Регион

Кучињата трагачи се вратија во Хрватска – едното од нив било фрлено во шума, а сега е „херојот од Албанија“

Објавено пред

2 недели

- 30 ноември, 2019

Од

Џанго, Гизмо, Ларс, Дарма и Томас се храбрите кучиња трагачи кои вчера со своите сопственици и тренери од Албанија се вратија во Хрватска. Земјотресот се случи во вторникот, а кучињата трагачи од Хрватска пристигнале на местото истиот ден.

„24сата.хр“ објави дека успеале да надушкаат и со тоа да помогнат во пронаоѓањето на пет жртви.

Едно од кучињата од тимот e Џанго, мешанче кој некој пред четири ипол години го оставил во шума. Благодарение на Игор Горета од Загреб, тој останал жив и станал одличен трагач.

„Џанго и неговиот брат ги најдов во шума во Подравина, валкани, смрдливи, полни со крлежи. Ги зедов дома и живнаа, Џанго дури и премногу“, рекол низ смеа Игор и додал дека Џанго набргу ќе наполни пет години.

Тој планирал двете кучиња да ги вдоми и работел на нивна социјализација. Oд почетокот работеле и на основни команди, но за Џанго било тешко да се најде дом бидејќи бил премногу темпераментен. Игор на крајот сфатил дека, така своеглав, Џанго тешко дека ќе може да се вдоми, па го задржал во својот стан во Загреб.

Иаку, Игор е волотен во Клубот за службени и спортски кучиња на Загреб, чии кучиња, заедно со кучињата од Хрватското здружение за обука на кучиња трагачи, помогнале во пронаоѓање на жртвите во Албанија.

„Џанго е трениран да пронаоѓа живи луѓе, но со оглед на неговата реакција, заклучив дека надушкал мирис кој не е мирис на жив човек. Подоцна се покажа дека тоа навистина беше така“, вели Игор.

Џанго учествувал во фазата на груба детекција. Тој не бил трениран да надушка мртви луѓе, тоа го направиле другите кучиња. Сите заедно во акциите им помагаат на своите водачи да знаат на кои урнатини да се фокусираат, а кои да ги елиминираат.

Кучињата кои помагаа во Албанија имаат од три до 13 години, колку што има Ларс од расата бордер коли.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Нов земјотрес во Албанија

Претходно

Бројот на жртви во Албанија се искачи на 50, спасувачката акција заврши

Регион

Нов земјотрес во Албанија, почувствуван во Црна Гора

Објавено пред

2 часа

- 15 декември, 2019

Од

Макфакс

Нов земјотрес од 4,5 степени ја погоди Албанија доцна синоќа, јавуваат медиумите.

Според Евромедитеранскиот сеизмолошки институт, епицентарот бил на 22 километри западно од Тирана.

Јачината на земјотресот беше 4,5 степени, на длабочина од 10 километри.

Потоа нов земјотрес со јачина од 3,5 степени ја погоди Албанија, овој пат на 58 километри од Тирана.

Според податоците, овој земјотрес се почувствувал и во Црна Гора.

Прикажи повеќе...

Регион

Обвинителството во Албанија гони 17 лица по земјотресот – се градело без почитување на стандардите

Објавено пред

16 часа

- 14 декември, 2019

Од

Макфакс

Албанското обвинителство издаде 17 налози за апсење под обвинение за убиство и злоупотреба на службената положба поради смртта на 51 лице во земјотресот со јачина од 6,4 степени минатиот месец кога се срушија десетици згради, соопшти полицијата, додавајќи дека денеска девет лица се уапсени.

Полицијата и обвинителите наведуваат дека првичните истраги покажале оти една од причините за жртвите во срушените згради е тоа што градителите, инженерите и инвеститорите не се придржувале кон безбедносните правила, норми и стандарди за градење, пренесува „Ројтерс“.

Од деветте уапсени лица, двајца се сопственици на два хотели кои се срушија во Драч кога загинаа четири лица, а третиот е менаџер на хотели кој бил наменет за одмор на полицијата и во којшто загина високо рангиран полициски службеник.

Од полицијата велат дека и двата хотели крај брегот на Јадранското Море биле изградени нелегално.

Се наведува и дека дел од 17-те лица што ги бара обвинителството избегале по земјотресот на 26 ноември.

Прикажи повеќе...

Регион

ЕУ најави донаторски собир за обнова на Албанија по земјотресот

Објавено пред

16 часа

- 14 декември, 2019

Од

Макфакс

Европската комисија објави дека членките на ЕУ се согласиле да одржат донаторски собир во Албанија во јануари, со цел да се соберат парични средства за реконструкција на земјата по земјотресот во кој загина 51 лице.

Претседателот на ЕК, Урсула фон дер Лајзен рече дека членките на ЕУ ветиле дека ќе помогнат во долгорочната реконструкција, пренесува АП.

Во земјотрес со јачина од 6,4 степени што се случи минатиот месец, повеќе од 13.000 луѓе останаа без покрив над главата, а над 14.000 згради беа оштетени.

Албанија побара меѓународна финансиска помош за реконструкција, која треба да биде завршена до крајот на 2020 година. Владата на Тирана одвои 117 милиони американски долари за таа цел.

Прикажи повеќе...