Регион
Вучиќ: Во одбранбената индустрија ќе вложиме најмногу пари досега
Српскиот претседател, Александар Вучиќ, денеска го посети 15. тенковски баталјон на Првата бригада на армијата во касарната во Сремска Митровица.
Вучиќ присуствува на демонстрации на способностите на тенковските единици и на ракетните фрлачи од 128 мм, М77 „Огањ“.
Српскиот претседател на настанот изјави дека земјата сака да ја зачува воената неутралност, безбедноста, стабилноста и мирот, но нагласи дека одбрана е важна, доколку затреба, и најави дополнителни, како што рече, досега најголеми финансиски средства за одбранбената индустрија.
„Ние сакаме да ја зачуваме воената неутралност, да бидеме свои на своето и не влегувајќи во ничија трка, секогаш да можеме да гарантираме безбедност, стабилност и мир. Колку сте посилни, имате посилно превентивно дејство врз оној кој смета дека може да постигне некои политички цели преку воена агресија“, рече Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нападната амбасадорката на Србија во Мадрид
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.
Регион
Комбе полно со мигранти одбило да застане и удрило во столб: најмалку 10 повредени во Хрватска
Десет лица се повредени во тешка сообраќајна несреќа што се случи рано утринава во Хрватска, кога комбе излетало од патот и удрило во столб.
Се испоставило дека комбето излетало од патот додека бегало од полицијата.
Според медиумите, полициските службеници, кои работеле на спречување илегален влез во Република Хрватска, околу три часот по полноќ ноќта од недела кон понеделник забележале видно натоварено комбе со швајцарски регистарски таблички.
Тие со светлосни и звучни сигнали се обиделе да го спречат за контрола, но возачот ги игнорирал полициските наредби и продолжил да вози зголемувајќи ја брзината.
За кратко време излетал од патот и удрил во столб. Повредените се пренесени во Општата болница во Славонски Брод и Нова Градишка.
Според написите, во сообраќајната несреќа се повредени 10 лица.
Полициски службеници продолжуваат со работа и вршат увиди, соопштија од полицијата.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.