Претседателот на Алијансата за иднината на Косово, Рамуш Харадинај изјави дека постои сомнеж, дека премиерот Албин Курти ќе го подели Косово за да го избегне создавањето на Заедницата на српските општини, пишува „Косово онлајн“, цитирајќи го „Дукаџини“.

Што се однесува до одвојувањето на северот, пак на Курти му порачувам дека северот не може да го делат политичарите, тоа е прашање на безбедност, никој не успеал да го раздвои, ниту криминалните банди“, рече Харадинај.

Тој додаде дека е можно „Курти да се заљубил во планот за поделба на Косово“.

Полицијата во Панчево синоќа пронашла три безживотни тела во стан, а обвинителот наредил итна обдукција.

Српските медиуми пишуваат дека се работи за маж по потекло од Русија, а станот во кој живеело семејството од Русија бил пломбиран.

Според се уште непотврдени информации, маж (46) најверојатно со нож ја убил 50-годишната жена деветгодишното дете.

„Беа мирни. Не ги гледавме често. Слушнавме дека имаат рани од нож на вратот. Велат дека имало многу крв во станот“, вели еден од соседите.

Според „Телеграф.рс“, тие дошле од Русија минатата година. Имале важечка дозвола за престој. Од тоа семејство немало пријави за нарушување на јавниот ред и мир.

Истрагата ја води Вишото јавно обвинителство Панчево.

Турскиот претседател Реџеп Таип Ердоган го назначи својот портпарол Ибрахим Калин за шеф на Националната разузнавачка агенција (МИТ).

Ова го соопштија од кабинетот на Ердоган.

Калин е долгогодишниот доверлив човек на Ердоган, кој од 2014 година е портпарол на претседателството и советник за надворешна политика на Ердоган.

За министер за надворешни работи, наместо Мевлут Чавушоглу, е назначен поранешниот шеф на МИТ, Хакан Фидан, кој беше на таа функција од 2010 година.

Турскиот претседател одлучи на функцијата министер за финансии во новата влада повторно да го именува Мехмет Шимшек, како и за министер за одбрана Јашар Ѓулер, кој од 2018 година е началник на турскиот Генералштаб.