Кандидатот за премиер на Косово, Албин Курти изјави дека во овој момент не е потребно да се забрзаат разговорите меѓу Белград и Приштина.Тој во интервју за весникот „Победа“ рече дека наместо тоа, приоритет треба да биде да се разговара за тоа што е постигнато во досегашните преговори и што претстои понатака.

Курти исто така ја отфрли идејата за размена на територии, бидејќи „зад неа стои идејата на српскиот претседател Александар Вучиќ да го подели Косово, а подоцна, преку разграничувањето со Хрватите, да ја подели и Босна и Херцеговина“.
        
„Сето тоа оди во прилог на Русија“, додаде тој.
        
Курти предупреди дека не може да се локализира нов конфликт меѓу Косово и Србија, особено затоа што „Албанците делуваат како нација против Србија, а не како кревка држава Косово“.
        

Српскиот министер за здравство, Златибор Лончар, денеска во изјава за „Танјуг“ нагласи дека претседателот на државата, Александар Вучиќ, имал хронични, помали проблеми со срцето, но дека неговата здравствена состојба сериозно се влошила во петокот, кога решил да се обрати во Воената медицинска академија (ВМА) во Белград.

„Веднаш по приемот, беше проценето дека претседателот на Србија е животно загрозен“, изјави министерот Лончар.

Според него, Вучиќ добро реагирал на терапијата што му била пропишана и му било препорачано да ги намали своите редовни активности во наредниот период, со цел целосно да се опорави од влошената здравствена состојба.

На снимка, која се појави на социјалните мрежи во Србија, прикажан e момент во кој белградските полицајци имаат краток разговор со мигрант, а набрзо потоа настанува мешаница и тие се обидуваат да го совладаат.

Како што пренесува српски „Телеграф“, сè се случило во продавница на улицата Крал Милан, од каде работниците пријавиле дека мигрант се обидувал да украде храна, поточно сирење.

Патролата пристигнала за кратко време, но мигрантот ги оттурнал полицајците, обидувајќи се да дојде до пиштолот. Сепак бил совладан и приведен.