Регион
Курти сака да дојде на власт во Македонија, тврди поранешен партиски лидер од Албанија

Поранешниот лидер на Црвено-црната алијанса од Тирана, Крешник Спахиу, за „Еуроњуз Албанија“ изјави дека косовскиот премиер Албин Курти, откако не успеа да дојде на власт во Албанија, се обидува да дојде на власт во Северна Македонија.
Коментирајќи ја посетата на Курти на Тетово и Скопје, Спахиу рече дека премиерот на Косово се обидува да направи сојуз со опозицијата во Северна Македонија.
„Откако се обиде да ја урне Владата во Тирана, сега се обидува да ја урне Владата во Скопје. Албин Курти учествуваше на изборите во Тирана и на изборите во 2021 година освои 300 гласа, со што отворено ја бараше власта во Албанија. Кога виде дека не успеа во ова и дека нема поддршка во Албанија, се обиде да создаде политички конфликт со формирање на сојуз со опозицијата во Северна Македонија“, рече тој.
Тој додава дека сојузот што може да го има Курти со Сали Бериша или со некој опозициски фактор во Северна Македонија не е забранет со закон, но би било добредојдено само ако имаат сојуз со сите албански партии.
„Патриотска партија што би била формирана, мора да има во својата база сојуз на сите Албанци за партиски интереси, без разлика, социјалистички или демократски, во власта или во опозицијата“, заклучи Спахиу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шест лица повредени во судир на автобус и камион: тешка сообраќајна несреќа во Ниш

Шест патници кои се наоѓале во автобусот на транспортната компанија „Нишекспрес“ се повредени во 14.30 часот во сообраќајна несреќа на крстосницата од Булевар 12. Февруари и улица Хумска во Ниш.
До несреќата дошло кога возило од градски сообраќај се судрило со камион со панчевски регистарски таблички.
Интервенирале две екипи на Брза помош и повредените патници ги пренеле во Универзитетскиот клинички центар Ниш.
Според првичните информации сите патници се со полесни повреди.
Полицијата врши увид, се утврдува причината за несреќата.
Регион
(Видео) Хрватските навивачи донесени во суд во Атина, еден од нив извика: Пленковиќ извади не надвор

Денеска, во судот во Атина продолжи распитот на Бeд Блу Бојс, осомничени за навивачките нереди во август во кои беше убиен еден навивач на АЕК.
Првата група од 38 навивачи вчера доби можност да ја дополни одбраната откако во истрагата беа извршени ДНК и дактилоскопски вештачења во кои не беа пронајдени нови докази против нив.
Денеска пред суд беше изведена уште една група.
На снимката од пристигнувањето на Бeд Блу Бојс во судот објавена од хрватската Н1, се слуша како еден од навивачите вика: „Пленковиќ, извади не надвор“.
Регион
Неколку лица избодени со нож при тепачка во градски парк во Приштина

Неколку лица се избодени со нож во градски парк во Приштина, каде непосредно претходно настанала тепачка, пренесува Телеграфи.
Според првите информации, конфликтот се случил во населбата „Качаларет“.
Еден од учесниците во инцидентот, кој е осомничен дека замавнал со нож, бил сопрен од граѓанин.
Косовската полиција се уште не излезе со официјално соопштение.