Регион
„Треба да плаќам кирија, што ќе правам сега?“ – Кинезинка во солзи се обидува да ја спаси стоката од трговскиот центар во пламен
![](https://makfax.com.mk/wp-content/uploads/2024/01/pozar-srbija.jpg)
Неми од шок и неверување што вторпат за две години избувна пожар во кинескиот трговски центар во Нов Белград, кинеските граѓани и сопствениците на продавници се обидуваат на секој начин да ја спасат стоката. Некои од нив влегоа во делот што гореше минатиот пат спасувајќи сè што може да се спаси.
Како што јавува репортерот на „Блиц“ од местото на настанот, во овој дел од трговскиот центар се шири густ чад, а пожарникарите на секој начин се обидуваат да го изгаснат пожарот.
„Треба да ја платам киријата, што да правам? Утрово се запали, немаше многу луѓе“, низ солзи рекла жената.
Работник од трговскиот центар претходно изјави дека останал без ништо.
„Внатре имам и приватни работи. Почнав да влегувам да си ги соберам барем личните работи – не ми дадоа. Ги разбирам, но, луѓе, изгубив сè“, рече тој и посочи дека таков пожар никогаш во животот не видел.
Повеќе од педесет пожарникари го гаснат пожарот од земја, а во гаснењето се вклучија и хеликоптери.
Полицијата ги премести луѓето на поширок простор околу запалениот трговски центар, им помага на Кинезите да извадат што е можно повеќе стока, но онаму каде што е загрозена безбедноста, ги затвораат сите премини.
Како што јавува репортерот на „Блиц“ од местото на настанот, кинеските граѓани се обидуваат да си ја добијат стоката не грижејќи се за сопствената безбедност.
Една Кинезинка, дури се обидела да влета во пожарот, но пожарникарите ја спречиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.