Регион
Романија и Бугарија со постојан пораст на заболени, воведуваат нови мерки
Романија усвои нови мерки со цел спречување на растот на бројот на заболени од коронавирус. Меѓу мерките што се воведуваат во Романија задолжително се носењето маска во некои отворени простории и намалени активности во кафулињата и рестораните.
Во Романија во последните 24 часа регистрирани се 1.182 нови случаи. Починале 30 луѓе заразени од Ковид-19, а сите имале и други претходни болести.
За време на последните осум дена, Романија бележи над 1.000 случаи на коронавирус дневно, со што вкупниот број заразени достигна над 48.000, а 2.269 лица починале.
Носењето маски веќе беше задолжително во затворените простории. Гостите во кафулињата и рестораните може да седат само на терасите, а на маса смеат да седат најмногу четворица.
Локалните власти ќе одлучуваат во кои уште надворешни простории ќе биде задолжително носењето маски, но, како што е наведено, најверојатно тоа ќе биде потребно на пазарите и на железничките и автобуските станици.
Децата над 5 години исто така ќе мора да носат маски.
Во Бугарија, пак, во последните 24 часа потврдени се 284 нови случаи, што е 34 повеќе од претходниот ден, соопшти Министерството за здравство.
Со тоа вкупниот број заразени во оваа земја достигна 11.155, од кои 664 се медицински работници.
Претходниот ден починале 13 луѓе, па вкупниот број смртни случаи сега изнесува 368.
Со зголемувањето на новозаболени Бугарија се соочува со недостиг на болнички персонал, пренесува ТАС С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Легендарниот рокер Бора Чорба погребан со хитот “Погледај дом свој анџеле“
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.