Контакт

Регион

(Видео) Вучиќ им се закани на демонстрантите; „Ле Монд“: Ситуацијата потсетува на Киев 2013/2014

Објавено пред

Српскиот претседател Александар Вучиќ, во понеделник вечерта, во продолжението на антивладините протести што се одржуваат во цела Србија, изјави дека државата „ќе ги прогонува демонстрантите многу повеќе, побргу и посилно и ќе воспостави ред“, а западните медиуми остро пишуваа за политиката на Вучиќ.

dobivaj vesti na viber

Во текот на вечерта Вучиќ ги посети просториите на владејачката Српска напредна партија (СНС) во белградската општина Палилула, каде што беа скршени прозорци за време на протестите во понеделникот, и рече дека ова е „показател за тоа со какви насилници и силеџии“ се справува државата. Тој додаде дека демонстрантите „немаат што да им понудат на луѓето, освен насилство, бандитство и уништување“.

Антивладини протести се одржаа во цела Србија во понеделникот вечерта, а светските медиуми оценија дека Вучиќ усвоил стратегија на страв со тоа што ги извел хулиганите и приватното обезбедување на улиците спротивставувајќи им се на демонстрантите.

„Ле Монд“: Ситуацијата потсетува на Киев 2013 – 2014 година
Францускиот весник „Ле Монд“ ја споредува ситуацијата во Србија со настаните во Киев 2013 – 2014 година кога хулигани и полицајци во цивил беа искористени за предизвикување насилство.

Според весникот, од вторникот минатата недела во неколку градови избувнаа судири меѓу поддржувачите на владата и демонстрантите.

Маскирани напаѓачи ги демолираа канцелариите на Српската напредна партија во неколку градови, видеа од насилни апсења се објавени на социјалните мрежи, а властите ја обвинуваат опозицијата дека се обидува да ја уништи Србија и да предизвика граѓанска војна, го цитираат францускиот весник, белградските медиуми.

„Ле Монд“ нè потсетува дека протестите во Србија траат веќе девет месеци откога 16 лица загинаа при уривање настрешник на железничката станица во Нови Сад во ноември минатата година, што јавноста го протолкува како последица на широкораспространета корупција.

Протестите беа упорно предводени од студентско движење, кое сега бара Вучиќ да распише предвремени избори ставајќи го во ситуација во која мора да се соочи со пад на поддршката, дури и кај до неодамна лојалниот избирачки корпус.

Весникот исто така наведува дека Вучиќ ги обвинува странските служби за обид за обоена револуција и се потпира на пасивноста на европските престолнини.

„Фајненшл тајмс“: Балансирањето на Вучиќ на домашната и на глобалната сцена
Британскиот „Фајненшл тајмс“ (ФТ) пишува дека по децении на власт, ветераните на авторитарните режими неизбежно се соочуваат со прашањето дали да ја зголемат репресијата, да го зајакнат својот круг на капиталистички пријатели и да ги истиснат остатоците од независните медиуми или да се поклонат пред повиците на опозицијата за реформи и дека Александар Вучиќ сега се соочува со токму овој избор, пишува ФТ.

„Автократите секогаш се одлучуваат за првиот пристап и стануваат потврдокорни. Сега Вучиќ се соочува и со антивладини протести на улиците на главниот град. Осум години како претседател на Србија, а пред тоа како премиер, владееше со интервенционистичка рака, но водеше повеќе управувана демократија отколку целосна автократија“, пишува британскиот весник истакнувајќи дека Вучиќ слично лукаво балансирал на глобалната сцена.

Според „Фајненшл тајмс“, пренесува белградската агенција „Фонет“, претседателот на Србија има срдечни односи со Москва, но не е толку пријателски расположен кон неа, што би ги „разбеснило“ Европската Унија и САД, покрај продажбата на оружје на Украина, а му се додворуваше на Пекинг за милијарди долари кинески инвестиции во индустријата и инфраструктурата.

Весникот исто така укажува на кокетирањето на Вучиќ со лидерите на евроблокот, Урсула фон дер Лајен или францускиот претседател Емануел Макрон, не само поради најавата за можноста европските рударски компании да ги експлоатираат наоѓалиштата на литиум во Србија.

Според „Фајненшл тајмс“, Вучиќ изградил добри односи и со блиски соработници на Доналд Трамп за време на првиот мандат на американскиот претседател.

Си-ен-ен: Протестите го оспоруваат сè поавтократското владеење на Вучиќ
„Фрустрацијата поради неговото неодговорно и нетранспарентно владеење се претвори во протести, предизвикани од уривањето на настрешникот на железничката станица во Нови Сад минатиот ноември, при што загинаа 16 лица. Станицата ја реновираа кинески компании како дел од иницијативата „Појас и пат“, а противниците на Вучиќ за уривањето ги обвинуваат државната корупција, лошото управување и слабиот надзор, кои ги сметаат за обележја на неговиот режим“, пишува ФТ.

