Регион
Австриската полиција објави нови фотографии од жените и девојчето за кое се сомневаат дека е исчезнатата Данка
![](https://makfax.com.mk/wp-content/uploads/2024/04/danka1.jpg)
Австриската полиција денеска објави нови фотографии од девојчето кое личи на исчезнатата Данка Илиќ и две жени со неа за кои се претпоставува дека се романски државјани. Фотографиите се направени во саботата вечерта на трамвајската станица во Виена.
Австриската полиција денеска преку итно соопштение откри дека семејството на исчезнатата Данка Илиќ на сослушувањето изјавило дека на видеото објавено викендов „многу е веројатно дека се гледа Данка“. Дополнително, објавени се три нови фотографии кои можат да бидат голем чекор во понатамошната потрага по исчезнатото девојче.
На трите нови фотографии повторно се гледаат двете жени во друштво на девојчето кое потсетува на исчезнатата Данка Илиќ.
Се претпоставува дека оваа фотографија е направена од надзорните камери во близина на локацијата каде што српски државјанин ја направил снимката во Виена. Сега јасно ги гледаме лицата на жените.
Бидејќи на земјата има голема патна торба, се верува дека или пристигнале на станицата или дека некаде се упатиле, земајќи го со себе и малото девојче.
„Откако роднините на исчезнатото девојче ги погледнаа сликите, претпоставуваат дека многу веројатно се работи за исчезнатото девојче од Србија. Виенската полиција ќе изврши апсење по налог на јавното обвинителство“, соопшти австриската полиција.
Австриската полиција апелира до сите граѓани кои имаат какви било информации за жените од видеото да се обратат до органите на редот на 01-31310-33800 или во која било полициска станица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.