Во центарот на Атина утрово се одржа протест на средношколци.

Нивните главни барања се спроведување на сите потребни мерки за безбедност на учениците и наставниците во училиштата, вклучително одделенијата од по 15 ученици, пренесе АНА.

Главниот слоган на демонстрантите беше „ Под маските имаме глас, образование и здравје за секој ученик“.

Тие се собраа кај Пропилеј, а потоа тргнаа кон зградата на парламентот.

Сообраќајот во центарот на Атина беше во прекин.

Говорејќи на дебатата на Генералното собрание на ООН, српскиот претседател Александар Вучиќ ѝ се заблагодари на Русија за помошта во борбата со пандемија на коронавирус во земјата, пренесува ТАСС.

„Морам да им искажам голема благодарност на нашите европски партнери, на нашите кинески пријатели, како и на нашите руски пријатели“, рече српскиот претседател.

Тој, исто така, изрази благодарност до Светската здравствена организација, додавајќи дека Србија им пружила помош и на другите земји. Српскиот претседател рече дека неговата земја е горда на своите посебни односи со Кина и Русија.

„Полноправното членство во ЕУ е надворешнополитички приоритет на Република Србија. Сепак, нашиот европски пат не ја исклучува посветеноста кон развој на соработката и продлабочување на односите со земјите од сите региони“, рече српскиот лидер.

„Ние ги цениме партнерските односи со западните земји, пред сè поинтензивната соработка со САД, но во исто време сме горди на исклучителни односи со Руската Федерација и со Народна Република Кина. И, како што можете да видите, не го криеме тоа, ние сме многу горди на нашите пријателства“, додаде тој.

Србија побара помош од Русија во борбата со  Ковид-19 претходно годинава. На 3-4 април во Србија пристигнаа 87 руски војници, вклучително и воени медицински лица, виролози, специјалисти за радијациска, хемиска и биолошка заштита, како и специјална медицинска опрема, заштитни средства и шеснаесет воени возила.

Помеѓу 3 април и 18 мај, руските единици спроведоа целосни санитарни мерки во социјалните установи во повеќе од 40 српски места. Дезинфицирани беа повеќе од 376 згради со вкупна површина од 1,685 милиони квадратни метри и околу 500 километри автопати и патишта. Осум медицински тимови испитуваа и лекуваа 881 пациент со коронавирус.

Во Албанија утрово е регистриран земјотрес со јчина од 4,3 степени според Рихеривата скала, а земјотрес од 4,1 степен ја погоди Грција.

Епицентарот на земјотресот во Албанија бил на десетина километри североисточно од Лушње, на длабочина од 10 километри.

Следуваа последователни земјотреси со јачина од 3 степени и земјотрес со јачина од 3,2 степени.

Земјотресите во Албанија ги разбудија локалните жители.

„Земјотресот се случи во два бранови еден по друг и неколку помали потреси. Се чинеше како да ми потона креветот“, „Ме исфрли од сон“, „Силен како грмотевица“, коментираат тие.

Епицентарот на земјотресот во Грција бил на 14 километри југозападно од Лефкада, на длабочина од 16 километри, а еден од жителите во епицентралното подрачје го опиша потресот „како да прелетал брз воз“.

Засега нема информации за повредени лица или причинета материјална штета.