандумот од Будимпешта за да изгори подобро, но тој веќе ни е запален од огнот на руските војници“, рече украинскиот претседател Володимир Зеленски, обвинувајќи го НАТО.

12:30 Стопирана евакуацијата од Мариупол

Евакуацијата е невозможна поради континуираното гранатирање, изјави заменик-градоначалникот на Мариупол, додавајќи дека е одлучено да се прекине евакуацијата бидејќи не е безбедно на улиците.

Сергеј Орлов за Би-Би-Си изјави дека има континуирано гранатирање во Мариупол и по договорената рута за евакуација.

„Поради овие удари, не е безбедно да се оди на овој начин“, рече тој.

12:16 Русите тврдат: Речиси 200 луѓе се затрупани во Мариупол по напад на украинските националисти

Околу 200 луѓе се затрупани откако украинските националисти од движењето Азов денеска разнеле зграда во Мариупол, тврди претседателот на самопрогласената Доњецка Народна Република (ДНР), Денис Пушилин.

Властите во Мариупол ги обвинија Русите дека го прекршиле примирјето за време на евакуацијата, додека Народната република Доњецк тврди дека украинските националисти одбиваат да обезбедат хуманитарен коридор за жителите на градот.

12:14 Речиси секоја зграда во Волноваха е оштетена или уништена

Минатата недела слушнавме многу за бруталното гранатирање и блокада на Мариупол, пристанишен град со околу 450.000 жители. Но, малиот град Волноваха – каде што исто така е договорен привремен прекин на огнот – не беше многу во вестите, и покрај тоа што беше тешко погоден од борбите.

12:10 Ердоган ќе разговара со Путин

Турскиот претседател Реџеп Таип Ердоган во недела ќе разговара со рускиот претседател Владимир Путин за војната во Украина, изјави портпаролот Ибрахим Калин. Тој рече дека Турција е подготвена да помогне во решавањето на кризата.

12:00 Украинците тврдат дека Русија не го почитува прекинот на огнот

„Русите продолжуваат да не’ бомбардираат, користат артилерија. Ова е лудило. Во Мариупол нема прекин на огнот и нема прекин на огнот долж рутата за евакуација. Нашите цивили се подготвени да побегнат, но не можат да избегаат додека трае гранатирањето“, рече Орло

11:40 Зеленски: Тие што можат да се борат нека останат

Украинскиот претседател Володимир Зеленски објави нова видео порака во која вели дека оние кои треба да ги напуштат градовите кои се во тешка ситуација сега тоа можат да го сторат преку хуманитарни коридори.

Истовремено ги повика да останат оние кои можат да се борат.

President Zelenskyy said those people who need to leave cities which are in a “dire situation” can now do so via a humanitarian corridor but those who can fight should stay behind

Latest on Ukraine: https://t.co/HsyjSWDD3B

? Sky 501, Virgin 602, Freeview 233 and YouTube pic.twitter.com/OO4MRKVYrE

— Sky News (@SkyNews) March 5, 2022

11:30 Властите во Мариупол: Можеме да извлечеме 9.000 лица

Заменик-градоначалникот на Мариупол, Серхи Орлов, за Би-Би-Си изјави дека преговорите за привремен прекин на огнот за евакуација на цивилите траеле цела ноќ, а од утрово евкуацијата почна.

11:00 (Видео) Украина: Соборивме руски хеликоптер

Украинските вооружени сили тврдат дека утринава собориле руски воен хеликоптер.

#stoprussia

⚔️ Так гинуть російські окупанти. Цього разу у вертольоті!

Слава Україні та її захисникам! Разом до перемоги! ??@GeneralStaffUA pic.twitter.com/raFOepF06P

— Defence of Ukraine (@DefenceU) March 5, 2022

10:27 Експерт за миграција: Европа може да очекува 10 милиони украински бегалци

„Една четвртина од Украинците е еквивалентно на десет милиони луѓе“, објасни Кнаус. Со оглед на моменталната динамика на војната, тоа е сосема можно, додаде тој.

10:10 60.000 Украинци дошле од странство да помогнат во борбата

Украинскиот министер за одбрана Алексеј Резников изјави дека 66.224 Украинци се вратиле од странство

66224. That’s how many men returned from abroad at this moment to defend their Country from the horde. These are 12 more combat and motivated brigades ??! Ukrainians, we are invincible! #FightLikeUkrainian

— Oleksii Reznikov (@oleksiireznikov) March 5, 2022

10:00 ВИДЕО Британски новинар ранет во близина на Киев

Главниот дописник на британски „Скај њуз“ од украинската криза, Стјуарт Ремзи, бил застрелан во долниот дел на грбот додека во понеделникот било пукано врз автомобилот што ја превезувал неговата екипа во Киев.

This is absolutely terrifying – Stuart Ramsay and his Sky News team were targeted by a professional Russian hit squad in Ukraine.

