Регион
Коронавирусот во Германија доаѓа најмногу од Косово
![](https://makfax.com.mk/wp-content/uploads/2020/08/Kosovo.jpg)
Германскиот Институт „Роберт Кох“ (РКИ) направи список на земји во кои Германците најмногу се заразиле со коронавирус, а Косово е на самиот врв на тој список.
РКИ посочува дека од средината на јуни, по првото отворање на границите, има зголемување на бројот на луѓе што за време на престојот во странство се заразиле со коронавирус.
Пред затворањето кон средината на март, учеството на увезените случаи, според РКИ, било на својот врв со 46 проценти, а по затворањето на границите, тој удел паднал на 0,4 проценти.
Со повторното отворање на границите, учеството на увезени случаи повторно пораснало на 31 процент.
Од првите 15 земји на инфекција, на прво место е Косово, од каде што 1.096 луѓе го донеле коронавирусот во Германија.
На второ место е Турција со 501 случај, а потоа следува Хрватска со 260 случаи.
Србија е на четвртото место со 196 случаи, следуваат Бугарија со 166, БиХ со 156, Романија со 113, Полска со 112, Шпанија со 107, Македонија со 92, Албанија со 86, Холандија со 50, Австрија со 44 и Франција и Украина по 43 случаи.
Косово уште на почетокот се најде на списокот на ризични региони за кои важат предупредувањата за патувања поради коронавирусот.
Германските власти не знаат зошто е толку голем бројот на заразени повратници од Косово.
Сепак, тоа го поврзуваат со Бајрам кога многу муслимани од Германија отпатувале во земјите на своето потекло кај семејствата.
Од 8 август во сила е обврската за тестирање лица што се враќаат во Германија од високоризични региони, односно двонеделен карантин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.