Регион
„Организацијата е нула“ – огромни редици за вакцинирање во Загреб

Утрово голем број луѓе се собраа во Загреб, каде вакцинацијата почнува денеска, како дел од втората фаза.
Иако вакцинирањето започна во 9 часот наутро, граѓаните почнаа да се појавуваат на местото часови порано за да ја добијат својата доза на вакцината што е можно побрзо. До 9 часот, се формираше колона од луѓе долга неколку стотици метри, јавува Индекс од местото на настанот.
Луѓето стојат чекајќи во ред за вакцинирање, а најголемиот проблем е тоа што голем број луѓе пристинале многу пред времето во кое се закажани.
„Настана хаос. Целосно е неорганизирано. Очигледно е дека ќе чекам со часови. Луѓето кои дојдоа рано создадоа хаос. Дојдов пред 9 и веќе ми беше редот. Мислам дека ќе биде и проблем со паркирање. Има многу постари луѓе кои дојдоа со автомобил. Се плашам дека сите ќе завршат со Астра Зенека. Имам двајца постари родители над 90 години дома. Избегнувам нормален живот една година за да не ги заразам. Затоа, решив да се вакцинирам “, рече еден жител на Загреб за „Индекс“.
„Дојдоа некои што беа закажани за 14 часот, сега ги враќаат“
„Дојдоа некои на кои им беше закажано во 14 часот, а сега ги враќаат назад. Сега прашав“, рече друг жител на Загреб, кого исто така му била закажана вакцинација во 9 часот наутро.
„Организацијата е нула“
„Организацијата е нула. Ќе беше подобро да одеше преку домовите за јавно здравје, тогаш немаше да има ваков хаос. Наместо да се вакцинираме според терминот, се прифаќаат луѓе кои застанале во редот. организација нема“, раскажува друг загребчанец.
На граѓаните им се мери температурата на влезот и секој е должен да ги дезинфицира рацете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Карантин за Подгорица и уште неколку градови во Црна Гора

Комисијата за заштита на населението од Ковид-19 на предлог на Институтот за јавно здравје, денеска донесе нови мерки.
Според нив, неколку градови во Црна Гора ќе бидат во карантин, вклучувајќи ги Подгорица, Цетиње и Херцег Нови.
Како што беше соопштено, забраната ќе стапи на сила во вторник, на 2 март, а покрај мерките што продолжуваат да важат во општините Будва и Тиват, на граѓаните ќе им биде забрането да ги напуштаат и териториите на Подгорица, Цетиње, Улцињ, Херцег Нови, Никшиќ и Плужине, пренесува „Вијести“. Целосно забранета ќе биде работата на угостителските објекти.
Овие мерки ги ослободуваат оние граѓани кои го напуштаат градот поради редовни работни задачи и врз основа на потврда на работодавачот, понатаму лицата кои одат на преглед со медицинска документација или се грижат за лица кои не можат да се грижат за себе поради болест или повреда.
Ослободени се и студентите кои патуваат од своето место на живеење до седиштето на високообразовната установа, врз основа на потврда на таа институција, односно уредно пополнетиот и заверен индекс.
Регион
Земјотрес регистриран во близина на Закинтос

Денеска околу 14 часот е регистриран земјотрес со јачина од 4,1 степен според Рихтеровата скала во близина на грчкиот остров Закинтос.
Според Институтот за геодинамика на Атинската опсерваторија, епицентарот на земјотресот бил во морето, на 13 километри северо-источно од Волимес и на длабочина од 10 километри.
Засега нема податоци за можни жртви или материјална штета.
Регион
Почина градоначалникот на Загреб, Милан Бандиќ

На 66-годишна возраст, почина градоначалникот на Загреб, Милан Бандиќ, јавуваат хрватските медиуми.
Нему му се слошило доцна синоќа и со Брза помош бил превезен во болница, каде лекарите се обиделе да го реанимираат, но неуспешно.
Од Градот Загреб соопштија дека Бандиќ починал како последници на срцев удар.
„Живееше за својот град, за загрепчани и загрепчанки кои за се што работеше му беа на прво место, за работата која со љубов и енергија, внесувајќи се себеси, ја обавуваше 21 година. За деталите, за терминот на погреб, одржувањето на комеморацијаа, како и останатите информации поврзани со оваа тажна вест, јавноста ќе биде информирана дополнителнo. Нека почива во мир“, соопштија од Град Загреб.
Тој во 2003 година доживеал и тежок мозочен удар. Пред три години му бил вграден стент, а во јуни минатата година беше хоспитализиран. Тој исто така имал белодробна емболија и неколку операции, вклучително и операција на гласните жици.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа5 дена
Планот за отклучување на Германија протече во медиумите, Меркел: Имаме трет бран