Телеметриската сеизмолошка мрежа, одржувана од Сеизмолошката опсерваторија при Природно-математичкиот факултет во Скопје, денеска во 17 часот и 35 минути, регистрира земјотрес чии епицентар се наоѓа 165 километри југозападно од Скопје во соседна Република Албанија, а потекнува од пограничното епицентрално подрачје Корча.

Земјотресот е со 3.5 степени Рихтер, а бил почувствуван од населението на нашата Република, особено во југозападните делови со интензитет од III степени според Европската макросеизмичка скала.

Во Подгорица утрово слетале 320 морнари на компанијата „Ројал Карибијан“, меѓу кои, според црногорската влада, имало и 89 морнари од Хрватска, 25 од Албанија, 37 од Босна и Херцеговина и 26 од Србија.

Сепак, веста за нивното безбедно враќање поради пандемијата, беше засенета од скандалот предизвикан од околу 15 црногорски морнари кои биле уапсени во авионот, веднаш по слетувањето, пренесува хрватски „Индекс“.

„За малку ќе нè вратеа назад. Тие се напија, пушеа во авионот, ги нападнаа стјуардесите. Еден од нив им избега, па јас го фатив и го уапсија”, рекол еден од Хрватите кој слетал на аеродромот во Подгорица.

„Стјуардесата е изгребана на вратот и срамота е што 10 отсто од 143 црногорски морнари се уапсени во полиција“, изјавил Црногорец, исто така патник на летот.

„Пушеа во авионот, противпожарниот аларм се активираше веројатно 20 пати. Потоа, кога сакаа да им ги земат цигарите и алкохолот, ја нападнаа стјуардесата. Нејзин колега се обиде да ја одбрани, па за малку ќе избиеше тепачка. Пијаните исто така задеваа една девојка меѓу патниците во авионот“, раскажал за хрватските медиуми еден од Хрватите кој рекол дека уште не може да дојде на себе поради бурната ноќ која ја доживеал на повратниот лет.

Претседателот на Србија и лидер на партијата СНС, Александар Вучиќ, објави ново предизборно видео на својот профил на Инстаграм.

Во него Вучиќ нагласува – „Ќе продолжиме да градиме за нашите деца“.

Во видеото, тој разговара со мало девојче.

 

View this post on Instagram

 

A post shared by Александар Вучић (@avucic) on May 29, 2020 at 11:01am PDT

„Што би сакала да направиш сега?“, прашува Вушиќ, на што таа одговара „пат“, додека тие си играат со коцки.

Вучиќ објаснува дека луѓето прават патишта за да имаат поголеми шанси и повеќе можности за работа.

Девојчето посочува уште една важна предност на патот: „Така може да се оди кај баба и дедо“.

Девојчето посакува и повеќе училишта и градинки, а Вучиќ вели дека ќе го направи тоа и додава дека има идеја како да го врати нејзиниот татко и сите други татковци кои работат во странство, назад во Србија, на што девојчето вели: „Тоа го сакам најмногу на светот“.