Регион
(Видео) Kитови забележани во Јадранското Море: граѓаните предупредени да не им се приближуваат
Од Националниот парк Мљет информираа дека добиле неколку пријави за китови во каналот Мљет. Веднаш ги известиле граѓаните и им порачале да не се приближуваат до китовите.
„Во понеделникот на 10 јуни добивме неколку пријави дека е забележан кит во каналот Мљет помеѓу Полач и Трстеник. Во моментов немаме повеќе информации или сознанија за видот, но ве молиме не му приоѓајте со пловни објекти и доколку го забалежите известете не за локацијата и времето“, стои во објава на Фејсбук профилот на Националниот парк Мљет.
Минатата година во близина на Корчула, исто така, по неколку пријави од граѓани, Институтот „Син свет“ од Вели Лошињ утврдил дека во тој дел на Јадранот има најмалку пет единки на китови исклучително ретки китови.
Инаку, тие живеат на длабочина од еден километар, па затоа повеќето посети на китовите на овој дел од Јадранското Море завршуваат со заглавување и умирање на единките. Поради оваа причина, неопходно е да се обезбеди следење на групата за да се утврди правецот на движење и да може навреме да се преземат спасувачки акции.
Спектакуларни сцени на китови се видени и во близина на Шолта, снимени на видео каде се слушаат воодушевени гласовите на набљудувачите кои го гледале китот како излегува од водата и плива по површината додека исфрла вода, пишува „Вечерњи лист“.
Голема сензација беа два големи кита видени во август 2020 година во каналот Велебит. Тоа е вториот по големина вид кит во светот, кој може да порасне до 27 метри, додека подвид е забележан на Јадранот со големина од околу 23 метри.
Истражувачите излегоа на терен за да го фотографираат големиот кит од воздух со дрон за да ја анализираат неговата големина и здравје и да направат биопсија на кожата за ДНК анализа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Фон дер Лајен: Србија е еден од најнапредните кандидати за членство во ЕУ
Србија е една од најнапредните земји во процесот на пристапување во Европската унија и на неа е да избере брзина на пристапување, изјави претседателката на Европската комисија Урсула фон дер Лајен по состанокот со српскиот претседател Александар Вучиќ во Белград.
Фон дер Лајен рече дека партнерството меѓу Србија и Европската унија станува се посилно, а ЕУ е првиот трговски партнер и инвеститор на Србија.
Напредокот на Србија на европскиот пат и почетокот на имплементацијата на Планот за раст на Западен Балкан беа во фокусот на разговорот меѓу Вучиќ и Фон дер Лајен.
„Планот за раст треба да ги приближи економиите од Западен Балкан до нашата и постепено да го интегрира регионалниот пазар со единствениот европски пазар. Принципот е многу едноставен. Ги отвораме вратите на единствениот пазар на Европската унија во одредени сектори за српските компании, а за возврат треба да се спроведат одредени реформи заради фер услови на пазарот“, рече Фон дер Лајен.
Регион
Земјотрес со јачина од четири степени ја погоди Албанија
Земјотрес со јачина од четири степени според Рихтеровата скала вечерва ја погоди Албанија, соопшти Европско-медитеранскиот сеизмолошки центар (EMSC).
Земјотресот се случил на длабочина од пет километри, додава EMSC.
Епицентарот на земјотресот е регистриран на 11 километри источно од градот Фјер, каде живеат околу 60.000 луѓе.
Регион
Вучиќ со Фон дер Лајен: Сѐ додека јас сум претседател, Србија ќе остане на европскиот пат
Претседателот на Србија, Александар Вучиќ, денеска изјави дека сѐ додека тој е претседател на државата, Србија нема да ги промени своите главни надворешнополитички цели, а тоа се европскиот пат и определбата за членство во ЕУ.
На заедничката прес-конференција со претседателката на Европската комисија, Урсула фон дер Лајен, која е во дводневна посета на Србија, Вучиќ рече дека европскиот пат е од клучно значење за напредокот на земјата, дека Србија посветено работи на тој пат и се надева на резултати.
Тој истакна дека имал многу долг, крајно отворен и искрен разговор со Фон дер Лајен и дека има работи за кои Европската Унија ја критикува Србија, но дека претседателот на ЕК секогаш бил подготвен да ја сослуша нивната страна.
Како што рече, разговарале за определбите на Србија.
„Јас ѝ го кажав истото тоа што ви го кажав вчера. Колку и да размислуваат поинаку некои луѓе, јас сум претседател на Републиката со највисок легитимитет во државата, избран директно од граѓаните двапати по ред во првиот изборен круг, што никогаш не се случило во нашата историја, а додека јас сум претседател, нема промена на главните цели на нашата надворешна и внатрешна политика. Тоа значи дека нашиот европски пат е и наше застапување за европска Србија и е од клучно значење за нашиот напредок, дека Србија ќе се посвети на работа на тој пат и дека се надеваме на резултати“, изјави Вучиќ.
Тој ѝ честита на Урсула фон дер Лајен за нејзиниот реизбор на функцијата претседател на Европската комисија и ѝ се заблагодари за поддршката што ѝ ја дала на Србија во претходниот мандат и додаде дека се надева оти тоа ќе продолжи да го прави и во овој мандат, пренесува „Танјуг“.
„Има една работа што луѓето во Србија многу ја почитуваат. Кога ни доаѓаат гости, речиси сите доаѓаат во Белград кога се во прашање високи делегации, официјални посети во нашата земја и двапати отидовме далеку од Белград, далеку од урбаните средини, а тоа е нешто што нашите граѓани, нашиот народ, исклучително го почитуваат и ценат, ви благодариме за поддршката и помошта што ни ја дадовте во претходниот период“, рече Вучиќ.