Amazing that cameraman Richie Mockler managed to film this despite being under heavy gunfire.

They’re safely back in the UK. https://t.co/Rs4xVuNukw pic.twitter.com/gKyIzbRNwN

— Tim Gatt (@TimGatt) March 4, 2022

09:53 Жителите на Мариупол го напуштаат градот

„Во услови на постојано, безмилосно гранатирање од страна на окупаторите, нема друг избор освен да им се даде на жителите можност безбедно да го напуштат Мариупол“, рече градоначалникот.

09:34 Отворањето на хуманитарниот коридор е нов почеток

Градоначалникот на Мариупол, град во источна Украина, Вадим Бојченко, изјави дека отворањето на хуманитарниот коридор и прекинот на огнот во тој град ќе овозможи почеток на нова инфраструктура – струја, вода и мобилни комуникации.

„Ќе може да се обезбеди и основна храна и лекови“, напиша Бојченко на Телеграм.

09:29 Маск одби да ги блокира руските извори на информации

„Нема да го направиме тоа освен ако не сме на мета. Извинете што сме апсолутни поддржувачи на слободата на говорот“, напиша Маск на својот Твитер профил, пренесува Ројтерс.

09:18 Викендов трета рунда разговори меѓу Русија и Украина

Путин го повторил ставот дека е подготвен да разговара за крај на воените дејствија во Украина, доколку се исполнат неговите услови.

09:10 Амбасадата на САД во Киев смета дека нападот врз нуклеарната централа во Запорожје е воено злостоство

Рускиот напад врз украинската нуклеарна централа во Запорожје според американската Амбасада во Киев претставува воено злосторство.

„Нападот врз нуклеарната централа е воено злосторство. Гранатирањето на Путин кон најголемата нуклеарна централа во Европа неговото владеење со терор го насочува уште еден чекор понатаму”, се наведува во соопштението на американската Амбасада во Киев.

08:59 Русија најави прекин на огнот во Мариупол за цивилите да го напуштат градот

Руските медиуми јавуваат дека руската армија утрово во 10 часот по московско време ќе престане да пука за да овозможи евакуација на граѓаните од Мариупол и Волноваха.

„Војниците ќе престанат да пукаат во 10 часот по московско време за да овозможат хуманитарни коридори од Мариупол и Волноваха. Ќе биде воспоставен „режим на молчење“ за цивилите да можат да ги напуштат двата града“, се вели во соопштението на руското министерство.

08:40 (Видео) Напад со хеликоптери во Мариупол

Би-Би-Си пренесе видео за кое тврди дека е автентично и го прикажува нападот на руски хеликоптери врз Мариупол, украинскиот пристанишен град кој е под опсада во четвртокот.

Градските власти претходно предупредија на хуманитарна криза, поради прекин на снабдувањето со електрична енергија и вода во градот.

Russian troops in Bucha, #Kyiv today pic.twitter.com/xUMAi51qoi

— marqs (@MarQs__) March 4, 2022

08:30 Сингапур наметнува санкции кон Русија

Сингапур воведува санкции кон Русија. Ќе им наметне контрола на извозот и ќе таргетира одредени руски банки. Ќе воведе ограничувања за трансакциите со криптовалути и ќе им забрани на финансиските институции да обезбедуваат услуги кои би можеле да и помогнат на централната банка на Русија.

08:20 Блинкен: Украина може да ја победи Русија

Американскиот државен секретар Антони Блинкен изјави за Би-Би-Си дека е убеден дека Украина може да победи во војната против Русија.

Тој не можеше да процени колку долго би можел да трае конфликтот, но инсистираше на тоа дека поразот на Русија е можен.

„Оваа издржливост на украинскиот народ е неверојатна. Доколку Москва се обиде да ја собори украинската влада и да воспостави марионетски режим, 45 милиони Украинци ќе одбијат на еден или друг начин. Текот на нападот досега не се одвиваше како што планираше Путин. “, рече Блинкен.

08:10 Мариупол трет ден под опсада

Градоначалникот на Мариупол, Вадим Бојченко, повика на хуманитарен коридор поради тековната блокада на градот и, како што ги нарече, „немилосрдните напади“ од руските војници.

Пристанишниот град Украина е под опсада од четвртокот, а Бојченко веќе предупреди на хуманитарна катастрофа.

Во градот живеат околу 450.000 луѓе, а снабдувањето со струја и вода е прекинато поради силно гранатирање.

Едно од најголемите пристаништа во Украина, Мариупол е стратешки важно бидејќи неговото контролирање ќе создаде копнен коридор меѓу Крим и регионите Луганск и Доњецк.

08:00 Трае бомбардирањето на Чернихив

Руските сили го бомбардираат Чернихив, во кој во последните денови загинаа 47 лица.