Американската мрежа Си-ен-ен се осврнува на едно од низата јавни обраќања на Вучиќ во неделата кога тој најави строги мерки против антивладините демонстранти по деновите улични немири во Србија, кои го доведоа во прашање неговото сè поавтократско владеење.

Во едно од неговите чести телевизиски обраќања до јавноста Вучиќ ги обвини демонстрантите за чист тероризам и ги повтори своите тврдења дека повеќемесечните постојани протести против неговата влада биле оркестрирани од Западот и имале цел уништување на Србија, објавува Си-ен-ен.

Протестите во Србија продолжуваат од утро до мрак, а студентите – по неколкуте масовни собири во целата земја, кои заедно со другите во Белград на 15 март собраа стотици илјади луѓе – навестија реприза оваа есен, најверојатно, во септември.

фото: принтскрин

Регион

Вучиќ: Терористички чин пред српскиот парламент

Објавено пред

Српскиот претседател Александар Вучиќ денес во Палатата на Србија изјави дека пред српскиот парламент се случил терористички чин.

dobivaj vesti na viber

„Јас сум првиот што зборува и се извинувам што ќе морам да го напуштам овој прекрасен состанок. Причината е терористичкиот чин што се случи пред српскиот парламент, па ќе морам да се занимавам со други работи“, рече претседателот на Србија на состанокот по повод потпишувањето договор за распределба на средства за купување селска куќа“, јавуваат српските медиуми.

Претходно денес, пожар избувна пред српскиот парламент кратко по 10 часот наутро, а пред тоа се слушнаа истрели. Во меѓувреме, едно лице е уапсено.

Прикажи повеќе...

Регион

(Видео) Пукање и пожар во „Чациленд“ во Белград, еден ранет, друг уапсен

Објавено пред

Голем пожар избувна денес во центарот на Белград, во паркот „Кирил и Методиј“, познат како „Чациленд“, а според снимките од местото на настанот, густ црн чад се издига над центарот на градот.

dobivaj vesti na viber

Според првичните информации, пожарот зафатил шатор поставен пред зградата на Српското народно собрание.

За пожарот пред пред Српското народно собрание во паркот, објави и опозициската политичарка Мариника Тепиќ.

Таа вели дека најпрвин се слушнало пукање по што избувнал пожар.

На почетокот на видеото се гледа како еден човек куца, како да е ранет, по што неколку полицајци трчаат кон шаторите и се слушаат истрели.

Полицајците го повикувале напаѓачот да го фрли оружјето. Фрли го оружјето“, вика еден од нив, а во заднина се слушаат наредби: „Легни, легни“.

Сите полицајци се засолниле и набргу потоа пожарот почнал. Едно лице излегло од шаторот и легнало на земјата.

Министерството за внатрешни работи на Србија потврди за порталот „Нова.рс“ дека пожарот пријавен во 10.17 часот во меѓувреме е локализиран.

Пожарникарите и полицијата сè уште се на терен, а причината за пожарот ќе се утврди со истрага.

Српската радиотелевизија (РТС) неофицијално објави дека причина за пожарот е боца со гас.

Белградската полиција го уапсила В. А. под сомнение дека ранил маж во паркот „Пионирски“, извести „Телеграф.рс“.

Неофицијално, тие додаваат дека еден маж е ранет во ногата.

фото: принтскрин

Прикажи повеќе...

Регион

Повторно отворена Амбасадата на Србија во Киев

Објавено пред

Амбасадата на Србија во Киев, главниот град на Украина, повторно е отворена по привременото затворање во 2022 година поради безбедносната состојба, јави агенцијата „Анадолија“.

dobivaj vesti na viber

По тој повод, бил организиран прием на кој присуствувале дипломати, претставници на државни институции и други гости.

Амбасадорот на Србија во Украина, Андон Сапунџи, изјавил дека отворањето на Амбасадата симболизира „враќање на Србија во Киев“ и обновување на активната соработка меѓу двете земји.

„Нашиот работен простор сè уште не е целосно завршен, но сакав да ја споделам оваа радост со вас уште сега. Србија се врати“, истакнал Сапунџи додавајќи дека од почетокот на војната повеќе од 100.000 Украинци заминале во Србија, каде што отвориле компании, а нивните деца одат на училиште.

Според украинската агенција „Интерфакс“, Србија ѝ обезбедува хуманитарна помош на Украина, учествува во проекти за изградба на подземни градинки во близина на фронтот, испорачува опрема за енергетската инфраструктура и организира образовни програми за деца од Сумската и Харковската област.

