Регион
Сообраќаен хаос на словенечко-хрватската граница во пресрет на викендот
![](https://makfax.com.mk/wp-content/uploads/2020/07/hrvatska-granica-turisticka-sezona.png)
Претстојниот викенд се смета за еден од најударните во туристичката сезона во Хрватска, а утрово веќе се забележува голем метеж на патиштата кон хрватското крајбрежје, пренесуваат регионалните медиуми.
Како „најкритична“ се оценува ситуацијата на граничните премини со Словенија.
Според најавите на Авто-мото сојузот на Хрватска, зголемен метеж се очекувал дури во попладневните часови, пренесува порталот „Индекс“.
Според податоците од системот е-визитор, во моментов во Хрватска има 760.000 гости, од кои 126.000 се домашни, а најбројни се станските посетители од Германија.
Од туристичките организации во земјата очекуваат дека 1 август, како и секоја претходна година, ќе биде ударен ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Сведочеа повредената наставничка по историја и дадилката на малолетниот убиец од Рибникар: продолжи судскиот процес против родителите на Кецмановиќ
![](https://makfax.com.mk/wp-content/uploads/2024/09/Screenshot-2024-09-09-131540.jpg)
Со распит на сведоци продолжи судскиот процес во кривичната постапка против родителите на момчето кое лани го изврши масовното убиство во ОУ „Владислав Рибникар“.
Сведоци беа наставничката по историја која беше ранета во масовното убиство и дадилката на малолетното момче кое го изврши масовното убиство, пишува Н1.
Деталите од нивното сведочење не се познати, бидејќи оваа постапка е затворена за јавноста.
По кратката пауза која беше одредена, треба да сведочи судскиот вештак кој ја вештачи ДНК-трагата пронајдена на чаурата во училиштето по масакрот.
Во оваа постапка обвинет е и Ратко Ивановиќ, претседател на стрелачкиот клуб „Партизан“,каде како што тврди обвинителството, Владимир Кечмановиќ го однел својот син на вежбање стрелање.
Тој беше обвинет за лажно сведочење во текот на истрагата.
Иако Ивановиќ во текот на постапката пред судот во јуни 2024 година ја негираше вината, само две недели подоцна склучи договор со обвинителството, сепак ја призна вината и беше осуден на пет месеци домашен притвор.
Медиумите потсетуваат дека Обвинителството првично предложи затворска казна од три години.
Покрај него, според написите, обвинет е и Немања Маринковиќ, инструктор во клубот „Партизан“. Како и во случајот со претседателот и сопственик на стрелачкиот клуб, тој исто така ја негираше вината пред судот, а беше обвинет и за давање лажен исказ.
Во оваа постапка претходно биле вклучени Владимир Кецмановиќ, таткото и Миљана Кечмановиќ, мајката на малолетниот Коста кој извршил масовно убиство, ја негирал вината и изнел одбрана. Тие одговараа на прашањата на обвинителството, адвокатите на одбраната, како и членовите на повредените семејства, но не одговорија на прашањата на нивните бранители.
Обвинителството го товари таткото на момчето за тешко дело против општата безбедност и за него бара затворска казна од 12 години.
Мајката на момчето се товари за недозволено поседување оружје и муниција, а Обвинителството за неа бара две и пол години затвор.
За случајот „Рибникар“ во тек е една кривична и пет граѓански постапки. Кривичниот предмет го покрена Вишото јавно обвинителство во Белград, а граѓанската постапка ја покренаа семејствата на жртвите во масовното убиство.
Регион
75-годишна жена скокнала од тераса бегајќи од синот кој ја тепал: насилство во Грција
![](https://makfax.com.mk/wp-content/uploads/2024/09/Screenshot-2024-09-09-083700.jpg)
75-годишна жена била тешко повредена кога паднала од тераса бегајќи од синот кој силно ја тепал.
Грчката полиција добила дојава дека жена паднала од терасата во Агринио, откако синот ја бркал.
Несреќната жена бегајќи од својот полуден син се фрлила од терасата и се здобила со бројни скршеници на рацете, нозете и карлицата. Во тешка состојба е пренесена во болница.
Според истрагата, синот прво вербално, а потоа и физички ја нападнал мајката. Таа се фрлила од терасата кога тој се фатил за железна прачка за да ја претепа.
Полицијата вчераутро го привела синот, кој се товари за семејно насилство и нанесување тешка телесна повреда, пренесуваат локалните медиуми.
Регион
Нападната амбасадорката на Србија во Мадрид
![](https://makfax.com.mk/wp-content/uploads/2024/09/ae9a10f0-84e8-4941-a7ac-90cb4a520086.jpg)
Министерот за надворешни работи на Србија, Марко Ѓуриќ, најостро го осуди физичкиот напад врз српската амбасадорка во Шпанија, Ирена Шарац, што, како што рече, се случи во центарот на Мадрид.
„Најостро го осудувам физичкиот напад врз амбасадорката Шарац во центарот на Мадрид. Бараме целосна истрага и одговорност од сите власти за овој безобразен инцидент и чин на насилство врз највисокиот дипломатски претставник на нашата земја“, изјави за Танјуг шефот на српската дипломатија Марко Ѓуриќ.
Според Танјуг, во центарот на Мадрид, млад човек физички ја нападнал српската амбасадорка во Шпанија, на улицата каде што живее и и нанел повреди на грбот.
Од изјавите на присутните сведоци и по неговиот говор, според написите, постои сомнеж дека тој по потекло е од Албанија.
Според очевидци, на амбасадорката, кој телефонски разговарала на српски јазик, и пришол помлад човек и ја прашал дали е од Србија, по што тој ја удрил со нога во грбот и побегнал.
Неколку сведоци потоа неуспешно се обиделе да го фатат напаѓачот. Нападот бил пријавен во полиција, која пристигнала на местото на настанот.
Амбасадорката е во добра состојба, вели извор за Танјуг.