Регион
Испукал 10 куршуми од автоматска пушка кон Мустафа, па бил уапсен додека бегал со тротинет: нови детали за убиството во Бар

Црногорската полиција соопшти дека утринава во Бар го уапсила Дино Ибрахимовиќ (28), кој е осомничен за бруталното убиство на Едмонд Мустафа (29), за кој се верува дека е член на организираната криминална група Шкаљари.
Полицијата соопшти и дека осомничениот, откога испукал десетина истрели, побегнал од местото на злосторството.
„Во исклучително кус временски период, а врз основа на описот на сторителот на кривичното дело, ефикасната реакција на службениците на Регионалниот центар за безбедност ‘Југ’ и ефективното и навремено поставување на службата, осомничениот Д. И. е спречен да побегне и е лишен од слобода. Во таа пригода управувал електричен тротинет и носел кацига“, соопшти полицијата.
Од таму додаваат дека, според оперативните сознанија, двете лица се членови на криминална група, која дејствувала на црногорското крајбрежје.
„Покрај тоа, Д. И. веќе се бара на меѓународно ниво – по него е распишана меѓународна потерница од земја со која правосудните органи на Црна Гора немаат потпишано договор за екстрадиција“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.