Свет
Папата Франциск го прослави 80-от роденден со бездомници и работно
Поглаварот на Римокатоличката црква Папата Франциск, во саботата одбележа 80 години со појадок со осум бездомници од плоштадот на Свети Петар, кои ги покани во трпезаријата на пансионот „Домот на Света Марта“, каде што тој живее, послужувајќи ги со традиционалните слатки од неговата родна Аргентина, објави службата за информирање на Светата столица.
Ова не е првпат својот роденден папата Франциск да го прославува со бездомници. Како што прецизираат од Ватикан, во саботата во народните кујни, каде бесплатно се дели храна на бедните и бездомниците, во чест на јубилејот на папата се служат и слатки за десерт.
Според ватиканската служба за односи со јавноста, папата Франциск веќе добил повеќе од 50.000 честитки од целиот свет.
Меѓу нив е и честитката од американскиот претседател на заминување Барак Обама, во која вели „И со зборот и со делото Папата ги вданхнови луѓето ширум светот со своите пораки за сочувствување, надеж и мир“. Притоа Обама му се заблагодарува на папата Франциск за придонесот за историското приближување меѓу САД и Куба.
На папата Франциск меѓу првите роденденот му го честитал и патријархот Московски и на цела Русија Кирил, кој во честитката високо го оценил меѓусебното разбирање меѓу Руската православна црква и Римокатоличката црква последните години, „благодарение на Вашата Светост“. Според патријархот Кирил, нивната историска средба одржана во кубанската престолнина Хавана во февруари годинава, им дала нов поттик на пријателскиот дијалог и соработката меѓу црквите „во полза на мирот, справедливоста, зајакнувањето на моралните вредности во општеството и надминување на разликите меѓу христијаните“.
По споменатиот појадок, папата учествувал на служба со кардиналите, коишто живеат во Рим, по која изјавил дека го мачат мислите врзани со стареењето.
„Нешто што изгледа грдо и застрашувачко, староста, на памет му е овие неколку дена“, признал папата Франциск по завршувањето на богослужбата во капелата Паолин.
Повикувајќи се на древните римски поети и филозофи, како Кикерон и Плиниј, папата Франциск ја опиша староста како „жед за мудроста“, додавајќи „Да се надеваме дека тоа така ќе биде и за мене“. „Молете се мојата старост да биде таква: мирна, исполнета со вера, плодна, а и полна со радост“, им се обратил Папата на кардиналите.
Ватикан отворил седум електронски адреси за да може да ги прими сите честитки кои стигнуваат по повод роденденот на Папата, и тоа на латински, италијански, шпански, португалски, англиски, француски, германски и на полски јазик.
Од Светата столица велат дека Папата денот го минува „нормално“, со вообичаените работни активности. Така, неговиот дневен распоред вклучува и средба со претседателот на Малта, со челникот на ватиканската бискупска конгрегација, со бискупот од Швајцарија и претставниците на католичката заедница од италијанската покраина Тоскана./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.