Регион
(Видео) Вучиќ ги осуди протестите: Сведоци сме на брутално политичко насилство

Претседателот на Србија, Александар Вучиќ, ги осуди синоќешните протести организирани пред Националното собрание оценувајќи ги како акт на политичко насилство.
„Синоќа во Белград бевме сведоци на најбрутално политичко насилство во последните неколку години. Во изминатите осум години Република Србија целосно ја почитуваше слободата на собирање и демонстрација, како и различно мислење“, рече тој.
„Синоќа, иако некои се обидоа да го оправдаат тоа со коронавирусот, бевме сведоци на политички протест, кој не беше пријавен, се случи луѓето кои се со десничарска ориентација да ја нападнат зградата на Националното собрание и да влезат во неа, што значи да се извршат најмалку две кривични дела“, рече тој.
Вучиќ додаде дека полицијата реагирала дури кога собраните лица почнале да ја вандализираат зградата на Националното собрание.
„Соочени со сето ова, полицијата презеде законски мерки. Пристојни и мирни луѓе можеа да видат како тие луѓе се однесуваа меѓусебно и како малтретираа полициски службеници. Пет полициски возила беа запалени, 43 полицајци беа повредени, а едниот има фрактура на черепот“,брече Вучиќ, а потоа покажа и фотографии од полицајци, од кои некои биле нападнати со нож.
Вучиќ истакна дека е нанесена голема материјална штета, како и штета на угледот на Србија.
„Ги разбирам политичките фрустрации, но нема да дозволиме никој да го уништи мирот во Србија. Тоа е пораката до оние внатре и оние што се надвор“, рече Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Лидерите на ЕУ в четврток ќе разговараат за вакцини за Западен Балкан

Набавката на вакцини за Западен Балкан ќе биде една од темите на состанокот на лидерите на членките на Европската унија (ЕУ), што ќе се одржи в четврток, објави Брисел.
Претседателот на Европскиот совет, Шарл Мишел, истакна дека лидерите на ЕУ треба да разговараат за соработката со трети земји во врска со вакцините.
„Ќе видиме како можеме да им помогнеме на нашите партнери во соседството и пошироко“, рече Мишел, пренесува Танјуг.
Во писмото со покана до лидерите на земјите-членки на ЕУ, во пресрет на видео-конференцијата закажана за четврток во 18 часот, Мишел наведува дека на состанокот ќе се разговара и за кампањата за вакцинација во рамките на Унијата.
„Забрзувањето на вакцинацијата низ ЕУ е наш апсолутен приоритет“, рече Мишел.
Покрај дискусијата за набавка и дистрибуција на вакцини низ ЕУ и во соседството, Мишел објави и разговори за сертификати за вакцинација.
„Ќе разговараме за соодветноста на заедничкиот пристап кон сертифицирање, како и, доколку е потребно, околностите под кои може да се користат ваквите сертификати“, рече Мишел.
Тој оцени дека моменталната состојба со заразата со Ковид-19 во Европа бара голема претпазливост.
Мишел повика, покрај почетокот на вакцинацијата, да се продолжи со обемно тестирање и следење на контактите, но и да се овозможи прекугранично движење во рамките на ЕУ.
Регион
Србија почнува со масовна вакцинација против коронавирус

Србија почнува со масовна вакцинација за населението, откако земјата досега набави вкупно 1.054.950 вакцини и има договор за набавка на уште 6 милиони дози.
Претседателот Александар Вучиќ, најави дека во Србија денеска или утре ќе пристигнат 250.000 вакцини „Спутник V“, а се очекува наскоро преку Полска да се набави и четвртата вакцина од производителот Астра-Зенека.
Денеска ќе почне и масовната вакцинација со кинеската вакцина Синофарм.
Премиерката на Србија, Ана Брнабиќ, апелираше до граѓаните да се пријават за вакцинација.
Регион
Судот му определи притвор на Мирослав Мика Алексиќ

Судот му определи притвор на српскиот режисер, сценарист и учител по глума Мирослав Мика Алексиќ кој попладнево беше сослушан пред Вишото јавно обвинителство. Тој ги негирал обвиненијата за силување поднесени од српската актерка Милена Радуловиќ и други негови ученички во школата за глума.
Тој е обвинет за осум кривични дела силување и седум кривични дела сексуално вознемирување извршени во периодот од 2008 до 2020 година.
Осомничен е за силување и сексуално вознемирување на шест женски лица, а некои од нив во времето на извршување на кривичното дело биле малолетни.
На Алексиќ му се заканува казна затвор од 15 години.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира