Регион
Вучевиќ: Истрагата за несреќата во Нови Сад ќе биде тешка

Српскиот премиер Милош Вучевиќ оцени дека обвинителите и експертите кои го истражуваат падот на настрешницата на Железничката станица во Нови Сад ќе имаат тешка работа.
Гостувајќи во РТС, Вучевиќ рече дека јавноста е преплавена со различни мислења и заклучоци за несреќата, но дека судот мора да се води според доказите.
„Мораме да утврдиме што доведе до уривање на зградата. Ова треба да го добиеме како конечен одговор“, рече Вучевиќ.
Според него, власта не бега ниту од политичка одговорност.
Прашан што мисли за демолирањето на Градското собрание во Нови Сад што се случи во вторникот вечерта, премиерот рече дека оваа акција била детално планирана, но дека мнозинството граѓани не сакаат да учествуваат во неа.
„Најголем број луѓе се собраа поради тага, а помала група го злоупотреби собирот. Кога почна нападот на Градското собрание, 90 проценти од луѓето го напуштија собирот“, додаде Вучевиќ.
Во петокот се урна бетонска настрешница на железничката станица во Нови Сад, при што загинаа 14 лица, а тројца беа тешко повредени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.