Регион
Дачиќ: Приштина го напушти дијалогот со одлуката за српските општини

Одлуката на таканаречената влада на Косово да не го примени договорот за формирање заедница на српските општини (ЗСО) е всушност одлука на Приштина да го напушти бриселскиот дијалог, изјави шефот на српската дипломатија, Ивица Дачиќ.
Владата во Приштина го отфрли договорот за почеток на изработка на Статутот за формирање на ЗСО, што е постигнат на неодамнешниот состанок во Брисел во присуство на европските високи претставници.
Дачиќ предупреди дека целта на преговарачкиот процес помеѓу Белград и Приштина сега може да се врати на нула.
„Доколку албанските лидери одбиваат да го применат суштинскиот дел од договорот, Белград може да започне да размислува да ги стави надвор од сила сите досегашни договори што ги постигнавме во Брисел“, рече Дачиќ.
Поради можноста да пропадне повеќегодишниот преговарачки процес, шефот на српската дипломатија се обрати и до меѓународната заедница.
„Ги повикуваме Европската Унија и Соединетите Американски Држави итно да влијаат на Приштина за да ги исполни своите обврски презедени со бриселскиот договор бидејќи се заканува најголемата опасност досега за неуспех на преговарачкиот процес. Белград за тоа нема да преземе буквално никаква одговорност“, повика Дачиќ.
Владата на Косово заклучи дека ниту еден функционер од Приштина нема мандат да носи одлуки надвор од рамките на уставот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Српски министер доживеа мозочен удар во емисија во живо

На српскиот министер за јавни инвестиции Дарко Глишиќ утрово му се слоши за време на гостувањето во утринската програма на телевизијата Пинк. Емисијата беше нагло прекината, а неофицијално се знае дека станува збор за тежок мозочен удар.
Глишиќ беше гостин во утринската програма на телевизијата Пинк, но одеднаш почна да пелтечи и не можеше да изговори ниту еден цел збор. Водителите го прашаа неколку пати дали се чувствува добро, но тој не можеше да одговори, па програмата беше прекината.
UDARNO: Hitno prekinut program na Pinku! Glišić se šlogirao u sred emisije?!
Ministru za javna ulaganja Darku Glišiću naglo je pozlilo uživo u jutarnjem programu na Pinku. pic.twitter.com/otIuN977tP
— Mario ZNA (@MarioBojic) August 5, 2025
Министерот за здравство, Златибор Лончар, изјави дека состојбата на Глишиќ е сериозна и дека тој бил донесен во Ургентниот центар во несвесна состојба.
Глишиќ беше итно префрлен во болница, каде набрзо пристигна српскиот претседател Александар Вучиќ. Глишиќ се смета за еден од неговите најблиски соработници.
Дарко Глишиќ е министер во Владата на Србија од мај 2024 година. Тој е член на Српската напредна партија од нејзиното основање, а од 2016 година е претседател на Извршниот одбор на СНС.
Српскиот претседател Александар Вучиќ објави заедничка фотографија на својот Инстаграм профил со министерот и напиша: „Даре држи се! Нема предавање“.
View this post on Instagram
Фото: Принтскрин
Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Регион
Петгодишниот брат ја застрелал малолетната сестра со пушка: децата си играле во семејната куќа во БиХ

Викендов се случил инцидент во БиХ кога петгодишен брат ја застрелал својата малолетна сестра (4) за време на игра.
Обвинителството потврди за Hercegovina.info дека дежурниот обвинител, Јосип Аничиќ, бил информиран за инцидентот и наредил да се спроведе истрага на местото на инцидентот.
– Според моментално достапните информации, братот (5) и сестрата (4) си играле во семејната куќа кога дошло до пукање од воздушна пушка – изјави портпаролката на обвинителството, Петруњела Матијевиќ, за Hercegovina.info, пренесува Srpskainfo.
Таа додаде дека полицајците, по наредба на обвинителот, се во фаза на испрашување на сведоците, со цел да утврдат како пушката се нашла на дофат на децата и кој ја оставил таму.
Според информации на медиумите во регионот, девојчето е добро и стабилно и без сериозни последици.
Фото: Принтскрин