Свет
Рајс: САД ќе ги почитува договорите за безбедност

Сојузниците коишто со САД ги врзуваат договори за заедничката одбрана може да продолжат да сметаат дека Вашингтон во текот на претседателството на Доналд Трамп, тврдеше во понеделникот советничката за национална безбедност на сегашниот американскиот претседател Барак Обама, Сузан Рајс.
Во разговорот за агенцијата AFP, Сузан Рајс го брани и договорот за TТP, а ги фали и врските меѓу САД и Кина.
„Товарот на претседателската функција, товарот на светското лидерство на САД и одговорностите коишто од тоа произлегуваат, историјата којашто ја споделуваме и нашите интереси, гарантираат дека нашите сојузници и партнери може да сметаат дека Америка ќе ги исполнува своите обврски“, вели советничката на претседателот Барак Обама.
Трамп, велеше во кампањата дека се противи на трговските договори, како и против ТТP кој го потпишаа САД и земјите од Азија и Пацификот. Тој договорот, за кој со години се залагаше администрацијата на демократите, не ги ратификуваше Конгресот во кој републиканците имаат мнозинство.
„TPP е на овој степен предизвик, но трговијата нема да запре, ќе продолжи и ние ќе учествуваме, но нема да бидеме толку во можност да ја одликуваме според нашите вредности и интереси“, вели Рајс.
Сузан Рајс ги фали и односите изградени меѓу Вашингтон и Пекинг во текот на двата претседателски мандата на Бара Обама, во периодот од 2009 до 2017 година.
Трамп повеќепати се закануваше со трговска војна со Кина којашто ја нарекува „непријател“ на САД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.