Свет
„Оушн гејт“ сè уште рекламира патувања до „Титаник“

„Оушн гејт“, компанијата што стои зад несреќната подводна експедиција до „Титаник“, сè уште ги рекламира патувањата до потонатиот брод.
На веб-страницата „Оушн гејт“ пишува дека две експедиции на „Титаник“ се закажани за 2024 година и ќе се одржат од 12 до 20 јуни и од 21 до 29 јуни.
Исто така, на страницата се наведува дека мисијата на „Титаник 2023“ е во тек. Секое патување до „Титаник“ чини 250.000 долари за лице и нуди едно нуркање, приватно сместување, потребна обука, опрема за експедиција и сите оброци за време на патувањето. Максималниот капацитет за секое нуркање е ограничен на шест лица со минимална возраст од 17 години.
Веб-страницата дава детали за сместувањето вклучувајќи спални соби и заеднички бањи, со достапност на вај-фај на подморницата.
Веб-страницата исто така вклучува фотографии и видеа на кои се прикажани сцени од претходни експедиции и сведоштва од учесниците, известува ХТ.
Патувањето на „Титан“ до „Титаник“ е опишано на веб-страницата на „Оушн гејт“ како „експедиција за нуркање до култниот потонат брод“.
„Смелите патници ќе отпловат од канадскиот брег на Атлантикот во осумдневна експедиција за да нурнат до иконскиот потонат брод, кој се наоѓа на 661 километар од брегот и 3.800 метри под површината“, се вели на веб-страницата на „Оушн гејт“.
Маркетингот на „Оушн гејт“ посочува дека нуркањето не само што нуди возбудливо и уникатно искуство за патување туку придонесува и за научно истражување и разбирање на остатоците од бродот и длабоката океанска средина.
„Нуркањето ќе обезбеди не само возбудливо и уникатно искуство за патување туку и ќе ѝ помогне на научната заедница да дознае повеќе за потонатиот брод и околината на длабоките океани. Секое нуркање има и научна цел, а можете да дознаете повеќе за истражувањето што го поддржуваме овде“, пишува на веб-страницата на „Оушн гејт“.
Патувањето со подморницата трае осум дена и седум ноќи, а почнува во Св. Џон, во Канада. И покрај неодамнешната трагедија, веб-страницата споменува потенцијални експерти, кои би можеле да им се приклучат на идните експедиции. Меѓу патниците што ги загубија животите во подморницата е и 77-годишниот експерт за „Титаник“, Пол-Анри Наргеолет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.
Свет
Трамп повторно би го бомбардирал Иран ако извештаите покажат загрижувачки заклучоци за збогатување на ураниум

Претседателот на САД, Доналд Трамп, денес изјави дека апсолутно ќе го преиспита бомбардирањето на нуклеарните објекти на Иран доколку смета дека е потребно, пишува „Си-ен-ен“
„Секако, без сомнение, апсолутно“, им рече Трамп на новинарите во брифингот во Белата куќа, кога директно беше прашан дали би размислил за бомбардирање на земјата доколку идните разузнавачки извештаи покажат загрижувачки заклучоци за збогатувањето на ураниум на Иран.
Трамп рече дека не верува дека Иран би можел „повторно да влезе во нуклеарната програма во скоро време“ по нападите на САД врз неговите нуклеарни објекти минатата недела.
Администрацијата продолжи да изразува доверба во успехот на тие напади, но не понуди никакви разузнавачки податоци за да го поткрепи тврдењето на Трамп дека нуклеарната програма на Иран е, според неговите зборови, уништена.
„Може ли да ви кажам – тие се исцрпени. И Израел е исто така исцрпен. Разговарав со едната и со другата земја, и двете сакаа тоа да се реши – и двете – и ние направивме одлична работа. Но, тие се исцрпени. Последното нешто за кое размислуваат во моментов е нуклеарното оружје. Знаете за што размислуваат? Тие размислуваат за утре, за тоа како да преживеат“, рече американскиот претседател.