Воено беспилотно летало слета на гробиштата во селото Обрва на југот на Србија. Истиот ден воен дрон слета во двор од куќа во село Тавник. Двете села се наоѓаат веднаш до воениот аеродром „Лаѓевци“, пишува „Нова.рс“.

Дрон, вчера, околу 14 часот, слета на гробиштата во село Обрва. Звукот на моторот ги вознемири мештаните. Велат дека кога го виделе падобранот отворен, сфатиле дека нешто не е во ред со леталото.

„Првин мислев дека нешто се вежба. Слушнав како моторот на леталото трокира. Кога се изгасна, а набргу откако го видов падобранот отворен, сфатив дека нешто не е во ред“, изјави Милан Среќковиќ од Обрва.

Како што изјави за „Нова.рс“, на гробиштата видел летало со падобран околу споменикот.

„Со десното крило се потпре на споменик. Не беше оштетен при слетувањето. Често ги гледаме, но никогаш не слетале во близина на населено место“, вели Среќковиќ.

Европскиот парламент ќе побара од Европската Унија да ги прекине преговорите за членство со Србија додека таа не воведе санкции кон Русија, се вели во нацртот на новата стратегија на ЕУ во процесот на проширување до која Радио Слободна Европа имаше пристап.

„Дајте приоритет на усогласувањето на земјите членки со заедничката надворешна и безбедносна политика на ЕУ и да ги продолжите пристапните преговори со Србија, само доколку тоа е усогласено со санкциите на ЕУ против Русија“, се наведува во нацрт-извештајот.

Претставниците на Европскиот парламент ќе расправаат за овој документ на Комитетот за надворешна политика на 13 октомври, а конечната верзија на нацртот ќе биде во форма на резолуција на Европскиот парламент на гласање што се очекува во текот на ноември.

Резолуциите на Европскиот парламент не се правно обврзувачки за земјите-членки или за другите европски институции.

Европските социјалдемократи, втората по големина партија во Европскиот парламент, сметаат дека ЕУ не може да ги продолжи пристапните преговори со Србија доколку не ги почитува санкциите на ЕУ против Русија и најавија дека ќе биде вклучена во извештајот на Европскиот парламент за проширувањето.

Радио Слободна Европа потсетува дека од почетокот на војната во Украина, Европската Унија редовно бара Србија да воведе санкции кон Русија во согласност со одлуките на ЕУ.

Земјите- кандидати за членство во ЕУ треба постепено да ја усогласуваат својата надворешна политика со онаа на Европската Унија вклучувајќи ги и санкциите, според Брисел.

Србија е единствената земја во регионот што не воведе санкции кон Русија, а другите земји од Западен Балкан ги усогласија сите свои политики со оние на ЕУ.

Според Европската комисија, институција што ја оценува подготвеноста на една земја за интеграција, Србија е подготвена да го отвори кластерот 3, кој се однесува на конкурентност и инклузивен раст. Овој кластер, всушност, треба да се отвори во декември оваа година.

Но, сега дипломатски извори тврдат дека 2022 година ќе помине без никаков напредок во пристапните преговори, токму поради односите на Србија со Русија.

Српскиот претседател Александар Вучиќ зборуваше за ситуацијата во Украина и на фактот дека Србија сè уште нема воведено санкции кон Русија.

„ Истраевме 210 дена со стабилна политика, мислам дека никој не го очекуваше тоа… Патот на Србија е многу тежок, трнлив… но тоа е пат кој се грижи за интересите на државата. Нема да биде лесно во иднина“, рече Вучиќ.

„ Јас не се борам за Путин или Бајден, туку за Србија, оваа земја… Не ми е гајле за странските лидери“, додаде Вучиќ и изјави дека притисоците ќе се зголемуваат.

„Гледам како Србија во овие тешки моменти нема да биде под нивен напад и затоа што треба да размислуваме за денот потоа, како што изјави денеска Ангела Меркел“, рече Вучиќ и додаде дека притисокот врз Србија ќе се множи.

Тој вели дека на Запад се зголемува нервозата и дека политичките партии и медиумите ќе бидат вклучени во притисокот врз Србија. Тој во своето обраќање го повтори ставот на Србија за референдумите во Украина.

Вучиќ рече дека Србија нема да ги признае референдумите во областите Луганск, Доњецк, Запорожје и Херсон.