Регион
„Албанијан пост“: Што ја чека Приштина ако Курти не ги прифати условите на Западот
Ако косовскиот премиер Аљбин Курти не ги прифати условите што му ги поставија САД и Европската Унија, Косово може да се соочи со санкции без преседан, пишува „Албанијан пост“.
Порталот пишува, повикувајќи се на дипломатски извори, дека Косово на државно ниво би можело да се соочи со исклучително сериозни ограничувања, а санкциите ќе ги погодат Курти и неговите најблиски соработници. Поделени во две фази со осум точки, санкциите се остри и без преседан во историјата на Косово.
Северот на Косово ќе се врати во состојбата пред 2004 година пред КФОР да ја преземе контролата, средствата од САД и ЕУ ќе бидат блокирани, а меѓународната заедница ќе биде пасивна кон кампањата на Србија за повлекување на признавањето на Косово.
На Приштина ѝ се заканува блокада на интегративните процеси и евентуално исклучување од некои од меѓународните организации во кои веќе е членка.
„Во случај ситуацијата на теренот да се влоши и да дојде до сериозно загрозување на општата безбедност, вклучително и загрозување на војниците на КФОР, премиерот Аљбин Курти и министерот за внатрешни работи, Џељал Свечља, би можеле да бидат прогласени за персона нон грата“, вели дипломатски извор на „Албанијан пост“.
Трансатлантската заедница, објаснува изворот, има витална потреба да не дозволи да не дозволи центар на криза зад крилата на контактната линија со Русија бидејќи, како што тврди специјалниот пратеник на САД за Западен Балкан, Габриел Ескобар, Русија има корист од кризата во северот на Косово иако не ја поттикнува.
„Меѓународната заедница е затечена зашто веруваше дека Србија може да биде проблематична кога станува збор за иницирање на француско-германскиот предлог, но никој не очекуваше дека владата на Косово ќе промовира несигурност и ќе поттикне кризи и конфликти преку своите дејства“, вели изворот објаснувајќи го текот на можните санкции.
Во првата фаза Косово би се соочило со финансиски ограничувања во форма на замрзнување на средствата од ЕУ, што значи дека Приштина би останала без милионите евра што секоја година ѝ се слеваат преку владини програми или невладини канали од ЕУ.
Истото тоа ќе се случи и со процесот на визна либерализација, односно слободниот визен режим за граѓаните на Косово.
Освен тоа, Косово беше ставено на дневен ред за членство во Советот на Европа, но и овој процес може да биде запрен во првата фаза од санкциите, која би вклучувала и замрзнување на американските средства и на програмите за косовските безбедносни сили.
Втората фаза од санкциите би била поширока и насочена на политичко и на безбедносно ниво.
Во оваа фаза меѓународната заедница ќе покаже „пасивен однос кон кампањата на Србија за повлекување на признавањето на Косово“, што може да доведе до исклучување на Косово од одредени меѓународни организации.
Една од најстрогите фази на санкциите, според дипломатските извори на „Албанијан пост“, ќе биде реорганизацијата на меѓународното воено присуство.
Бидејќи состојбата на северот од Косово се влошува, Курти и Свечља би можеле да бидат прогласени за непожелни со оправдување дека претставуваат опасност за безбедноста и за мирот.
Но, сето тоа во моментот е на хипотетичко ниво бидејќи Курти и неговата влада имаат рок до петок да се изјаснат за исполнување на трите услови на меѓународната заедница, а Западот се надева дека нема да мора да преземе такви драстични чекори.
Што и да одлучи Курти, јасно е дека меѓународната заедница остана без трпение и бара брз и јасен одговор од Приштина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција со вклучен аларм: прогласена состојба на многу висок ризик од пожар во северниот дел од земјата
Грција прогласи состојба на „многу висок“ ризик од пожари во Солун и Кукуш, додека Атика и други делови од земјата се ставени под „жолто ниво“ на тревога.
