Регион
Состојбата во регионот: Над 300 новозаразени во Грција, најмногу починати во Хрватска
Во Грција, коронавирусот е потврден кај уште 302 лица во последните 24 часа.
Регистрирани се два смртни случаи, пренесува агенцијата АНА.
Меѓу новите случаи на инфекција, 21 е потврден при проверка на патници на границите, додека 29 нови случаи оствариле контакти со лица кои биле позитивни на тестот за Ковид-19.
Во моментов има 53 пациенти на респиратори.
Вкупно 13.036 лица се заразени со коронавирус во Грција од почетокот на пандемијата, 2.363 случаи се поврзани со патувања во странство.
Како резултат на Ковид-19, досега во Грција починале 302 лица. Нивната просечна возраст е 78 години, а 96,4 проценти од починатите страдале од хронични болести или биле постари од 70 години.
Во Хрватска денеска е забележан црн рекорд по бројот на смртни случаи.
За 24 часа починаа седум лица, што е најмногу од почетокот на пандемијата.
Потврдени се 261 нов случај на зараза. Бројот на активни случаи во Хрватска денес е вкупно 2.429.
Меѓу нив, 313 пациенти се во болница, од кои 24 се на апарати за дишење.
Во Босна и Херцеговина, 304 новозаболени лица
Во последните 24 часа, во Босна и Херцеговина се регистрирани 304 случаи на инфекција со коронавирус, со што бројот на заразени од почетокот на пандемијата достигна 14.648 лица.
Во БиХ од денес се излечени 10.474 пациенти, од кои 197 во изминатите 24 часа.
До денес, вкупниот број на смртни случаи во БиХ е 400 лица.
Во Бугарија 201 новозаразени
Во Бугарија во последните 24 часа се регистрирани 201 новозаразени со коронавирус, што е за 38 повеќе од претходниот ден.
Во Бугарија, од почетокот на епидемијата на коронавирус, потврдени се вкупно 17.799 случаи, 713 смртни случаи и 12.750 оздравени.
Словенија и денес со троцифрен број на новозаразени
Во претходните 24 часа, во Словенија беа потврдени 105 нови случаи на зараза со коронавирус. Бројот на новозаразени надминува 100 втор ден по ред, додека вчера беа забележани рекордни 108 нови случаи, пренесува СТА.
Во петокот, во Словенија беа извршени 3.191 тестирања, најмногу за еден ден од почетокот на пандемијата.
Во Словенија досега се заразени 3.603 лица со коронавирус, додека во моментот има 769 активни случаи.
Албанија со 164 новозаразени и 3 починати
Во Албанија потврдени се 164 нови случаи со коронавирус и тројца почнати паценти.
Направени биле 872 теста, што е околу 19 отсто од тестираните.
Во Србија 72 новозаразени од 6.068 тестирани
Во Србија се регистрирани 72 нови случаи на коронавирус, а едно лице почина. Вкупно 32.300 лица се разболеле од овој вирус во Србија досега, а регистрирани се 731 смртни случаи.
Во моментов има 383 пациенти во болница, од кои 29 се на апарати за дишење.
Во последните 24 часа биле тестирани 6.068 лица, а од март вкупно 1.024.976.
Во Косово 70 новозаразени од 633 тестови
Во последните 24 часа во Косово биле тестирани 633 лица, од кои 70 се позитивни на коронавирусот, додека уште три лица починале.
Најголем број новозаразените се регистрирани во Приштина (28).
Во моментов има 2.705 активни случаи на зараза со Ковид-19 во Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Околу 50 маскирани лица дојдоа пред Српскиот културен центар во Загреб
Педесетина маскирани мажи, претежно млади луѓе, пристигнаа пред Српскиот културен центар во Загреб, каде што се одржува изложба.
Таму беа и неколку припадници на интервентната полиција.
Откако пееја „О Хрватска, о Хрватска, независна држава“ и скандираа „За татковината, спремни“, тие го напуштија местото на настанот.
Полицијата не интервенираше веднаш, а групата се оддалечи сама, пренесуваат хрватските медиуми.
Интервентната полиција запрела дел од групата, ги легитимирала, а потоа ги пуштила.
фото: принтскрин
Регион
Во Словенија од денеска границите ќе ги чува и војската
Припадници на словенечката војска од денес ќе учествуваат во чувањето на државната граница заедно со полицијата, откако владата еден ден претходно го активираше членот 37 од Законот за одбрана, што го дозволува ова, јавува словенечката агенција СТА. На овој начин, тие ќе и олеснат на полицијата за да можат да извршуваат задачи поврзани со управувањето со безбедносната состојба, особено во југоисточниот дел на Словенија.
Членот 37 од Законот за одбрана предвидува дека словенечките вооружени сили можат да соработуваат со полицијата во пошироката заштита на државната граница во рамките на националната територија во согласност со плановите и по претходна одлука на владата. Припадниците на словенечките вооружени сили немаат полициски овластувања при извршување на овие задачи.
Владата одлучи да го активира членот на вчерашната седница со оглед на безбедносната состојба во југоисточна Словенија, истакнува СТА. Како што изјави премиерот Роберт Голоб по седницата, полицијата може да ги повика припадниците на словенечките вооружени сили да помогнат во многу ограничен опсег на задачи на границата. На овој начин, армијата ќе им олесни на полициските единици од југоисточна Словенија.
фото: принтскрин
Регион
Хорор во Лесковац: се скарал со соседката, па ја удрил со лопата по главата и стомакот, лекарите се борат за нејзиниот живот
Денеска, во селото Губеревац во близина на Лесковац во Србија се случи обид за убиство. По расправија, 69-годишниот Ц.Ј. ја нападнал својата 61-годишна соседка со лопата, нанесувајќи и повреди опасни по живот. Напаѓачот е уапсен, а Вишото јавно обвинителство во Лесковац му одредило притвор поради сомнение за обид за убиство, објавува српски Блиц.
Според првичните информации, вербалниот конфликт меѓу соседите ескалирал во физички напад. Се сомнева дека Ц.Ј. во еден момент зграпчил лопата и ја удрил жената по главата и стомакот со металниот дел. Жената е итно пренесена во Клиничкиот болнички центар во Ниш, каде што лекарите се борат за нејзиниот живот.
„Жената се здобила со повреди во форма на фрактура на темпорална коска и хематом во пределот на абдоменот, поради што е примена на лекување во Клиничкиот болнички центар во Ниш. Истрагата ја спроведе јавниот обвинител на Вишото јавно обвинителство во Лесковац“, изјавил извор за Блиц.

