Регион
Бугарија размислува за одмазднички мерки ако се потврди ветото за шенген

Бугарската влада е подготвена за одмазднички мерки доколку Холандија и Австрија наметнат вето на бугарското членство во шенген-зоната. Ова го изјави в.д. премиерот Галаб Донев по средбата со министрите за внатрешни работи, за надворешни работи и за правда.
Тој изрази надеж дека во преостанатите денови до конечната одлука на 8 декември може да надвладее, како што рече, разумот кај земјите партнери.
„Бугарската влада нема да штеди напори да ги убеди двете скептични земји“, рече Донев и нагласи дека таквиот став на Холандија и Австрија внесува поделба во Европската Унија.
Позициите на Австрија и Холандија против пристапувањето на Бугарија во шенген предизвикуваат „длабоко разочарување, внесуваат поделеност и го доведуваат во прашање единството на унијата“, изјави Донев.
„Напоменуваме дека, во одбрана на својот став, канцеларот на Австрија се осврнува на недостатоците во функционирањето на шенген-системот во целина, за кои никако не може да биде одговорност на бугарската страна, додека премиерот на Холандија исто така прибегнува кон недостојни предлози, кои во Бугарија тешко дека наскоро ќе бидат заборавени. Нашиот долг кон споменот на тројцата бугарски гранични полицајци кои загинаа чувајќи ја надворешната граница на ЕУ нема да го дозволи тоа“.
Донев нагласи дека од 2011 година Бугарија ги исполнила сите технички критериуми и тоа го потврдиле две инспекции на ЕК и една на австриската амбасада во Бугарија. Холандија одбила да учествува:
„И покрај наведените намери на две земји, Бугарија не се откажа од шенген, имаме уште 3 дена во кои нема да штедиме напори да бараме поддршка за преиспитување на ставот на Холандија и Австрија.
Сепак, Бугарија е подготвена да размисли за одмазднички мерки во случај на негативен развој“, рече Донев.
„Сите мерки ќе бидат насочени, национално одговорни и во одбрана на националниот интерес на Бугарија“, додаде тој.
Советот на ЕУ за правда и внатрешни работи на 8 декември треба да гласа за две одделни одлуки за проширување на шенген. Планирано е министрите со една одлука да гласаат за прием на Бугарија и Романија, а со втората за Хрватска. Потребна е едногласност за носење на одлуката. Во петокот Холандија најави дека ќе го блокира влезот на Софија во шенген. Холандија соопшти дека нејзината одлука да не го поддржи пристапот на Бугарија во шенген-зоната не е политичка, туку заснована на факти и дека може да ја преиспита работата дури кога ќе стане јасно дека во Бугарија функционира владеењето на правото способно за справување со корупција и организираниот криминал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Европската Унија бара oд Босна и Херцеговина да воведе визи за граѓаните на Русија

Европската Унија бара од Босна и Херцеговина како земја кандидат да воведе визи за граѓаните на Русија, потврдија за порталот „Радиосарајево.ба“ од Делегацијата на Европската Унија во Сараево.
Фердинанд Коениг, портпаролот на Делегацијата на ЕУ во Босна и Херцеговина, истакна дека Делегацијата на ЕУ очекува Босна и Херцеговина да ги почитува надворешната, безбедносната и визната политика на ЕУ.
„Последниот извештај објавен во октомври кажува многу за усогласувањето на надворешната политика“, додава Коениг.
Откако БиХ стана кандидат за членство во Европската Унија, прашањето за усогласување со визната политика на ЕУ доби важност и Делегацијата на ЕУ очекува тоа прашање да се најде на дневен ред.
БиХ има безвизен режим и со Турција, Азербејџан, Бахреин, Кувајт, Катар и со Оман.
Регион
Дачиќ: Ставот на Србија за француско-германскиот предлог е многу јасен и одговорен

Министерот за надворешни работи, Ивица Дачиќ, изјави дека официјалниот став на Србија во однос на француско-германскиот предлог за решавање на косовското прашање е многу јасен и одговорен. Вели дека Србија сака дијалогот да продолжи, да учествува во него и дека за сето тоа треба а сде дискутира врз основа на овој план.
Дачиќ, одговарајќи на новинарски прашања во Белград, рече дека претседателот на Србија, Александар Вучиќ, јасно кажал кои се црвените линии, односно што е неприфатливо за Србија, а тоа е членството на Косово во Обединетите нации.
„Ова е многу важно затоа што имав можност да ја слушнам оценката во Брисел дека Вучиќ се однесувал конструктивно и одговорно за разлика од Приштина и мислам дека е многу важно да се трудиме да ги зачуваме нашите државни и национални интереси, но и да ја зачуваме Србија од разни закани, уцени, можни санкции и сè што може да ја загрози иднината на граѓаните“, рече Дачиќ.
На прашањето што очекува од денешната посета на европратеникот Владимир Билчик на Србија, Дачиќ потсети дека за време на неговата посета на Брисел оваа недела имал можност да разговара со претставници на Европскиот парламент.
Тој изјави дека денешната посета е една од вообичаените посети на претставници на Европскиот парламент, особено на оние што ја следат состојбата во одредена земја.
„Имаме многу спорни точки со нив и Европскиот парламент е институција чии одлуки не се обврзувачки за европските тела, но во секој случај е многу важно да реагираме на сè што не е точно во нивните извештаи, но без разлика на тоа, мислам дека Србија има свој европски пат“, рече Дачиќ.
Тој денеска во Белград присуствуваше на церемонијата по повод одбележувањето на Меѓународниот ден на сеќавањето на холокаустот.
Регион
Таткото на Ѓоковиќ по инцидентот: Денешниот натпревар ќе го следам од дома

Срѓан Ѓоковиќ, таткото на Новак, зборуваше за случувањата на Австралија опен.
По средбата на српскиот тенисер и Андреј Рубљов, тој беше фотографиран во друштво на навивачи што имаа руски симболи, а еден од присутните беше облечен во маица со симболот „З“.
Срѓан излезе со соопштение и најави дека вечерашниот натпревар нема да го следи од трибините.
„Тука сум само за да го поддржам мојот син. Немав намера да предизвикувам такви наслови и немири“, најави Срѓан Ѓоковиќ.
„Бев надвор со навивачите на Новак, како и по секој натпревар кога ги славам неговите победи и се фотографирав со нив. Не ми беше намерата да се вклучам во сето ова. Моето семејство помина низ ужасот на војната и сите ние само сакаме мир. Ќе го гледам натпреварот од дома“, додаде тој.
Срѓан Ѓоковиќ на крајот изјави дека се надева на одличен натпревар и дека како и секогаш – ќе го бодри својот син.
Новак ќе игра со Томи Пол в петок од 9.30 часот.