Државниот механизам е во зголемена тревога за денес, бидејќи мапата за прогноза на ризик од пожар на Генералниот секретаријат за цивилна заштита предвидува „многу висок“ и „висок“ ризик од пожар во голем дел од земјата, објавува „ЕРТ“.
Категоријата на ризик 4, односно „многу висок“ ризик ги вклучува областите на Солун и Кукуш.
Властите истакнуваат дека овие специфични области бараат зголемена будност, бидејќи временските услови го фаворизираат појавувањето и брзото ширење на пожарите.
Министерството за климатски кризи и цивилна заштита ги повикува граѓаните да бидат особено внимателни и да избегнуваат каква било активност на село што може да предизвика пожар.
Особено се препорачува да се избегнува употреба на машини што предизвикуваат искри, печење скара на отворено и фрлање запалени цигари.
Исто така, се потсетува дека во текот на сезоната на пожари е забрането палење на полиња и земјоделски остатоци.
Противпожарната служба, регионите и општините од областите со висок ризик се во состојба на зголемена оперативна подготвеност за итен одговор на какви било пожари, пренесува Танјуг.
Регион
(Фото) Тешка несреќа во Црна Гора: Загина 21-годишна девојка, дете тешко повредено
Во тешка сообраќајна несреќа во Црна Гора загина 21-годишна девојка, а 16 други се повредени, објавува Vijesti.me.
Несреќата се случила во градот Липци, на главниот пат Липци – Грахово. Сите патници се српски државјани, изјави директорот на Специјалната болница „Васо Ќуковиќ“ во Рисан, Дино Пањако.
Во несреќата учествувал минибус кој сообраќал од правец на Никшиќ.
View this post on Instagram
Дете пренесено во Клиничкиот центар
Повредените по несреќата биле пренесени во болницата во Рисан. Една 21-годишна девојка им подлегнала на повредите.
По реанимацијата, десетгодишно дете било пренесено во Клиничкиот центар на Црна Гора, во придружба на анестезиолог и анестетичар, поради тешки повреди на внатрешните органи.
Еден пациент бил пренесен во Клиничкиот болнички центар Котор поради изолирана хируршка повреда.
View this post on Instagram
Болница: Девет пациенти имаат сериозни повреди
Специјалната болница „Васо Ќуковиќ“ објави дека екипата за итна медицинска помош примила повик за сериозна сообраќајна несреќа во близина на Липци околу 14 часот.
Помеѓу 14 и 15 часот, во болницата биле донесени 17 лица.
„Вкупно 17 лица биле донесени во нашата установа, од кои едно било реанимирано веднаш по приемот поради тешката општа состојба, но починало поради сериозноста на повредите“, објави болницата.
Останатите 14 пациенти биле подложени на дијагностички тестови и се лекуваат во Рисан. Пет пациенти биле примени на Одделот за интензивна нега, седум на Одделот за ортопедија и двајца на Одделот за неврохирургија.
Девет пациенти имаат сериозни телесни повреди, а пет имаат полесни повреди. Болницата наведува дека сите во моментов се во стабилна општа состојба и не се опасни по живот.
Полиција: Минибусот удрил во камена падина и се превртел
Црногорската полиција објави дека несреќата се случила во 13:10 часот и дека во неа учествувало едно возило.
„Сообраќајната несреќа се случила бидејќи минибусот, кој се движел од правец на Никшиќ, допрел до камената падина што се наоѓа веднаш до патот, од десната страна на патот, поради што возилото се превртело“, соопшти Полициската управа.
Минибусот го управувал 68-годишен маж од Котор. Полицијата ќе земе исказ од него за околностите на несреќата.
Истрагата ја водеше државниот обвинител на Основното државно обвинителство во Котор.
„Се преземаат полициско-обвинителски активности за да се утврдат сите факти во овој настан. Се истражува причината за сообраќајната несреќа, а прелиминарните податоци укажуваат дека возачот бил уморен и поспан“, соопшти полицијата.
