Координаторот на пратеничката група на социјалистите (партијата на Еди Рама) Таулант Бала, по средбата со чешкиот амбасадор во Тирана, Карел Урбан, на својот Фејсбук профил објави дека е можно, наредната недела да се одржи Првата меѓувладина конференција на Македонија и Албанија со ЕУ.

„Се согласивме за фактот дека Западен Балкан мора да остане приоритет на Европската Унија за да овозможи продолжување на длабоките и трансформациони реформи започнати во рамките на процесот на интеграција. Со амбасадорот ја споделивме добрата вест од Брисел за можноста следната недела да се одржи Првата меѓувладина конференција со Албанија и Северна Македонија“, има напишано Бала на социјалните мрежи.

Премиерот на Албанија Еди Рама претходно упати апел до Македонците и Албанците во Северна Македонија да го прифатат францускиот предлог кој го отвора патот за официјален почеток на преговорите за членство на двете земји во Европската Унија.

Министерката за надворешни работи на Бугарија, Теодора Генчовска за бугарските медиуми изјавила дека таа не ја донела одлуката и не ја потпишала нотата за протерувањето на 70-те руски дипломати.

На прашањето кој го направил тоа, таа одговорила:

„Контактирајте го премиерот. Имавме инструкции од шефот на неговиот кабинет со две писма. Тие се депонирани во Народното собрание со печат „Доверливо“.

„Нотата на амбасадорката Елеонора Митрофанова за дипломатите е испратена во писмо до премиерот, во кое се бараат и инструкции. Се уште не се примени во МНР“, изјавила Генчовска.

Денеска стана јасно, пишуваат бугарските гласила, дека руската амбасадорка во Бугарија, Елеонора Митрофанова, врачила усна нота со која бара до утре, 1 јули, да биде повлечена одлуката со која 70 руски дипломати се прогласуваат за персона нон грата – во спротивно руската амбасада во Бугарија ќе се затвори.

Министерството за надворешни работи ја потврди нотата на руската амбасадорка Митрофанова, пишува БНТ.

Во интервју за БНТ, Елеонора Митрофанова изјавила дека Москва размислува за најдрастичната мерка – прекин на дипломатските односи со Софија.

Премиерот Еди Рама се огласи на Твитер порачувајќи дека последниот француски предлог кој е испратен до владата на Северна Македонија е конечен и, како што вели, порачува на неговите браќа Македонци и Албанци во Северна Македонија да го прифатат.

Propozimi i fundit francez, i cili është edhe përfundimtari,i jep Maqedonisë së Veriut mundësinë e një pranimi pa rezervë dhe hap rrugën e nisjes zyrtare të negociatave për anëtarësimin e të dy vendeve në Bashkimin Europian! Vëllezërve maqedonas&shqiptarë në MV u them: Pranojeni! pic.twitter.com/0bDtV99xTW

— Edi Rama (@ediramaal) June 30, 2022

„Последниот француски предлог, кој воедно е и конечен, и дава можност на Северна Македонија за безусловен пристап и го отвора патот за официјален почеток на преговорите за членство на двете земји во Европската Унија! Им велам на браќата Македонци и Албанци во Северна Македонија: Прифатете!“, напиша Рама на Твитер.