Регион
(Видео) Нереди на улиците во Атина: „молотови коктели“ кон полицајците, еден тешко повреден
Грчки полицаец бил сериозно повреден вечерва за време на судир со демонстранти во Атина, кои излегле на улиците во знак на протест против полициското насилство.
Конфликтот се случил во атинската населба Неа Смирни, а полицаецот бил погоден во вратот со факел или камен поради што неговите колеги формирале круг околу него за да го заштитат додека не пристигне брзата помош и го однеле во болница, објави весникот „Катимерини“.
#Athens #Greece
Citizens attack police in #NeaSmyrni – or was it vice versa?▪️According to the Greek police: “at 1450 hrs today a DIAS (motorcycle patrol) team went to #NeaSmyrni square, in order to perform checks for Covid19 & where attacked by people pic.twitter.com/CUZQU1M52T
— ? Sarwar ? (@ferozwala) March 9, 2021
Според државната телевизија ЕРТ, напаѓачите со качулки фрлале „молотови коктели“ кон полицијата, која одговорила со солзавец.
Во близина на местото на судирот полицијата пронашла ранец полн со „молотови коктели“ и факли.
Неколку паркирани автомобили се оштетени, а на снимките на социјалните мрежи може да се видат и повеќе запалени контејнери.
Претходно, околу 5.000 луѓе се собраа на главниот плоштад во областа Неа Смирни, каде што и изминатиов викенд имаше пресметка со полицијата.
Жителите на Атина излегоа на улиците во знак на протест против инцидент што се случи во неделата, а за кој се појави и снимка на социјалните мрежи, на која се гледа како полицаец со палка безмилосно тепа момче.
Полицијата соопшти дека испратиле патрола со мотоцикли на плоштадот Неа Смирни за да проверат дали се почитуваат мерките за контрола на коронавирусот додавајќи дека добиле голем број извештаи за непочитување на тоа место.
Државното обвинителство во меѓувреме нареди истрага за да се испита дали има основа за поднесување кривична пријава против полицајците за употреба на прекумерна сила, а и полицијата соопшти дека почнала внатрешна истрага.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Регион
(Видео) 40 исчезнати во Јабланица, министер: Се плашам дека ќе се зголеми бројот на загинати
И покрај напорите на сите расположливи сили со тешка механизација, воспоставувањето на патот меѓу Мостар и Јабланица нема да биде можно до вечерва. Според последните информации, 40 лица се водат за исчезнати на подрачјето на Долна Јабланица, а на тоа место се потврдени 16 смртни случаи.
At least 14 people died, and others are missing in Bosnia and Herzegovina after heavy rain and landslides destroyed homes, roads, and bridges. The municipality of Jablanica, southwest of Sarajevo, was completely cut off.pic.twitter.com/8aBwt4cqRn
— Volcaholic 🌋 (@volcaholic1) October 4, 2024
„Пред сè, сакам да изразам искрено сочувство до семејствата чии членови загинаа. Се плашам дека овие бројки, за жал, ќе растат. Ќе ги обновиме железницата и патиштата, но човечките животи не можат да бидат обновени“, рече министерот Тони Краљевиќ.
Краљевиќ, исто така, нагласи дека Владата на БиХ прогласи природна катастрофа и дека сите материјални и човечки ресурси се достапни за спасување.
Командантот на Штабот за цивилна заштита, Адил Шута, истакна дека приоритет е спасувањето човечки животи и дека се користат чамци за доставување помош, додека армијата и инженерските сили работат на воспоставување на коридорот.