Словенечкиот парламент го потврди назначувањето на лидерот на Движењето за слобода, менаџерот Роберт Голоб, за премиер, кој парламентарците треба да го изберат следната недела.

Во средата за Голоб гласаа 54 пратеници, 30 беа против, а еден глас беше неважечки.

Пред гласањето Голоб изјави дека врз основа на големата доверба што му ја дале на изборите на 24 април, сака да им даде на Словенците надеж за подобра иднина и да им ја врати животната радост, пренесе „Хина“.

Словенечкиот парламент денеска ќе гласа по предлогот за назначување на Роберт Голоб за мандатар на новата влада, што е прв чекор кон формирањето на извршната власт во земјата по изборите одржани на 24 април.

Голоб вчера го потпиша однапред усогласениот коалициски договор меѓу неговата партија Движење слобода со социјалдемократите на Тања Фајон и Левицата на Лука Месец изјавувајќи дека предвидените процедури за формирање и почетокот на работата на новата влада ќе бидат завршени веќе наредната седмица.

По потпишувањето на коалицискиот договор, Голоб рече дека бргу биле усогласени целите на работењето на новиот кабинет, но посочи дека со оглед на брзите промени на околностите, во иднина ќе биде неопходно постојано приспособување.

„Знаеме каде сме и каде сакаме да одиме, ќе реагираме на околностите“, рече идниот премиер наведувајќи ги притоа мерките поврзани со поскапувањето на енергијата и на храната и здравствените мерки со оглед на можен нов бран на Ковид-19 наесен.

Се очекува Голоб на собраниската седница да каже повеќе за акцискиот план на идната влада.

Неколку училишта во Сараево добиле електронска пошта со содржина дека во објектите се поставени бомби, изјави портпаролот на МВР на кантонот Сараево, Мирза Хаџиабдиќ.

Во моментот во тек се контрадиверзивни прегледи на посочените локации.

Според информациите на „Н1 Сараево“, бомби биле пријавени во неколку основни училишта во реонот на општините Стари Град и Ново Сараево, а децата се вратени дома до завршување на прегледот.

Претходно минатата недела, голем број училишта во Србија добија извештаи за поставени бомби. По проверките, беше утврдено дека дојавите за поставените бомби се лажни.

Институциите утврдија дека некои дојави доаѓаат и од странство.