Регион
Во Србија досега пријавени 261 случај на несакани реакции по вакцинирањето
Заклучно со вчера, во Србија се пријавени вкупно 261 случај на несакани реакции по вакцинирање против коронавирус, рече Павле Зелиќ од Агенцијата за лекови и медицински помагала, додавајќи дека тоа е многу мал број, имајќи го предвид вкупниот број на вакцинирани граѓани.
Тој изјави дека може да се очекуваат несакани ефекти по вакцинирањето, но дека е важно што нема долгорочни последици.
„Досега немавме за што да се грижиме. Сè што се случило досега е решено за неколку дена“, рече Зелиќ, гостувајќи на ТВ Пинк.
Тој изјави дека несакани ефекти може да бидат треска, болка на местото на инјектирање, оток, црвенило, болка во мускулите, зглобовите, главоболка, гадење… и додаде дека тие најчесто биле пријавувани од граѓани на возраст од 45 до 64 години и тоа почесто жени.
Исто така тој рече дека не треба да постои страв од вакцината затоа што секоја вакцина е валидна, ефикасна и безбедна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.