Откако беше покрената истрага против М.К., мајката на момчето кое уби девет ученици и чувар во белградското основно училиште, „Блиц“ дознава дека таа се соочува со тригодишна затворска казна доколку се докаже дека го запоставила и злоставувала момчето.

Обвинителството испратило барање до белградската полиција да ги собере потребните податоци, при што им било наредено да ја сослушаат осомничената М.К., да извршат разговор со педагогот и психологот вработен во ОУ „Владимир Рибникар“, како и да ги преземат сите други мерки и дејствија потребни за целосно утврдување на фактичката состојба.

Исто така, на Градскиот центар за социјална работа му е наложено да изврши дијагностичка проценка на функционирањето на семејството на момчето убиец и за ова да поднесе пријава до обвинителството, како и да утврди дали претходно наведеното семејство било во евиденција на таа институција.

Доколку се докаже дека мајката ги занемарила своите родителски обврски, се соочува со затворска казна од три години, пишува медиумот.

Адвокатот Радомир Мунижаба за „Блиц“ објасни каква казна ќе добие мајката.

„Доколку се докаже дека мајката сторила кривично дело запуштање и малтретирање малолетно лице може да се казни со затвор до три години. Основната форма на постапувањето е грубо занемарување на должноста да се грижи и воспитува малолетно лице, а тоа пред се се однесува на овозможување услови за развој на малолетното лице како личност, рече адвокатот и додаде дека мајката нема кривично да одговара доколку успеала да спречи девијантно однесување, му овозможила на детето да оди на училиште и да ги прифаќа моралните вредности и општествените норми.

Каква казна ја очекува мајката на момчето убиец ќе се знае откако до Обвинителството ќе бидат доставени пријавите на Полициското одделение за град Белград и Градскиот центар за социјална работа.

Медиумот потсетува дека е уапсен и таткото на момчето, кој се товари за тешко кривично дело против општата безбедност, а максималната казна што може да ја добие е 12 години затвор.