Регион
Грција ги зајакнува одбранбените сили – ќе купи 18 француски борбени авиони и 4 фрегати
Грција најави набавка на четири нови фрегати во флотата на воената морнарица и модернизација на старите. Како што изјави грчкиот премиер, Киријакос Мицотакис ќе бидат купени и 18 француски борбени авиони – „Рафале“.
Мицотакис наведе дека Грција сака да ја зајакне својата одбрана.
„Дојде време да ги зајакнеме нашите вооружени сили. Ова е важна програма што ќе создаде национален штит”, рече грчкиот лидер во Солун, додавајќи дека тоа ќе создаде илјадници нови работни места, пренесува Франс Прес.
Бројот на војници ќе се зголеми за 15 илјади, а ќе се зголемат и залихите на противвоздушни ракети, торпеда и друга муниција.
Набавката се случува во време на зголемени тензии со Турција поради активностите во Медитеранот.
По тој повод, Мицотакис денеска во Солун при презентацијата на владините мерки изјави дека додека светот е под опсада на двојната криза, здравствената и економската, Грција „продолжува да управува и со националниот фронт, кој станува сè покритичен, бидејќи Анкара ги загрозува источните граници на Европа и ја поткопува безбедноста на чувствителната крстосница на три континенти”.
Мицотакис соопшти и 12 мерки за заштита на работните места и продуктивната активност за време на кризата и за поддршка на приходите на најслабите во тешкиот период што претстои.
Спор со Турција
Грција и Кипар веќе со месеци се во расправија со Турција во врска со делови од источниот Медитеран за кои сите три земји тврдат дека имаат право на истражување и дупчење во потрага по природен гас.
Мицотакис ја обвини Турција за закана кон грчките граници и загрозување на регионалната безбедност.
Спорот во Медитеранот резултираше со испраќање на турски истражувачки бродови во спорните води, по што сојузниците од Европската унија ги испратија своите пловни објекти во тие области.
Макрон и Ердоган разменија предупредувачки пораки поради спорот со Грција
По критиките што францускиот претседател, Емануел Макрон, ги упати до турскиот претседател Реџеп Тајип Ердоган, тој вчера жестоко му возврати.
„Не играјте со турскиот народ, не играјте со Турција“, му порача Ердоган на Макрон.
Францускиот претседател на почетокот на неделава објави дека Турција, една од воено најмоќните членки на НАТО, повеќе не е партнер во Средоземното море поради територијалните претензии и истражувањето на гас во водите што им припаѓаат на Грција и Кипар.
Макрон ова го рече за време на неформалниот самит со јужните членки на ЕУ кои ја предупредија Турција да не презема „еднострана акција“ на Медитеранот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.