Регион
Грчкиот државен врв јавно се вакцинираше против коронавирус
Грчката претседателка Катерина Сакеларопулу и грчкиот премиер Кирјакос Мицотакис се првите политичари во Грција што ја прими вакцината на Фајзер/БиоНТек за Ковид-19, јави грчкиот весник „Катимерини“.
„Овој Божиќ, науката ни го даде најголемиот подарок“, рече Сакеларопулу по нејзината вакцинација нешто по 14 часот.
Таа е првата од 45 државни службеници која ја прими вакцината против коронавирисот.
Премиерот Киријакос Мицотакис беше вакциниран околу половина час подоцна, во болница во западна Атина.
„Ова е одличен ден за науката и за ЕУ, која истовремено ја дистрибуираше вакцината до сите членки. Ние се вакцинираме први за да покажеме дека вакцината е безбедна. Нашата цел е да го вакцинираме најголемиот дел од Грците. Се надеваме дека, со текот на времето, дури и оние наши сограѓани кои имаат недоверба кон вакцината ќе бидат убедени дека тоа е вистинскиот начин“, рече Мицотакис пред новинарите по вакцинирањето.
Неколку минути пред 15 часот и претседателот на парламентот Константин Тасулас беше вакциниран, во болницата „Евангелизмос“.
Целиот процес на вакцинирање во живо беше пренесуван на грчките телевизии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дојава за бомба во два трговски центри во Белград
Два трговски центри во Белград денеска добиле дојава за бомба, пишува „Евроњуз Србија“.
Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.
Во моментот во тек е евакуација на посетителите во овие трговски центри.
Регион
Опозициските политичари во Албанија запалија столчиња пред парламентот во знак на протест поради апсењето на нивниот колега
Албанските опозициски политичари запалија куп дрвени столчиња пред Собранието во знак на протест поради апсењето на нивниот колега.
На почетокот на редовната собраниска седница пратениците од опозицијата ги извадија столчињата од собраниската сала и ги запалија на скалите од зградата.
Припадниците на службата за безбедност брзо го изгаснале пожарот.
Апелациониот суд на Албанија во петокот ја потврди пресудата на понискиот суд со која Ервин Салијани, член на опозициската Демократска партија, беше осуден на една година затвор.
Понискиот суд го прогласи Салијани за виновен за „лажна пријава“ против поранешниот министер за внатрешни работи. Салијани ја негираше вината и рече дека судењето е политички мотивирано.
Претходно овој месец, водачот на Демократската партија Сали Бериша, кој е во домашен притвор од декември, беше обвинет за корупција за дејствија што ги презел додека бил премиер од 2005 до 2013 година. Бериша, исто така, ја негира вината.
Демократската партија повика на голем протест во главниот град Тирана на 7 октомври.
Регион
(Видео) Дунав поплави село во Србија: До него се стигнува само со брод
Рибарско викенд село кај Сомбор е поплавено поради покачувањето на нивото на реката Дунав и единствен начин да се стигне до селото е со брод.
Водата ги поплави викендичките до висина на прозорците.
View this post on Instagram
– Во ова викенд одморалиште нема струја и во моментов се стигнува само со брод – пишува во описот на видеото објавено на Инстаграм.
Се наведува и дека ваков вид поплави годинава се случуваат по трет пат и дека мештаните се навикнати секогаш да бидат први на удар.