Регион
Британка пливаше во пештера во Црна Гора: пропелер на глисер ѝ ги фати нозете
Британска државјанка е тешко повредена во несреќа во близина на Сината пештера на полуостровот Луштица во Црна Гора, кога двете нозе ѝ се заглавиле во пропелер на глисер. Повредената жена е однесена во болница, а полицијата истражува, пишува Vijesti.me.
Несреќата се случила додека туристката пливала во една од помалите морски пештери во близина на попознатата Сина пештера. На патувањето ја донел глисер со регистрациски број 192KT, чија пропелер на крајот ја повредил.
Според достапните информации, капетанот Ж.М. го фатило паника бидејќи морските струи и брановите почнале да го носат кон карпата. Во моментот кога жената пливала во близина на крмата, тој го изгасил моторот, предизвикувајќи пропелерот да ѝ ги заглави нозете.
Повредената жена веднаш била повлечена во глисерот и пренесена во марината Портонови во Кумбор. Таму, таа била преземена од екипата на Итна медицинска помош од Херцег Нови и однесена на понатамошно лекување.
Полицијата во Херцег Нови спроведува истрага и собира информации врз основа на кои надлежното обвинителство ќе одлучи дали да покрене прекршочна или кривична постапка против капетанот Ж.М. Глисерот е привремено запленет.
Според неофицијални информации, бродот му припаѓа на претприемачот Симовиќ од Котор, кој нуди такси услуги и екскурзии со глисери во Которскиот Залив. Инспекциите на Министерството за поморски работи наводно веќе му изрекле неколку казни ова лето во вкупен износ од речиси 40.000 евра за разни прекршувања на Законот за безбедност на пловидбата.
Во Португалија избувна епидемија на норовирус: заразени повеќе од 120 лица
Во Португалија избувна епидемија на норовирус, во која се заразени повеќе од 120 лица, а се сомнева дека фокусот на...
„Буквално возев низ оган“: Драматични признанија на жители евакуирани во Шпанија поради шумски пожар
Стотици пожарникари во Шпанија сè уште се обидуваат да ги изгаснат преостанатите жаришта на југоистокот од земјата, по шумските пожари...
(Фото/Видео) Убавицата од 90-тите се омажи на 54 години: По 25 години врска, конечно кажа „да“
Чешката манекенка Ева Херцигова и италијанскиот бизнисмен Грегорио Марсијај конечно ја официјализираа својата врска. Ева Херцигова и Грегорио Марсијај се...
Божиновска: Секој вложен денар во хидроелектраните носи повеќе домашна енергија и поголема сигурност
Министерката за енергетика, рударство и минерални суровини, Сања Божиновскa ја посети хидроелектраната „Глобочица“, каде заедно со директорот на Подружница ХЕС...
(Видео) Мартинијан Кириловски и Драгана Јовановска ги споија гласовите во првиот дует – „Луди и наивни“
Понекогаш се доволни само неколку ноти за да сфатите дека пред вас е песна што нема да остане незабележана. Токму...
Продолжува бесплатното одлагање кабаст отпад во Центарот за селекција во Карпош
ЈП Комунална хигиена-Скопје ги информира жителите на градот Скопје дека Претпријатието продолжува да им ја нуди можноста својот кабаст отпад,...
Снимка од позната актерка циркулира на интернет, многумина пишуваат: „Кој, по ѓаволите, е овa?“
Гостувањето на Џенифер Лоренс во подкастот „Happy Sad Confused“ повторно предизвика лавина од коментари на социјалните мрежи. Луѓето масовно коментираат...
(Видео) Кузеска: Братот на Трајко Славески од чувар до функционер, М-НАВ е како комитет на ВМРО
Наместо сервис за граѓаните ВМРО и Мицкоски институциите ги претворија во приватна партиска фирма за вдомување на роднини, блиски и...
(Видео) „За две години реализирани и започнати 60 спортски проекти“, вели Димитровска
„Спортот и инвестирањето во здравјето и развојот на младите, повторно е дел од врвните национални приоритетии и тоа го прави...