Регион
Грција уапсила и депортирала јордански исламист со британски пасош
![](https://makfax.com.mk/wp-content/uploads/2020/09/07-grcija.png)
Грчките власти уапсиле човек со јорданско потекло и со британски пасош, за кој се верува дека е поврзан со радикални исламски терористички организации во Сирија, пренесува „Прототема“.
За човекот се вели дека отпатувал на одмор во општината Милопотамос на островот Крит кон крајот на август и бил идентификуван од грчките власти кои добиле дојава од британските власти.
Грците веднаш го ставиле човекот под надзор и, откако се консултирале со британските безбедносни служби, го привеле осомничениот. На барање на британските власти, човекот потоа бил депортиран во Велика Британија.
И грчката национална разузнавачка служба и полицијата биле вклучени во случајот и се обидуваат да утврдат дали човекот, кој бил во Грција со своето семејство, планирал нешто или се обидел да воспостави контакт со сомнителни лица.
Весникот објави малку информации во врска со идентитетот на човекот, но се верува дека тој е поврзан со радикални исламски терористички групи кои дејствуваат во Сирија.
Грција, која продолжува да биде епицентар за пристигнувањето мигранти од Блискиот Исток, документираше голем број луѓе, кои пристигнаа од екот на мигрантската криза, кои имаа врски со групи како Исламска држава.
Во 2017 година сириски мигрант беше уапсен под обвинение за тероризам во Северна Грција, откако со сопругата допатувал во земјата. Иако првично негирал членство во терористичката група, тој подоцна бил осуден од грчки суд.
Додека заканата од доаѓање на радикални исламисти во Грција маскирани во баратели на азил и понатаму е актуелна, потенцијалот за ширење на коронавирусот стана уште поитно прашање во последните неколку недели.
Неделава, 45-годишен ирачки мигрант бил позитивен на Ковид-19 во прифатилиште за азиланти во општината Оинофита. Само неколку дена претходно, еден сомалиски мигрант бил позитивен на вирусот во преполнетиот мигрантски камп Морија на островот Лезбос, принудувајќи ги властите да спроведат широки масовни низ кампот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
75-годишна жена скокнала од тераса бегајќи од синот кој ја тепал: насилство во Грција
![](https://makfax.com.mk/wp-content/uploads/2024/09/Screenshot-2024-09-09-083700.jpg)
75-годишна жена била тешко повредена кога паднала од тераса бегајќи од синот кој силно ја тепал.
Грчката полиција добила дојава дека жена паднала од терасата во Агринио, откако синот ја бркал.
Несреќната жена бегајќи од својот полуден син се фрлила од терасата и се здобила со бројни скршеници на рацете, нозете и карлицата. Во тешка состојба е пренесена во болница.
Според истрагата, синот прво вербално, а потоа и физички ја нападнал мајката. Таа се фрлила од терасата кога тој се фатил за железна прачка за да ја претепа.
Полицијата вчераутро го привела синот, кој се товари за семејно насилство и нанесување тешка телесна повреда, пренесуваат локалните медиуми.
Регион
Нападната амбасадорката на Србија во Мадрид
![](https://makfax.com.mk/wp-content/uploads/2024/09/ae9a10f0-84e8-4941-a7ac-90cb4a520086.jpg)
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.
Регион
Комбе полно со мигранти одбило да застане и удрило во столб: најмалку 10 повредени во Хрватска
![](https://makfax.com.mk/wp-content/uploads/2024/08/hrvatska-policija.jpg)
Десет лица се повредени во тешка сообраќајна несреќа што се случи рано утринава во Хрватска, кога комбе излетало од патот и удрило во столб.
Се испоставило дека комбето излетало од патот додека бегало од полицијата.
Според медиумите, полициските службеници, кои работеле на спречување илегален влез во Република Хрватска, околу три часот по полноќ ноќта од недела кон понеделник забележале видно натоварено комбе со швајцарски регистарски таблички.
Тие со светлосни и звучни сигнали се обиделе да го спречат за контрола, но возачот ги игнорирал полициските наредби и продолжил да вози зголемувајќи ја брзината.
За кратко време излетал од патот и удрил во столб. Повредените се пренесени во Општата болница во Славонски Брод и Нова Градишка.
Според написите, во сообраќајната несреќа се повредени 10 лица.
Полициски службеници продолжуваат со работа и вршат увиди, соопштија од полицијата.