Не престанува да се тресе земјата во Турција. Нов земјотрес ја потресе земјата за помалку од 24 часа. Земјотрес со јачина од 5,1 степен по рихтеровата скала ја погоди провинцијата Елазиг во источниот дел на земјата. Според податоците, епицентарот на земјотресот се наоѓа на длабочина од околу седум километри.

#earthquake #deprem
2020.01.25 19:30 (gmt+3, tr saati)
Mag: 5.1
Loc: Ilincak-Sivrice (Elazig), Turkey or Around #turkey #séisme pic.twitter.com/CwKABbOwIQ

— Major Earthquakes! (Depremler) (@_earth_quakes_) January 25, 2020

Засега нема информации за потенцијални жртви и материјална штета.

Вчера земјотрес со јачина од 6,9 степени според Рихтеровата скала исто така ја погоди оваа провинција.

Map of felt reports received so far following the #earthquake M5.1 in Eastern Turkey 47 min ago pic.twitter.com/C1XdOLJicu

— EMSC (@LastQuake) January 25, 2020

Потресот се почувствувал и во соседните земји – Сирија, Либан и Иран. Во земјотресот загинаа 22 луѓе.

Жителите на бугарскиот град Перник протесираа пред седиштето на владата во Софија, бидејќи се без вода веќе неколку месеци, пренесуваат бугарските медиуми.

Демонстрантите изразија сомневање дека зад недостигот на вода во тој индустриски град стојат подмитување и неспособност и предупредија дека резервоарот на браната Студена, кој е единствен градски извор, ќе биде празен за две недели.

Кризата со водоснабдувањето во Перник, кој е оддалечен 30 километри западно од Софија, почна во ноември кога локалните власти наметнаа рационално користење на водата, поради недостиг на залихи оф блиската брана.

На почетокот на јануари бугарскиот министер за заштита на животната средина поднесе оставка откако беше обвинет за намерно лошо управување со снабдувањето со вода во градот.

Учесниците на протестот носеа жолти елеци, а организаторите најавија протести за понеделник пред регионалното Министерство за развој.

Протестот го поддржаа и жителите на градот Бобов дол, кои пак имаат проблем со згадувањето на воздухот и кои сметаат дека тоа загадување е резултат на палење на отпадот во локалната термоелектрана.

Патнички авион што леташе од Дизелдорф кон египетскиот град Марса Алам принудно слета во Дубровник, бидејќи еден од патниците претрпел срцев удар, јавуваат хрватските медиуми.

Според информациите, патникот починал во авионот.

Информацијата за итното слетување на авионот ја потврдил директорот на аеродромот во Дубровник, Франо Луетиќ.

По принудното слетување, по патниците дошол друг авион за да ги одведе во Египет.