Двете земји воспоставиле дипломатски односи на 15 април 1994 година, а Амбасадата во Киев почнала со работа во 1995 година.
Во март 2022 година, неколку дена по почетокот на руската инвазија, нејзината работа беше привремено прекината поради безбедносната состојба.

Прикажи повеќе...

Најново

Македонија40 минути

Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски

Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...

Македонија1 час

Истрага против 32 физички и правни лица за злоупотреби при јавни набавки во прилепската болница

По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...

Македонија2 часа

Mицкоски се сретна со кралот Чарлс: „Беше искрено и содржајно“

Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...

Македонија3 часа

Полицијата претресува на повеќе локации во Скопје поради лихварство и перење пари

Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...

Македонија4 часа

И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21

СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...

Македонија5 часа

ВМРО-ДПМНЕ: Ако утре би биле парламентарните избори, ние би освоиле над 60 пратеници, а СДС во некои изборни единици би бил трета партија

ВМРО-ДПМНЕ со 550 советници низ Македонија и градот Скопје, како и со над 300.000 гласови, е апсолутен победник на локалните...

Свет7 часа

Трамп: Не сакав бесмислен состанок со Путин

Американскиот претседател Доналд Трамп изјави дека не сакал да одржи бескорисен состанок со рускиот лидер Владимир Путин, откако планот за...

Свет7 часа

(Видео) Украина со ракети „сторм шедоу“ нападна хемиска фабрика во Русија

Украинските сили на 21 октомври изведоа масовен напад со британски ракети „сторм шедоу“ врз хемиската фабрика во руската област Брјанск,...

Свет7 часа

Кремљ реагира по изјавата на полскиот министер: „Ова е закана за тероризам“

Москва ја обвини Полска дека се заканува со „терористички акт против авионот на Владимир Путин“, откако полскиот министер за надворешни...

Македонија18 часа

Во тек голема акција: Финансиската полиција ја тресе прилепската болница, има приведени

Во тек е голема акција на финансиската полиција во Прилеп, поврзана со сомнежи за криминал во работењето на прилепската болница....

Македонија20 часа

Еден осуденик месечно ја чини државата околу 1.000 евра, Пандов рече дека пробацијата не се користи доволно

Директорот на Управата за извршување на санкции, Александар Пандов, изјави дека државата месечно троши околу 1.000 евра за еден осуденик,...

Свет21 час

Пропадна најавениот самит меѓу Трамп и Путин

Планираниот самит меѓу американскиот претседател Доналд Трамп и рускиот претседател Владимир Путин, кој требаше да се одржи во Будимпешта до...

Македонија22 часа

Ѓорѓиевски и Мециновиќ ќе се соочат на дебата

Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја прифати поканата за телевизиска дебата со својот противкандидат Амар...

Македонија22 часа

Министерството за здравство: Немаме долг кон „Комунална хигиена“

Министерството за здравство соопшти дека, како правен субјект, нема никаква обврска или долг кон ЈП „Комунална хигиена – Скопје“, демантирајќи...

Македонија23 часа

Арсовска: Мицковски несреќо, на кого се закануваш, за ѓубрето низ Скопје се одговорни твоите градоначалници

„Мицковски несреќо, на кого се закануваш, објави на социјалните мрежи градоначалничката нa град Скопје во заминување, Данела Арсовска, откако Владата...

Македонија24 часа

Владата го задолжи МВР во соработка со ДКИ, ДИЖС, ДСЗИ и ИЈЗ веднаш да отпочнат со координиран вонреден инспекциски надзор во Град Скопје и ЈП Комунална хигиена

Во врска со проблемот со собирање и транспортирање на комуналниот отпад на територијата на Град Скопје, Владата на денешната седница...

Македонија1 ден

Над 3.000 евра за квадратен метар – стан во Центар од 91 м2 е продаден за 280.000 евра

Најголема постигната цена на стан за квадратен метар во периодот јули – септември е 189.231 денар или речиси 3.000 евра,...

Македонија1 ден

Ново поглавје во неврохирургијата: на Клиниката во Скопје првпат изведена операција на мозок со помош на системот за стереотаксија

Mинатата недела на Клиниката за неврохирургија првпат се изведе операција на мозокот со помош на системот за стереотаксија (framed stereotactic...

Топ1 ден

Трошела пари за патувања во странство: поднесено обвинение за поранешна директорка на ученичкиот дом „Мирка Гинова“

Основното јавно обвинителство Битола, по спроведена претходна постапка, до надлежниот суд поднесе обвинение против поранешна директорка на Државниот ученички дом...

Топ1 ден

Триесет милиони денари, три стана, земјиште и возила: замрзнат имот во Србија и во Македонија на осомничен за злоупотреби во РЕК „Битола“

Основното јавно обвинителство Битола, преку Канцеларијата за поврат на имот во Јавното обвинителство на Република Северна Македонија, упати итно барање...