Регион
Милан Кнежевиќ: Очекуваме формирање влада во Црна Гора до почетокот на октомври
Парламентарните избори во Црна Гoра завршија минатата недела, победниците и губитниците се познати веќе подолго време, но не и кој и со кого ќе ја формира новата влада.
Еден од лидерите на Демократскиот фронт и Коалицијата за иднината на Црна Гора, Милан Кнежевиќ, изјави дека очекува формирањето на парламентот и новата влада во Црна Гора да бидат до крајот на септември или најдоцна во првите денови од октомври.
„Постојат јасни законски процедури, бидејќи гласањето ќе се повтори на одредени избирачки места … По објавувањето на овие резултати, мора да го конституираме парламентот во рок од 15 дена, а потоа да му испратиме писмо на претседателот Мило Ѓукановиќ дека имаме парламентарно мнозинство, односно дека имаме 41 и повеќе пратеници и да побараме мандат за состав на новата“, рече Кнежевиќ за ТВ Пинк.
Тој исто така изјави дека не очекува какви било напнати ситуации, бидејќи, додаде тој, самиот Мило Ѓукановиќ го призна поразот на неодамнешните избори.
„За него е јасно дека ги изгуби изборите со непромислени потези, особено со Законот за слобода на вероисповед“, рече Кнежевиќ.
Тој исто така вели дека неговата коалиција сака стабилна влада, како и дека Црна Гора никогаш повеќе нема да биде антисрпска држава и дека јасно ќе одлучи за членството во ЕУ.
„Ние сакаме да формираме стабилна влада со партиите на малцинските народи и затоа мора да ги развиваме односите со најблиските и најбратски држави, особено со Србија, Руската Федерација, Република Српска, БиХ …“, рече Кнежевиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.